Lajme nga vendi
Qytetarët kërkojnë të ulet çmimi biletave përderisa është ulë çmimi karburanteve!
Maqedonia e Veriut si shtet me ekonomi të varur dhe të jo të zhvilluar mjaftueshëm e ka të vështirë t’i rezistojë krizave të ndryshme, e aq më të vështirë për tu ringjallur pas krizave. Kriza e pandemisë shkaktoi pasoja të mëdha jo vetëm në fushën shëndetësore, por edhe në atë ekonomike. Gjitha çmimet ishin rritur, madje edhe çmimet e transportit publik ndër-urban, një rritje e lartë që ishte vështirë e përballueshme për qytetarët. Nga transportuesit arsyetoheshin se e kishin të detyrueshme këtë rritje të çmimit të biletave nga shkaku se çmimi karburanteve ishte rritur në mënyrë shumë të hovshme. Por, tani tre vite më vonë pasi çmimet e karburanteve janë normalizuar përse çmimet e biletave nuk po rikthehen ashtu siç kanë qenë? Për këtë qytetarët e prononcuar për Zhurnal kërkuan që sa më parë të normalizohet çmimi biletave të kthehet në gjendjet e mëparshme ashtu siç kanë qenë, mes tjerash më të prekur nga çmimi i lartë i biletave janë studentët dhe qytetarët që marrin pagë minimale, e për këtë u duhet të udhëtojnë çdo ditë për në Shkup, qoftë nga Kumanova apo Tetova, shkruan Zhurnal.
Çmimet lehtë ngritën por vështirë të ulen –
Transportuesit ndër-urban ishin temë diskutimi kur në mënyrë të pakontrollueshme ngritën çmimin e biletave nën pretekstin e ngritjes së çmimit të derivateve, por tani që çmimi i derivateve është ulur, çmimi i biletave që dikur për ngritje varej prej çmimit të derivateve tani nuk po ulen asesi çmimet e biletave.
Flasim për ngritje marramendëse dikur rreth 70% është ngritur, nëse para pandemisë një biletë për shkuarje dhe ardhje ka kushtuar 200 denarë, sot i njëjti relacion çmimi i biletës është 340 denarë, pra 140 denarë më shtrenjtë në krahasim me periudhën para pandemisë, dhe atë kohë kur çmimet e karburanteve ishin të larta, por që tani nuk janë.
Sanije Aliu, qytetare nga Kumanova në prononcimin e saj për Zhurnal, tha se agjencionet transportuese po tentojnë ende të përfitojnë në kurriz të qytetarëve dhe në kohë krize.
“Jam e punësuar në Shkup dhe më duhet të udhëtojë çdo ditë me autobusë për në punë, por çmimi i biletave po mbetet ende tejet i lartë, bileta Kumanovë – Shkup ishte 100 denarë, sot 170 denarë. Edhe pse çmimi i naftës është ulur çmimi i biletave po mbetet i njëjtë. Gjithqysh duhet që sa më parë të ulet edhe çmimi biletave” deklaroi Aliu për Zhurnal.
Nga ana tjetër edhe studentët që udhëtojnë çdo ditë për në Shkup shprehen të shqetësuar me papërgjegjësinë e institucioneve për sa i përket çmimeve që janë në treg, nga kushdo që ofrohen qofshin kompani private ose publike. Sipas tyre inspektoratet e posaçëm duhet të reagojnë dhe të kërkojnë nga kompanitë përgjegjëse që të ulin çmimin e biletave sepse çmimi i derivateve është ulur.
Nikolla Kostovski, student nga Kumanova, në prononcimin e tij për Zhurnal tha se studentët janë kategoria më e dëmtuar nga çmimi i lartë i biletave, sepse të tjerët udhëtojnë për në punë ndërkaq ne udhëtojmë për të dëgjuar ligjëratat, dhe në fund të muajit në llogaritë tona bankare nuk na vijnë të holla. Sipas tij, studentët janë në fazën që vetëm japin dhe në shkëmbim nuk marrin asgjë, prandaj të dhënat të paktën duhet të jenë më normale.
“Jam student dhe më duhet të udhëtojë çdo ditë për në Shkup, kërkojë nga inspektorate të posaçëm që të dalin në terren dhe nga agjencionet transportuese të kërkojnë uljen e çmimit të biletave, tashmë çmimi karburanteve është normalizuar, çmimet e biletave nuk po ndryshojnë. Ne studentët çdo ditë duhet të shpenzojmë 340 denarë vetëm për biletat, që për një muaj shpenzojmë 6800 denarë. Shuma të larta krahas shpenzimeve tjera, prandaj kërkojmë që të ulet sa më shpejt çmimi biletave”, tha Kostovski për Zhurnal.
Drejtori i stacionit kryesor të autobusëve në Shkup Masar Omeragiq, thotë se për momentin nuk mendojnë në uljen e çmimeve, derisa çmimet e karburanteve nuk janë të qëndrueshme.
“Jemi duke bërë analiza, për momentin nuk kemi marrë vendim për ulje çmimi, pas përfundimit të analizave do ndërmarrim masa të cilat janë në interes të udhëtarëve dhe në interesin tonë. Momentalisht në formimin e çmimit ndikojnë shumë faktorë siç janë pjesët rezervë, gomat, rritja e pagave të punonjësve, rryma, vaji, dhe shumëçka tjetër. Ligji për marrëdhënie pune ku të dielave dhe festave është rritur paga minimale, të gjitha këto kur do i vendosni në peshore ndikojnë në çmim. Ne të dielave dhe festave shtetërore punojmë me minimum 45 të punësuar”, u shpreh për Alsat Masar Omeragic, drejtor i stacionit të autobusëve.
Biletat e autobusëve ndër-qytete kanë pësuar rritje thuajse dyfish. Relacionet më të frekuentuara nga qytetarët janë Kumanovë- Shkup dhe anasjelltas si dhe Tetovë – Shkup dhe anasjelltas. Bileta Tetovë – Shkup është 200 denarë një drejtim, Kumanovë – Shkup 170 denarë një drejtim. Shkup- Manastir 630 – 730 një drejtim dhe Shkup – Ohër 850 denarë një drejtim. /Zhurnal.mk
Personat që kanë protestuar nëpër shumë qytete të vendit, pasi policia ua kishte konfiskuar automjetet për shkak të mospasjes së lejeve të vozitjeve, do të ndiqen për shkaktimin e urrejtjes dhe organizimit të rezistencës, ka njoftuar Prokuroria Publike.
Ndërkohë, Rafet Memishovski, një ndër romët që kishte protestuar në Manastir dhe ishte kërcënuar me rrahje dhe vrasje, publikisht i ka kërkuar falje kreut shtetëror.
Një një video-mesazh të xhiruar në ambient shtëpiak, të publikuar nga “Roma Pres”, Memishovski tha se kishte bërë gabime dhe se kjo nuk do të përsëritet.
RAFET MEMISHOVSKI – PROTESTUES NË MANASTIR
“I kërkoj falje gjithë Qeverisë dhe Ministrisë, Presidentit, që bëra gabimin dhe që u kërcënova. Kjo nuk do të poërsëritet. Isha I nervozura për shkak se kushëririt ia morën veturën dhe të gjithë ishim të stresuar dhe protestuam. Nuk do të kërcënohemi më”
Ditëve të kaluara romët në Manastir, Shtip dhe Prilep disa herë protestuan duke bllokuar rrugë dhe duke ndezuar zjarre. Ata kërkojnë që të shfuqizohen ndryshimet ligjore për marrjen e automjetit për shkak të mospasjes së patent shoferit.
Kryeministri Hristijan Mickoski pas protestave deklaroi se e kishte urdhëruar Ministrin e Brendshëm, Pançe Toshkovski, që policia ashpër t`u përgjigjet ngjarjeve të këtilla të jashtëligjshme.
Gjatë protestave romët pohuan se nuk kanë mundësi të pajisen me leje të vozitjeve për shkak të kushteve financiare por edhe mungesës së shkollimit.
Por, Ministrja e Arsimit, Vesna Janevska, deklaroi se fëmijët romë regjistrohen në shkollë dhe nuk ndjekin mësimet.
Sipas saj, Ministria e Arsimit dhe Shkencës punëson dhe paguan rreth 40 ndërmjetës romë për të rritur përfshirjen e fëmijëve romë në shkolla, por për fat të keq, ata nuk ndjekin mësimet.
Protestat e romëve shkaktuan edhe përplasje politike. Derisa VMRO-DPMNE akuzon LSDM-në se qëndron pas protestave kundër ligjeve të reja në komunikacion, socialdemokratët thonmë se nuk janë kundër dënimeve, por kërkojnë zgjidhje për qytetarët që nuk kanë mundësi të japin provimin për patent shofer.
Lajme nga vendi
BDI: Ministri i Drejtësisë po cenon rendin kushtetues dhe barazinë gjuhësore me përgjigjen e tij ndaj peticionit të studentëve
Bashkimi Demokratik për Integrim në një kumtesë për media dënon qëndrimin dhe deklarimet të ministrit të Drejtësisë, në lidhje me kërkesën e studentëve të juridikut, që provimi i jurisprudencës të mbahet edhe në gjuhën shqipe.
Nga BDI thonë se “në mënyrë brutale dhe të papranueshme, ministri ka injoruar kërkesat legjitime juridike të studentëve shqiptarë për mbajtjen e provimit tëjurisprudencës në gjuhën shqipe, një e drejtë e garantuar me Kushtetutë dhe ligj”.
“Ky veprim përbën precedent të rrezikshëm institucional, ku Ministri i Drejtësisë vendos veten mbi Kushtetutën, mbi ligjin, mbi Qeverinë dhe mbi çdo institucion tjetër të vendit, duke cenuar rëndë parimet e shtetit të së drejtës. BDI vlerëson se kjo qasje jo vetëm që cenon barazinë gjuhësore dhe juridike, por godet drejtpërdrejt themelet e rendit kushtetues dhe bashkëjetesës ndëretnike”.
“Bashkimi Demokratik për Integrim i bën thirrje Qeverisë që të mos lejojë Ministrin e Drejtësisë të vendoset mbi ligjet dhe mbi Kushtetutën, portë ndërmarrë masa konkrete për t’u mundësuar studentëve shqiptarë mbajtjen e provimit të jurisprudencës në gjuhën shqipe, gjuhë në të cilën kanë kryer studimet dhe gjuhë që është zyrtare sipas rendit kushtetues të shtetit”.
“Rikujtojmë se pas miratimit të Ligjit për Përdorimin e Gjuhëve, gjatë qeverisjes së kaluar, ishte përgatitur një zgjidhje ligjore që e mundësonte dhënien e provimit të jurisprudencës edhe në gjuhën shqipe, por shumica aktuale qeveritare e hoqi atë nga procedura e miratimit, pa asnjë shpjegim plotësues, duke mos e rikthyer asnjëherë më për miratim”, thonë nga BDI.
Lajme nga vendi
Mijëra euro të falsifikuara dhe municion luftarak, arrestohet 19-vjeçari, iu sekuestrua edhe një makinë e vjedhur
Një 19-vjeçar është arrestuar nga policia e Shkodrës, pasi në banesën e tij u gjetën 164 300 euro të dyshuara të falsifikuara, municion luftarak, 8 celularë, një sasi lënde djegëse, 1 automjet dhe 2 targa të dyshuara të vjedhura.
Në kuadër të operacionit të koduar “Livadhet 3” u vu në pranga i riu, shtetasi Ornaldo Çerenishta.
Policia thotë se makina dyshohet se është vjedhur në qytetin e Fushë Krujës, në vitin 2019, dhe 2 targa të dyshuara të vjedhura në qytetin e Tiranës, në vitin 2025.
Ndërkohë policia vijon puna intensive për dokumentimin e plotë të veprimtarisë kriminale të shtetasit të arrestuar.
Vihet në pranga një 19-vjeçar.
Sekuestrohen nga banesa e tij, 164 300 euro të dyshuara të falsifikuara, municion luftarak, 8 celularë, një sasi lënde djegëse, 1 automjet dhe 2 targa të dyshuara të vjedhura.
Sektori për Hetimin e Krimeve të Rënda, nën drejtimin e Prokurorisë, ne bashkepunim me Seksionin për Hetimin e Krimeve Ekonomiko-Financiare dhe Komisariatin e Policisë Shkodër, me mbështetjen e Sektorit të Forcës së Posaçme “Shqiponja” dhe Forcën Kombëtare të Sigurisë, Njësia Shkodër, si rezultat i kontrolleve të kryera në zbatim të vendimit të Gjykatës Shkodrër, finalizuan operacionin e koduar “Livadhet 3”.
Në kuadër të operacionit u vu në pranga shtetasi: Ornaldo Çerenishta, 19 vjeç, banues në Shkodër.
Gjatë kontrollit të kryer në zbatim të vendimit të Gjykatës, në banesat e disa shtetasve që dyshohen për veprat penale “Vjedhja” dhe “Mbajtja pa leje dhe prodhimi i armëve, armëve shpërthyese dhe i municionit”, lidhur dhe me dy operacione të zhvilluara më parë, të koduara “Lvadhet 1” dhe “ Livadhet 2 “, shërbimet e Policisë gjetën në banesën e 19-vjeçarit dhe sekuestruan në cilësinë e provës materiale: 164 300 euro të dyshuara të falsifikuara, municion luftarak, 8 celularë, një sasi lënde djegëse, 1 automjet që dyshohet se është vjedhur në qytetin e Fushë Krujës, në vitin 2019, dhe 2 targa të dyshuara të vjedhura në qytetin e Tiranës, në vitin 2025.
Vijon puna intensive për dokumentimin e plotë të veprimtarisë kriminale të shtetasit të arrestuar.
Materialet procedurale iu referuan Prokurorisë së Shkodrës, për veprime të mëtejshme.
PROTESTAT KUNDËR “SAFE CITY”: PROTESTUESI KËRKON FALJE PUBLIKE!
BDI: Ministri i Drejtësisë po cenon rendin kushtetues dhe barazinë gjuhësore me përgjigjen e tij ndaj peticionit të studentëve
Mijëra euro të falsifikuara dhe municion luftarak, arrestohet 19-vjeçari, iu sekuestrua edhe një makinë e vjedhur
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
