Lajme nga vendi
MASH: Aplikacioni tims funksionon, çdo nxënës mund të hyjë në mësim onlajn me emrin e përdoruesit dhe fjalëkalimin e tij
Ministria e Arsimit dhe Shkencës ka marrë njoftime për probleme në funksionimin e aplikacionit Tims (Teams) nga disa shkolla, por pas një kohe të shkurtër dje nxënësit i janë bashkangjitur llogarive të tyre përdoruese, thonë nga MASH-i për MIA-n.
“Përdoret aplikacioni tims, i cili funksionon dhe çdo nxënës me emrin e përdoruesit dhe fjalëkalimin e tij mund të hyjë dhe ta përdorë profilin për pjesëmarrje në msëimin onlajn. Kmi marrë njoftime nga disa shkolla se kishte ndërprerje në funksionim, gjegjësisht shfrytëzimin e tims, por pas një kohe të shkurtër nxënësit janë bashkuar me llogaritë e tyre të përdoruesve, u përgjigj MASH-i në lidhje me ankesat e nxënësve se kanë probleme me përdorimin e këtij aplikacioni.
Ministria e Arsimit dhe Shkencës drejtorëve të shkollave javën e kaluar u ka dërguar shkresë për masa urgjente që duhet t’i marrin për mbarëvajtjen e procesit arsimor në një mjedis pune të sigurt dhe stimulues.
Shkollave fillore dhe të mesme të komunave, MASH-i u dha udhëzime dhe mënyra për përdorimin e adresave elektronike, i udhëzoi që ta përforcojnë kontrollin për hyrje/dalje në shkolla dhe në ditët kur ka njoftim kërcënues, shkolla të organizojë mësimin në distancë (mësim onlajn) në vend të ndërprerjes së plotë të mësimit (lëshim nga shkolla).
Javën e kaluar dhe këtë javë, nxënësve të turnit të parë nga shkollat që morën mesazhe kërcënuese kishun obligim për një orë të kyçen nga shtëpia onlajn përmes aplikacionit Tims, i cili është përdorë edhe për mësim edhe gjatë pandemisë së kovid.
Alarme për bomba të vendosura kanë mbërritur edhe sot në mëngjes në adresat elektronike të 18 shkollave në Shkup, ku anë duke u bërë kontrolle antiterror, njoftoi MPB-ja.
“Sot (02.03.2023) deri në orën 08:20 në MPB është denoncuar se në adresat elektronike të 18 shkollave në Shkup është dërguar kërcënim për mjet shpërthyes të vendosur. Menjëherë pas marrjes së denoncimeve, nga nëpunësit e policisë janë ndëmarrë masa për evakuimin e sigurt të objekteve dhe po vijojnë kontrollet antiterror dhe po ndërmerren masa për zbardhjen e rasteve”, theksojnë nga MPB-ja.
Dje kanë mbërritur kallëzime për gjoja mjet shpërthyes të vendosur në 120 shkolla në Shkup, ndërsa pas kontrolleve të bëra nga MPB-ja u konstatua se bëhet fjalë për alarme të rreme.
Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.
“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.
Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.
“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.
Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk
Lajme nga vendi
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve