Lajme nga vendi
Spitali Tetovës përfundimisht me një drejtor që e meriton
Visar Miftari, doktor i shkencave të neurologjisë, i njohur në mesin e tetovarëve si një nga specialistët më punëtor, më afër pacientëve dhe më i pastër në biografi, është kandidati potencial i Aleancës për Shqiptarët për drejtor në Spitalin e Tetovës.
Ky lajm është mirëpritur si nga tetovarët ashtu edhe nga stafi mjeksor. Nominimi i Visar Miftarit shifet si shpresë për rikthimin e rendit dhe cilësisë së shërbimeve në Spitalin e Tetovës. Për herë të parë zgjidhet një drejtor që mirëpritet si nga kolegët e mjeksisë ashtu edhe nga vetë pacientët e qytetarët.
Shumë nxënës sot nuk shkuan në shkollë. Edhe pse pas dy ditëve me radhë me njoftime të rrejshme për bomba nëpër shkollat fillore dhe të mesme të vendit, sot procesi mësimor për të tjerët u zhvilluas normalisht, pasi nuk ka pasur paralajmërime të tjera për mjete shpërthyese nëpër shkolla. Kështu së paku thonë disa drejtorë me të cilët sot ka kontaktuar Televizioni Koha, e të cilët u bëjnë apel nxënësve dhe prindërve që të mos kenë frikë dhe që t’i kthehen nomralititet e të ndjekin procesin mësimorë siç është ndjekur më herët.
Nga ana tjetër autoritetet njoftuan se gjatë ditëve të kaluara institucionet arsimore u evakuuan me kohë dhe u kryen kontrolle të detajuara nga njësitet përkatëse, me ç’rast u konstatua se bëhej fjalë për alarm të rremë. Ngjarjet shkaktuan shqetësim tek nxënësit, prindërit dhe stafi arsimor, ndërsa mësimi u ndërpre përkohësisht për arsye sigurie.
Sot, sipas informacioneve nga drejtuesit e shkollave, mësimi po zhvillohet pa pengesa dhe pa asnjë kërcënim të ri. Autoritetet theksojnë se mbeten në gatishmëri të plotë dhe po punojnë për zbardhjen e rasteve dhe identifikimin e personave përgjegjës për përhapjen e këtyre njoftimeve të rreme. Ndrësa sa i përket mësimit të humbur, nga sektori për arsim pranë komunës së Tetovës thonë se sapo të qetësohet puna me denoncimet e rrejshme, do të shqyrtojnë mundësinë për zëvendësimin e orëve dhe ditëve të humbura
Institucionet u bëjnë apel qytetarëve të mos përhapin panik dhe të informohen vetëm nga burime zyrtare.
Përndryshe, Gjimnazi i Tetovës “Kiril Pejqinoviq” mban rekord me mbi 14 alarme të rrejshme vetëm gjatë gjysmëvjetorit të dytë. Dje, alarm për bombë pati në të gjitha shkollat fillore dhe të mesme në Tetovë, si dhe në shkollat private që gravitojnë në komunën e Tetovës. Njoftimet për bomba në shkolla nuk shkojnë në adresat elektronike të shkollave, por në Ministrinë e Punëve të Brendshme, dhe pavarësisht kësaj, institucionet e sigurisë ende nuk mund ta lokalizojnë personin që i dërgon këto njoftime të rrejshme, të cilat po shkaktojnë shumë telashe. Problemi me alarmet për bomba në Maqedonia e Veriut filloi para dy vitesh në Shkup, kur e njëjta situatë si në Tetovë paraqitej atje me denoncime të rrejshme.
Java e fundit e shkurtit në vendin tonë por edhe në Evropë do të shënohet me mot ekstremisht të ngrohtë. Sipas metereologëve, kjo ndodh për shkak të depërtimit të fuqishëm të ajrit tropikal nga Afrika që do të mbetet mbi pjesën më të madhe të Evropës.
Fundi I shkurtit sjell një valë të vërtetë të ngrohtit nëpër Evropë dhe në vendin tonë, me depërtimin e ajrit të ngrohtë nga jugu dhe ndikimit të shprehur anticiklonik, një fushe me presion të lartë ajror.
Kjo situatë metereologjike do të rezultojë me mot stabil, shumë diell dhe temperatura të larta, jo të zakonshme për këtë periudhë të vitit.
Në vendin tonë kjo periudhë e shkurtit do të jetë me mot shumë të ngrohtë ku temperaturat ditore pritet të shkojnë deri në 20 gradë Celsius.
Sipas analizës portalit „Severe Weather Europe“, arsyeja për këtë mot jashtëzakonisht të ngrohtë qëndron në shpërndarjen specifike të presionit ajror. Ditëve të kaluara mbi Afrikën Veriperëndimore është formuar e ashtuquajtura “Kupola e nxehtësisë” ku temperaturat lokale kishin mbërritur në 40 gradë Celsius.
Temperaturat në pjesën më të madhe të Evropës por edhe në vendin tonë do të jenë më të larta për më shumë se 10 gradë nga ato mesatare.
Ditëve në vijim, sipas metereologëve, pritet mot I vërtetë pranveror, që nëse mbetet për një periudhë më të gjatë kohore do të shkaktojë edhe zgjimin gradual të natyrës.
Presidenti i Republikës së Shqipërisë, Bajram Begaj, nga nesër deri të shtunën do të qëndrojë për vizitë zyrtare në Republikën e Maqedonisë së Veriut. Gjatë kësaj vizite janë paraparë takime institucionale në nivel të lartë, si dhe aktivitete me karakter diplomatik. Presidenti Begaj do ta vizitojë edhe Tetovën.
Në Tetovë, bilbordet paralajmërojnë ardhjen e Presidentit të Shqipërisë, Bajram Begaj. Në kuadër të vizitës në vendin tonë më 28 shkurt, të shtunën, do të qëndrojë edhe në Tetovë.
Tv Koha mëson agjendën e ngjeshur të vizitës. Vizita zyrtare nis nga ora 09.00 dhe do të zgjasë deri më 11.30.
Vizita do të nis në ambientet e Komunës, ku Presidenti do të pritet nga kryetari komunës Bilall Kasami, për të vijuar më pas në këmbë drejt Shkollës Fillore “LIRIA”. Në këtë shkollë është paraparë një program artistik me këngë dhe valle tradicionale shqiptare, të përgatitur nga nxënësit dhe SHKA “Xheladin Zeqiri”.
Më tej, Presidenti Begaj së bashku me Bilall Kasamin do të vizitojnë Xhaminë e Pashës dhe Teqenë Arabati Baba , ku Presidentit Begaj do t’i prezantohet trashëgimia kulturore dhe objektet me rëndësi të veçantë fetare, që përbëjnë një pjesë të rëndësishme të historisë dhe identitetit të qytetit.
Krahas bilbordeve vizita e Presidentit Begaj, po paralajmërohet edhe nëpër rrjetet sociale.
“Mirë se vjen në Tetovë, President i Republikës së Shqipërisë, Bajram Begaj
Të shtunën, Tetova ka nderin të mirëpresë Presidentin e Shqipërisë. Kjo vizitë është një moment i veçantë për forcimin e bashkëpunimit dhe lidhjeve vëllazërore mes shqiptarëve në rajon!” – ka shkruar në Facebook, Kryetari I Komunës së Tetovës, Bilall Kasami.
Por, jo vetëm kaq!
Më 28 shkurt, Presidenti i Republikës së Shqipërisë, Bajram Begaj, do të qëndrojë për një vizitë zyrtare në Universiteti i Tetovës.
Gjatë kësaj vizite, Presidenti Begaj pritet të zhvillojë takim me drejtuesit e universitetit, stafin akademik dhe studentët, ku do të diskutohet mbi bashkëpunimin arsimor, shkencor dhe kulturor ndërmjet institucioneve të arsimit të lartë në Shqipëri dhe Maqedoninë e Veriut – thuhet në një njoftim nga UT-ja.
Në kuadër të vizitës, presidenti shqiptar do të qëndrojë edhe në disa komuna me shumicë shqiptare. Ai do të vizitojë Komunën e Çashkës, Gostivarin, ndërsa vizitën do ta përmbyllë me një ndalesë në Komunën e Dibrës.
ALARMET PËR BOMBA, MËSIMI VAZHDON – SHUMË NXËNËS MUNGOJNË NGA FRIKA
“KUPOLA” AFRIKANE E NXEHTËSISË SJELL PRANVERËN NË DIMËR!
TETOVA MIRËPRET PRESIDENTIN SHQIPTAR BAJRAM BEGAJ!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
