Lajme nga vendi
Ndryshimet në nëntë ligjet për autostradat sot në Kuvend
Ndryshimet dhe plotësimet e nëntë ligjeve lidhur me autostradat që duhet t’i ndërtojë konsorciumi turko-amerikan “Behtel dhe Enka“ janë në rend dite të mbledhjes së sotme të 112-të në Kuvend. Të gjitha ligjet janë në procedurë të shkurtuar, ndërsa propozues janë një grup deputetësh nga shumica qeveritare.
Në rend dite të mbledhjes janë ndryshimet dhe plotësimet e ligjeve për tokën bujqësore, shpronësimin, planifikimin urbanistik, atë për ndërtim… Si pikë e funditë e rendit të ditës janë ndryshimet dhe plotësimet në Ligjin për përcaktimin e interesit publik dhe nomnimin e partneritetit strategjik për implementimin e projektit për ndërtimin e Korridorit infrastrukturor 8 (akset: Tetovë – Gostivar – Bukojçani dhe projekti për autostradën Trebenishtë – Strugë – Qafë Thanë) dhe Koridori 10d (akset në autostradën Prilep – Manastir) në procedurë të shkurtuar.
Krahas seancës së 112-të, Kuvendi sot duhet të mbajë vazhdimin edhe të shtatë seancave, atë të 50-të, 71-të, 79-të, 86-të, 100-të, 103-të dhe 106-të.
Në kuadër të vazhdimit të mbledhjes së 50-të deputetët duhet ta rishqyrtojnë Propozim-ligjin për procedurën gjyqësore në lexim të parë.
Nga rendi i ditës i seancës së 71-të kanë mbetur edhe disa pika, Raporti vjetor i punës së Komisionit Shtetëror për Parandalimin e Korrupsionit për vitin 2021, Raporti Vjetor për punën e Komisionit shtetërorë për ankesat e prokurimeve publike për vitin 2021, ndryshimet e propozuara të Ligjit për marrëdhënie të punës në lexim të parë dhe Ligjit për sigurim pensional dhe invalidor, në procedurë të shkurtuar, Informacioni për regjistrimin e popullsisë, amvisërive dhe banesave në Republikën e Maqedonisë së Veriut.
E pashqyrtuar është edhe pika për Interpelancën e punës së kryetares së Komisionit për sistem politik dhe marrëdhënie mes baskësive Sonja Mirakovska iniciuar nga deputetët e VMRO-DPMNE-së.
Nga rendi i ditës i mbledhjes së 86-të kanë mbetur edhe dy pika, Ligji për planin hapësinor të Parkut kombëtar Pelister 2016-2030 dhe Propozim-Ligji për ndryshim të Ligjit për disiplinë financiare në lexim të parë.
Deputetët në kuadër të vazhdimit të seancës së 100-të duhet t’i shqyrtojnë ndryshimet dhe plotësimet në Ligjet për huazim të Republikës së Maqedonisë së Veriut me një kredi nga Banka Evropiane për Rindërtim dhe Zhvillim sipas marrëveshjes së kredisë për financimin e Projektit “Ndërtimi i një aksi të ri dhe rindërtim të atij ekzistues Bellakovc – Kriva Pallankë – pjesa lindore e hekurudhës së Korridorit VIII, faza 2 dhe Projekt-ligji për ndryshim dhe plotësim të Ligjit për taksat administrative që të dyja në procedurë të shkurtuar.
Në kuadër të vazhdimit të seancës së 103-të, deputetët duhet t’i rishqyrtojnë ndryshimet e propozuara të Ligjit për punësim të personave invalidor, Propozim-ligjin për ndryshim dhe plotësim në Kodin penal, Propozim-ligjin për ndryshim të Ligjit për tarifat doganore, të gjitha në procedurë të shkurtuar.
Kuvendi sot do të mbajë vazhdimin e seancës së 106-të. Nga rendi i ditës së seancës janë edhe disa pika, si Propozimi për zgjedhjen e gjyqtarit të Gjykatës Kushtetuese të Republikës së Maqedonisë së Veriut, Propozimi për zgjedhjen e anëtarit të Këshillit shtetëror për parandalimin e delikuencës së fëmijëve, Propozim-ligji për ratifikimin e ndryshimeve dhe plotësimeve në Marrëveshjen për tregti të lirë ndërmjet Republikës së Maqedonisë dhe Ukrainës, Propozim-ligji për shpalljen e Kanionit të Matkës për monument natyror në lexim të parë.
Lajme nga vendi
Gjykatësi Sadulla Izairi u zgjodh anëtar i Këshillit Gjyqësor Republika, doli më i votuari
Gjykatësi Sadulla Izairi në Gjykatën e Tetovës mori numrin më të madh të votave në zgjedhjet për anëtar të Këshillit Gjyqësor nga radhët e gjyqtarëve që u përkasin bashkësive etnike që përbëjnë mbi 20 për qind të popullsisë në shtet, përcjell INA.
Votimi për këtë vend vakant u zhvillua dje në të gjitha gjykatat në Maqedoninë e Veriut, nga ora 8:00 deri në 15:00, ndërsa Izairi mori 179 vota nga gjithsej 390 gjyqtarë që morën pjesë në votim.
Rezultatet preliminare të zgjedhjeve u shpallën dje në orët e pasdites nga Komisioni për zbatimin e zgjedhjeve për anëtarë të Këshillit Gjyqësor.
– Numri i përgjithshëm i votuesve të regjistruar në Listën zgjedhore ishte 418, prej të cilëve votuan 390, apo 93 për qind e votuesve. Janë evidentuar gjithsej 12 fletëvotime të pavlefshme – deklaroi kryetari i Komisionit, gjyqtari Osman Shabani.
Për këtë pozitë kishin aplikuar gjithsej gjashtë gjyqtarë:
Afrim Jakupi, gjyqtar në Gjykatën e Apelit Gostivar;
Ulber Hasani, gjyqtar në Gjykatën Themelore Civile Shkup;
Hasan Asani, gjyqtar dhe kryetar i Gjykatës Themelore Tetovë;
Xhemali Saiti, gjyqtar në Gjykatën Supreme;
dhe Shpresa Grainca-Osmani, gjyqtare në Gjykatën Themelore Penale Shkup.
Izairi është gjykatës nga viti 2008 në Gjykatën e Tetovës, ndërsa para kësaj ka qenë drejtor i Postave të Maqedonisë. (INA)
Lajme nga vendi
Albi Qamili zgjidhet kryetar i komisionit për ndërrimin e emrave të rrugëve në Tetovë
Në seancën e këshillit komunal të Tetovës, me 27 vota për, zv.kryetari i komunës së Tetovës Albi Qamili u zgjodh kryetar i Komisionit për ndërrimin e emrave të rrugëve në Tetovë.
Grupi i punës do të vazhdojë me procedurën, nga aty ku është ndërprerë puna e Grupit paraprak të punës për riemërimin e rrugëve në komunën e Tetovës.
Lajme nga vendi
Ndërtimi i autostradës Tetovë Gostivar në kuadër të korridorit 8 ka ngritur një shqetësim tek banorët në territorin e Komunës së Bogovinës
Ndërtimi i autostradës Tetovë Gostivar në kuadër të korridorit 8 ka ngritur një shqetësim tek banorët që jetojnë në territorin e Komunës së Bogovinës.Bëhet fjalë për qasjen në austostradë të banorëve të fshatrave të kësaj komune. Sipas informacioneve të deritanishme nga Tetova deri në Gostivar do të ketë vetëm një kyçje kryesore edhe atë në fshatin Pirok mes territorit të komunës së Bogovinës dhe Vrapçishtit.Ndërsa, pothuajse të gjithë fshatrat do të kenë qasje në rrugën ndihmëse e cila do të lidhet me korridorin.Këto shqetësime të këtyre banorëve janë shprehur edhe në takimin e fundit të kryetarit të Komunës së Bogovinës Feti Abazi me përfaqësues të Bechtel Enka. Kryetari Abazi thotë se në këtë takim janë marrë informacione lidhur me projektin por pritet që të ketë edhe takime tjera. Krahas kësaj është kërkuar infrastrukturë edhe për bujqit që janë në pjesën e poshtme të korridorit.“Nga takimi që kishim, ne u furnizuam me disa informacione. Tani, nga takimi arritëm në përfundim se secili vendbanim do të ketë qasje në rrugën ndihmëse për në autostradë. Rrugë e cila do të ketë qasje direkte në korridorin 8 do të jetë në fshatin Pirok, ku edhe është kufiri ndërmjet Komunës së Bogovinës dhe Komunës së Vrapçishtit, ndërsa të gjithë fshatrat do të ketë qasje por përmes rrugës ndihmëse. Ne parashtruam kërkesa dhe do keto kërkesa do të dorëzohen edhe zyrtarisht” thotë kryetarit të Komunës së Bogovinës Feti Abazi.Ndërkaq, kërkesa e kahmotshme e banorëve të fshatit Zherovjan për nënkalimin mbetet çështje për diskutim, pohon kryetari Abazi. “Ne kemi kërkuar që të bëhet edhe drenazhimi i autostradës sepse kemi fshatin Zherovjan që ndodhet poshtë autostradës dhe aty kemi nënkalim. Poashtu, e kemi fshatin Sedllarcë që ndodhet shumë afër austostradës, ndërsa pronat bujqësore i kanë poshtë autostradës, ku ka edhe ferma të cilët faktikisht duhet të kenë edhe rrymë dhe infrastrukturë tjetër përcjellëse, që mos kemi probleme ndërkohë. Për Zherovjanin kemi kërkuar nënkalim me të gjitha parametrat dhe një trotuar për lëvizje të banorëve” thotë kryetari Abazi. Problem tjetër sipas tij janë edhe shpronësimet pasi që toka që u është marrë qytetarëve nuk u paguhet mirë. “Është fakt se banorët tonë janë të dëmtuar me kompenzimin e pronës.Shpresoj se do të ketë mirëkuptim, qytetarëve u bëj apel që të bëjnë ankimime dhe sa do të pranohen ankesat e tyre unë nuk e di, por do të jem në krah të qytetarëve”, tha kryetari Abazi. Edhe pse për këtë pjesë kryetari Abazi thotë komunat nuk kanë komptenca, por nënvzon se do të përkrah banorët.
Gjykatësi Sadulla Izairi u zgjodh anëtar i Këshillit Gjyqësor Republika, doli më i votuari
Albi Qamili zgjidhet kryetar i komisionit për ndërrimin e emrave të rrugëve në Tetovë
Ndërtimi i autostradës Tetovë Gostivar në kuadër të korridorit 8 ka ngritur një shqetësim tek banorët në territorin e Komunës së Bogovinës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
