Lajme nga vendi
I plagosuri në ngjarjen e mbrëmshme në Shkup është lëshuar në shtëpi, ende nuk ka informacione për autorët e vrasjes së dyfishtë
Prokurori publik kujdestar së bashku me ekipet hetimore policore mbrëmë kanë kryer këqyrje në vendin e ngjarjes, ku mbetën të vrarë dy persona dhe një i tjetër u plagos në Çarshinë e Shkupit.
Nga Prokuroria thonë se autorët e vrasjeve kanë qenë të maskuar, ndërsa pasi e kanë kryer aktin janë larguar me makinë.
“Sipas informacioneve fillestare, disa persona të maskuar me armë zjarri kanë qëlluar në drejtim të dy personave, të cilët kanë gjetur vdekjen në vend, ndërsa i plagosuri është dërguar në spital për trajtim mjekësor. Gjurmët janë fiksuar në vendngjarje dhe prokurori publik lëshoi të gjitha urdhrat dhe udhëzimet e nevojshme për sigurimin e provave që do të ndihmojnë në zbardhjen e ngjarjes dhe zbulimin e identitetit të autorëve”, thuhet në kumtesën e Prokurorisë.
Ndërsa MPB mbrëmë njoftoi për këtë vrasje, ndërsa thanë se po i marrin masat për zbardhjen e rrethanave.
“Më datë 06.03.2023 në orën 20:11. në SPB-Shkup është paraqitur se disa persona qëlluan në J. K. dhe E. I., të cilët kanë ndërruar jetë në vendin e ngjarjes, dhe A.T., i cili është plagosur dhe dërguar në spital për ndihmë mjekësore”, njoftoi mbrëmë MPB Maqedoni.
Sot nga Spitali i Shkupit njoftojnë se personi i plagosur është lëshuar për kurim shtëpiak.
“Sonte rreth orës 20:15 me veturë private është sjellë në klinikën tonë për ekzaminim një person. Një plagë me armë zjarri është konstatuar në zonën e këmbës së majtë dhe një plagë më e madhe në pjesën e poshtme të këmbës së djathtë. Plagët janë trajtuar, janë bërë regjistrimet e nevojshme, janë fashuar dhe është bërë imobilizimi, pas së cilës personi është lëshuar për mjekim shtëpiak, pra nuk është ndaluar në spital”, thonë nga spitali për AIM.
Aktualisht nuk dihet identiteti i sulmuesve. Sipas informacioneve jozyrtare ata janë arratisur me një makinë “Audi 6”. Tashmë në media kanë dalë informacione se makina është gjetur në flakë, por ka pasur informacione të ndryshme për vendin se ku është gjetur makina. Si lokacione ku është gjetur “Audi” i djegur, media të ndryshme kanë treguar Shuto Orizaren, Vizbegin, si dhe qarkoren e Shkupit./Telegrafi/
Ndërroi jetë Kire Gjorgjievski në Burgun në Shtip, konfirmoi për MIA-n drejtori i Shtëpisë ndëshkuese përmirësuese (SHNP) Burgu, Shtip, Dejan Zdravkov.
Ai tha se për momentin nuk mund të ndajë më shumë informata, sepse presin udhëzime nga Prokuroria themelore publike.
Përndryshe Gjorgjievski është njëri prej të dënuarve për 27 Prillin, ndërkaq u dënua me 13 vite burg.
Në rrjetet sociale po shpërndahet informata për vdekjen e Gjorgjievskit.
Ministria e Punëve të Brendshme ka njoftuar për një rast të dhunës mes vajzave të mitura në Shkup.
“Më 31 tetor 2025, rreth orës 21:00, në SPB Shkup, M.S. (57) nga Shkupi ka raportuar se rreth orës 15:00, në territorin e Komunës Aerodrom në Shkup, vajza e saj 15-vjeçare është sulmuar fizikisht nga tre vajza të mitura, të cilat ajo i njihte. Njëra prej tyre ka përdorur një objekt të fortë gjatë sulmit”, qëndron në buletinin e MPB-së.
Për ngjarjen është njoftuar prokurori publik, dhe po ndërmerren masa për zbardhjen e plotë të rastit./TV21
Një skandal ka ndodhur në filialin e Ekonomisë së Ujërave në Gostivar. Punëtorja ka denoncuar në Polici se është rrahur nga drejtoresha.
“Më datë 31.10.2025 në orën 12:45 në DPB Gostivar, N.J. (48) nga Gostivari ka denoncuar se rreth orës 11:20 në vendin e saj të punës në filialin e Ekonomisë së Ujërave, filiali në Gostivar, është sulmuar fizikisht nga drejtoresha J.N. Po ndërmerren masa për zbardhjen dhe dokumentimin e rastit”, thuhet në raportin e Sektorit të Punëve të Brendshme Tetovë, njofton TV21.
Humb jetën Kire Gjorgjievski, njëri nga të dënuarit për rastin “27 Prilli”
Një 15-vjeçare u sulmua fizikisht nga tre vajza të mitura në Shkup
Skandal në “Ekonominë e Ujërave”, filiali Gostivar! Drejtoresha e rrahu punëtoren!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoShqiptarët bashkohen si kurrë më parë – Zëri i UÇK-së kumbon në Hagë më 14 shtator!
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 days agoBilall Kasami : Mega projekti që po bëhet realitet investim prej 70 milionë denarëve Tetova po transformohet