Lajme nga vendi
Hyrja e ASH-së në Qeveri, sot takimi Kovacevski-Taravari
Kryeministri Dimitar Kovaçevski sot do të takohet me kryetarin e Aleancës për SHqiptarët (ASH), Arben Taravari për hyrjen e mundshme të kësaj partie në koalicionin qeverisës.
Kryeministri Kovaçevski dje në një deklaratë për media ka konfirmuar se sot do të ketë takim me kreun e ASH-së ku do të diskutohet për koalicionin qeveritar.
“Do të kemi një takim me Taravarin. Do të diskutojmë progresin që nga hera e fundit që jemi parë, por do të diskutojmë edhe bashkëpunimin e mundshëm dhe zgjidhjet ligjore dhe programore që mund të përmirësojnë kapacitetet e shtetit dhe të Kuvendit dhe marrja e këtyre vendimeve për realizimin e planit tonë është synimi që vendi të jetë shtet anëtar i BE-së deri në vitin 2030”, theksoi Kovaçevski.
Sa i përket çështjeve kadrovike, Kovaçevski theksoi se nuk është diskutuar, por nëse ai dhe Taravari gjejnë gjuhë të përbashkët në politikat programore dhe në fushën e zgjidhjeve të sistemit juridik, mund të diskutohen.
Kryeministri tha se pajtohet me partnerët e koalicionit me të cilët është takuar së fundmi që bilanci në Qeveri të mbetet i tillë.
Sipas tij, zgjerimi i mazhorancës në Kuvend do të nënkuptojë rritje të kapaciteteve, punë më efikase, marrjen më të shpejtë të vendimeve që do të nënkuptojnë integrimin e shtetit në BE, por edhe miratimin e ligjeve që nënkuptojnë cilësi evropiane në në shtëpi.
Taravari ka theksuar se kanë përgatitur një program prej pesë pikash, si pjesë e kërkesave të tyre ndaj shumicës parlamentare.
Ai thotë se nëse ato pika programore janë të pranueshme, atëherë do të negociohet edhe për zgjidhje kadrovike. Kreu i ASH-së nuk ka dashur të zbulojë më shumë detaje se cilat janë pesë pikat e tyre, para takimit me kryeministrin Kovaçevski, përcjell INA.
“Tashmë kemi përgatitur një program me pesë pika në të cilin do të jenë kërkesat tona për mazhorancën, për Qeverinë. Nëse ato janë të pranueshme për ta, ne do të vazhdojmë të negociojmë zgjidhjet kadrovike. Nëse ata nuk janë gati, atëherë mendoj se së shpejti duhet ta përfundojmë këtë histori. Ose do të arrijmë së shpejti një marrëveshje ose do të vazhdojmë në opozitë. Do të veprojmë ashtu siç kemi vepruar në shtatë apo tetë vitet e fundit”, tha ai në debatin publik me temën “Për një reformë reale të decentralizimit fiskal” organizuar nga Instituti për Politika Publike “Arben Xhaferi”.
Në pyetjen e një gazetari nëse ndër këto kërkesa është edhe ajo për garanci për ndryshimet kushtetuese, Taravari ka thënë se pakoja e masave që kanë paraqitur para opinionit, faktorit ndërkombëtar dhe partive të tjera politike do të jetë kërkesa e tyre kryesore.
Ai tha se fillimisht do të shohin nëse kërkesat e tyre programore janë të pranueshme dhe nëse jo, atëherë do të vazhdojnë të veprojnë si opozitë. Pavarësisht nëse do të jenë pjesë e koalicionit qeveritar, Taravari mendon se ky vit nuk duhet të jetë vit zgjedhor, pasi siç tha ai, të tilla janë rekomandimet e “të gjithë miqve”.
Lajme nga vendi
Tragjedi në Kërçovë: Humbin jetën në aksident dy vajza 16-vjeçare

Dy vajza të reja, Albina Abazi dhe Eriona Ramadani, të dyja 16-vjeçare dhe nxënëse të vitit të dytë në gjimnazin “Drita”, humbën jetën në një aksident tragjik me motor në fshatin Kolibar të Kërçovës, informon INA.
Deri më tani nuk janë dhënë detaje se si ka ndodhur aksidenti fatal, që mori jetën e dy vajzave të reja kërçovare.
Kjo ngjarje ka tronditur jo vetëm familjet Abazi dhe Ramadani, por edhe gjithë Kërçovën.
Ne një postim të SHMK “Drita” – Kërçovë ky dy të rejat ishin nxënëse është dhënë lajmi mortor për humbjen tragjike të Eriona Ramadanit dhe Albina Abazit.
“Me dhembje të thellë dhe zemra të tronditura morëm lajmin për ndarjen tragjike nga jeta të dy nxënëseve tona të dashura, Eriona Ramadani dhe Albina Abazi. Humbja e tyre ka prekur thellë çdo kënd në shkollën tonë dhe ka lënë pas një boshllëk të pazëvendësueshëm në zemrat tona.
Në këto çaste të rënda pikëllimi, stafi pedagogjik, drejtoria dhe gjithë nxënësit e SHMK “Drita” – Kërçovë shprehim ngushëllimet më të sinqerta për familjet, të afërmit dhe miqtë e tyre. Ndajmë dhimbjen me ju dhe lutemi që Zoti t’ju japë forcë për ta përballuar këtë humbje të madhe.
Qoftë kujtimi i Erionës dhe Albinës i përjetshëm! U prehshin në paqe!”, thuhet në lajmin mortor të drejtorisë së kësaj shkolle. (INA)
Lajme nga vendi
VLEN: Qeveria vazhdon me zgjidhjen e problemeve kyçe në komunat ku jetojnë shqiptarët

VLEN thotë se me projektin për ndërtimin e parkingut nëntokësor te Sheshi “Skënderbeu”, më në fund do t’i jepet zgjidhje problemit shumëvjeçar të mungesës së hapësirave për parkim në Çair dhe rrethinën e Çarshisë së Vjetër. “Ky është një investim që u shërben drejtpërdrejt qytetarëve, bizneseve dhe ofertës turistike të këtij rajoni unik të Shkupit. Ky investim do të dyfishojë volumin e punës në Çarshinë e Vjetër”, në nga VLEN.
Kumtesa e plotë:
Projekti parasheh parking sipas standardeve bashkëkohore me kapacitet për qindra automjete, çka do të çlirojë hapësira publike dhe do të krijojë rregull në komunikacion. Investimi, i vlerësuar në disa miliona euro, do të financohet nga buxheti i shtetit, gjë që dëshmon qartë përcaktimin e Qeverisë për të investuar në infrastrukturë që mbetet përfitim i qëndrueshëm për qytetarët. Në këtë mënyrë, përmirësohet siguria në trafik, lehtësohen kushtet për bizneset lokale dhe mbështetet zhvillimi i turizmit në Çarshinë e Vjetër.
Investime të tilla, në kohën e BDI-së, nuk mund të mendoheshin as për Çairin, as për Tetovën, as për Strugën. Sot, Qeveria e VLEN-it dëshmon se është partner i vërtetë strategjik i komunave ku jetojnë shqiptarët, duke orientuar mjete dhe vëmendje drejt nevojave reale të tyre.
Qëndrimi ynë është i qartë: do të vazhdojmë të investojmë në infrastrukturë, shërbime publike dhe zgjidhje urbane që e përmirësojnë jetën e përditshme të qytetarëve. Këto projekte janë pjesë e vizionit më të gjerë për modernizim dhe zhvillim, por edhe simbol i një politike të re, politikë veprash, e jo fjalësh boshe.
Qeveria e VLEN-it do të vazhdojë të ndërtojë bashkëpunimin ndërmjet pushtetit qendror dhe vetëqeverisjes lokale. Vetëm përmes këtij partneriteti mund të sigurojmë kushte të barabarta për të gjithë qytetarët dhe t’i ngremë komunat me popullatë shumicë shqiptare në nivelin që për vite të tëra ishte i kontestuar dhe i lënë pas dore.
Lajme nga vendi
Ndalohet një 27-vjeçar nga Shkupi, dyshohet për “Prodhim dhe shpërndarje të pornografisë me fëmijë”

MPB njofton se ka ndaluar një 27-vjeçar nga Shkupi i cili dyshohet se ka kryer veprën penale “Prodhim dhe shpërndarje të pornografisë me fëmijë”.
“Më 21.08.2025, Sektori për Krimin Kibernetik në kuadër të MPB-së ngriti një kallëzim penal në Prokurorinë Publike të Shkupit kundër F.M. (27) nga Shkupi, për kryerjen e veprës penale “Prodhim dhe shpërndarje të pornografisë me fëmijë”.
Pas marrjes së informacionit nga policia në Gjermani për një hetim për abuzim seksual të fëmijëve dhe posedim dhe shpërndarje të materialeve të abuzimit seksual të fëmijëve, si dhe faktit se bëhej fjalë për një profil në aplikacionin “Telegram”, me numër telefoni dhe adresë IP nga Republika e Maqedonisë, Sektori për Krimin Kibernetik i Ministrisë së Brendshme ndërmori masa dhe aktivitete për mbledhjen e provave, dhe pas identifikimit të përdoruesit, më 20.08.2025, pas marrjes së një Urdhri nga Gjykata Themelore Penale e Shkupit për bastisje të një shtëpie dhe ambienteve ndihmëse, një Urdhri për bastisje të një sistemi kompjuterik dhe të dhënave kompjuterike dhe një Urdhri për sekuestrim të përkohshëm të të dhënave kompjuterike, policia nga Sektori për Krimin Kibernetik ka kryer bastisje në shtëpinë e F.M. (27), gjatë së cilës u gjetën dhe u sekuestruan sende për procedura të mëtejshme.
F.M. u ndalua në Stacionin Policor të Gazi Babës dhe u njoftua Prokurori Publik për procedura të mëtejshme”, thuhet në njoftimin e MPB-së.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve