Lajme nga vendi
Sot pritet vendim i Qeverisë së RMV-së për korrigjimin e çmimeve të ngrira të pemëve dhe perimet
Qeveria sot duhet të sjellë vendim në të cilën do të rishikohen një pjesë e çmimeve të ngrira për pemët dhe perimet. Siç paralajmërojnë nga Ministria e Ekonomisë, asnjë nga produktet e përfshira në vendim nuk do të jetë më i shtrenjtë se 100 denarë për kilogram. Korrigjimi i çmimeve vjen pas takimit me tregtarët javën e kaluar.
“Është dakorduar që të bëhet korrigjim i vogël i çmimeve, duke pasur parasysh se tregtarët tashmë kanë filluar të paraqesin çmimet e importit të cilat korrespondojnë me atë që jepet si faturë në vendet e tjera. Në përgjithësi importojmë nga Turqia, Greqia, Shqipëria dhe Serbia dhe duke iu referuar çmimeve të reja që paraqiten në Drejtorinë e doganave të martën Qeveria do të korrigjojë çmimet e ngrira dhe për produkte të caktuara do të ketë ulje shumë të vogël si çmimi më i lartë i këtyre produkteve, por, nuk do të ketë çmime si tani ose para 10 ditësh, nga 130 deri në 150 denarë”.
“Asnjë nga produktet e theksuara në vendimin për ngrirjen e çmimit nuk do të ketë çmim më të lartë se 100 denarë për kilogram. Do të ketë një korrigjim të vogël vetëm në pjesën e domateve dhe trangujve, sepse nuk ka më importe nga Turqia dhe Greqia, ku ka një prodhim më të madh të këtyre produkteve. Deri në fund të muajit importi kryhet nga Shqipëria dhe një pjesë e vogël nga Serbia për faktin se në Shqipëri këto produkte lëshohen një muaj përpara”, tha Kreshnik Bekteshi, ministër i Ekonomisë.
Nga Ministria e Ekonomisë thonë se se nuk do të tolerohen marzhat prej 100 ose 200 për qind. Sipas autoriteteve, të dhënat e fundit nga importuesit tregojnë se çmimet kanë shënuar rritje të lehtë në deklaratat e importit të disa produkteve, sipas kësaj, do të duhet të korrigjohen edhe çmimet e ngrira.
Me vendimin e Qeverisë nga 5 prilli janë ngrirë çmimet e 11 llojeve të frutave dhe perimeve. Sipas vendimit, kilogrami i domateve të freskëta mund të kushtojë maksimum 70 denarë, një kilogram kastravec 75 denarë, një kilogram qepë 60 denarë, një kilogram lulelakër 70 denarë, një kilogram speca jeshil të freskët 90 denarë, një kilogram fasule 75 denarë, një kilogram banane 70 denarë, një kilogram portokaj 55 denarë, një kilogram mandarina 60 denarë dhe një kilogram limonë 55 denarë.
Më herët janë ngrirë edhe çmimet e pastave dhe produkteve të qumështit të cilët janë ulur për 15, konkretisht për 10 për qind, si dhe çmimet e vezëve dhe orizit, ndërsa buka e bardhë dhe gjysmë e bardhë deri në 450 gramë në 33 denarë.
Lajme nga vendi
Kush dhe ku u reklamua më shumë gjatë zgjedhjeve të përsëritura në katër komuna, doli raporti
Аgjencia për Shërbime Mediatike Audio dhe Audiovizuele ka përgatitur raportin mbi mbi transmetimin e reklamave politike me pagesë gjatë kohës së fushatës zgjedhore për Zgjedhjet e përsëritura për kryetar të Komunës së Gostivarit, Komunës së Vrapçishtit, Komunës Mavrovë dhe Rostushë dhe Komunës Qendër Zhupë, në periudhën nga 22 dhjetor 2025 deri më 9 janar 2026, transmeton Portalb.mk.
Nga 18 transmetues (13 ТV dhe 5 RA) të regjistruar në Regjistrin e Komisionit Shtetëror Zgjedhor për transmetim të RPP për Zgjedhjet e përsëritura lokale 2026, gjithsej 9 transmetues: 7 televizione dhe 2 radio, lidhën kontratë me pjesëmarrësit në fushatë për transmetimin e RPP.
Në 7 televizione së bashku u transmetuan gjithsej 20 orë 1 minutë dhe 45 sekonda reklama politike me pagesë, ndërsa në dy radio së bashku u transmetua gjithsej 4 orë 18 minuta dhe 29 sekonda RPP. Gjithsej në të gjitha radiot dhe televizionet u transmetuan 24 orë 20 minuta dhe 14 sekonda reklama politike me pagesë.
Hapësirë më të madhe të kohës për reklama u transmetua nga televizionet lokale ТV G-ТV (6 orë 49 minuta dhe 21 sekonda) dhe TV Dy (5 orë 57 minuta dhe 42 sekonda). Nga dy radiot lokale që lidhën kontratë për transmetim të RPP, Radio Kometa 2000 (Radio XHI) transmetoi 2 orë 24 minuta dhe 24 sekonda, ndërsa Radio 7, 1 orë 54 minuta dhe 5 sekonda RPP.
Nga të gjithë transmetuesit së bashku, kohë më të gjatë morri Koalicioni i Aleancës Kombëtare për Integrim – AKI (16 orë 44 minuta dhe 18 sekonda), ndjekur nga Koalicioni VLEN (7 orë 9 minuta dhe 36 sekonda). Коalicioni i udhëhequr nga LSDM ka marrë hapësirë vetëm në TV Kanal 5 (26 minuta dhe 20 sekonda).
Koalicioni i udhëhequr nga VMRO-DPMNE, Partia Demokratike e Turqve në Maqedoni dhe kandidati i pavarur Zuljhajrat Demiri kanë vendosur në këtë fushatë zgjedhore kurrsesi të mos marrin hapësirë për transmetimin e RPP në programet e radiodifuzerëve
Të dhënat në raport u morën nëpërmjet monitorimit të transmetimit të reklamave politike me pagesë të transmetuesve dhe gjithashtu u verifikuan nëpërmjet procedurës së konfirmimit të raporteve mbi shërbimet e realizuara nga transmetuesit.
Raporti mbi reklamat politike me pagesë të transmetuesve për Zgjedhje e përsërituara lokale 2026 është i disponueshëm në link.
Në Gostivar, Vrapçisht, Mavrovë Rostushë, Qendër Zhupë më 11 janar 2026 u mbajtën zgjedhje të përsëritura për kryetar komune pasi në rrethin e parë të zgjedhjeve të rregullta lokale më 19 tetor 2025 nuk u arrit cenzusi.
Lajme nga vendi
Mickoski: Projekti “Qyteti i Sigurt” ka për qëllim të shpëtojë jetë njerëzish, është gabim që politikanë të caktuar përpiqen ta etnizojnë
Kryetari i Qeverisë, Hristijan Mickoski, duke iu përgjigjur pyetjeve të deputetëve në seancën e sotme, theksoi se kjo Qeveri garanton përfaqësim të drejtë dhe se ligji i ri mori rekomandim pozitiv nga Komisioni i Venecias, i cili është obligues në procesin drejt BE-së, ndërsa projekti “Qyteti i Sigurt” nuk etnizon, por shpëton jetë njerëzish.
– Sa i përket përfaqësimit të drejtë, mund të them se absolutisht po tregohet kujdes për përfaqësimin e drejtë, unë personalisht jam garant dhe këtë e kam thënë edhe në të kaluarën. As si njeri, as si politikan, as si kryetar i Qeverisë, nuk do të lejoj që dikush të majorizojë apo të minimizojë dikë tjetër. Pra, absolutisht mund t’ju siguroj se cilësia e njerëzve, pa marrë parasysh përkatësinë e tyre etnike, duhet të jetë kyçe dhe prioritet, dhe kjo është një vlerë themelore kushtetuese dhe pjesë e rezolutave dhe konventave ndërkombëtare – theksoi Kryeministri Mickoski duke iu përgjigjur pyetjes të parashtruar nga deputeti Skender Rexhepi.
Kryeministri Mickoski i tha deputetit Rexhepi se çështjet duhet të shihen më gjerë dhe në mënyrë objektive, në vend që të etnizohen, duke menduar se në këtë mënyrë do të fitohen pikë politike.
– Sa i përket Ligjit për përfaqësim të drejtë, ai është i përfunduar dhe ka marrë mendimet e fundit pozitive nga Komisioni i Venecias. Do t’ju rikujtoj se mendimi i Komisionit të Venecias, në përputhje me ndryshimet e fundit në procesin e aderimit në Bashkimin Evropian dhe në përputhje me kërkesat e fundit për ndryshimin e metodologjisë në procesin e aderimit, janë një faktor vendimtar. Veprohet sipas tyre dhe pres që shumë shpejt ky ligj t’ju dorëzohet juve, deputetëve, dhe shpresoj që të miratohet njëzëri, pasi ka rekomandim pozitiv nga Komisioni i Venecias dhe gjithashtu shpresoj që në këtë mënyrë deputetët të mos i rrezikojnë proceset evropiane të shtetit, theksoi Kryeministri Mickoski.
Lidhur me vendimin e Gjykatës Kushtetuese, Kryeministri Mickoski theksoi se nuk do t’i komentojë vendimet e Gjykatës Kushtetuese, por është fakt se kjo shumicë në Gjykatën Kushtetuese është zgjedhur në kohën e qeverisë së mëparshme, e jo në këtë qeveri.
Sa i përket projektit “Qyteti i Sigurt”, Kryeministri Mickoski theksoi se është gabim që edhe këtë projekt disa politikanë përpiqen ta etnizojnë, sepse ai ka për qëllim të shpëtojë jetë njerëzish.
– Politikanët që janë në një entuziazëm romantik mendojnë se, nëse i etnizojnë edhe të ndjerët që fatkeqësisht kanë humbur jetën si pasojë e aksidenteve të trafikut, duhet të shihen përmes prizmit të përkatësisë etnike.
Ajo që mund të them është se pas realizimit të projektit “Qyteti i Sigurt” nuk do të ketë më një numër të madh viktimash nga aksidentet e trafikut. Kjo qeveri vendosi ta vërë projektin në funksion me qëllim që të shpëtojë jetë njerëzish, pa u udhëhequr nga statistika matematikore se kush i përket cilës përkatësi etnike dhe pa e interpretuar metodologjinë me të cilën për të ndjerët përcaktohet përkatësia etnike. Ky projekt ka për detyrë të shpëtojë sa më shumë njerëz, theksoi Kryeministri Mickoski.
Lajme nga vendi
ASh; Aksionet kundër grupeve kriminale dhe trafikantëve të drogës të barabarta për të gjithë, apo të ndikuara nga afërsia politike
Aleanca për Shqiptarët e përshëndet aksionin policor të zhvilluar në Bërvenicë, por ky rast hap një sërë pyetjesh serioze që kërkojnë përgjigje të qarta nga institucionet kompetente
Së pari, cila është afërsia e personit S.Z., tek i cili u gjetën armë dhe lëndë narkotike, meqë sipas materialeve të publikuara ai shfaqet në fotografi me kryeministrin Hristijan Mickoski dhe kryetarin e Komunës së Bërvenicës, Jovica Ilievski?
Pas gati dy vitesh qeverisje të koalicionit VMRO–VLEN, shtrohet pyetja thelbësore:
a ka ndikuar afërsia politike me VMRO-DPMNE-në që ky individ të gëzojë mbrojtje apo favore institucionale?
Po ashtu, pse mungon një deklaratë zyrtare dhe e detajuar nga Ministria e Punëve të Brendshme për këtë aksion policor, ndryshe nga raste të ngjashme të ditëve të fundit, për të cilat kishte njoftime të plota dhe materiale video?
Cili është raporti i këtij personi me udhëheqësinë e MPB-së në Tetovë dhe pse ende nuk ka asnjë reagim nga MPB Tetovë, ministri apo zëvendësministri i Punëve të Brendshme?
Një tjetër dilemë serioze lidhet me kompaninë e sigurimit “Praetorian Security Solution”:
a është kjo kompani në pronësi të tij, siç është raportuar nga disa media?
Në çfarë procedure dhe mbi çfarë kriteresh kjo kompani ka fituar kontratën për sigurimin e Kodrës së Diellit dhe infrastrukturës përreth?
a ka pasur ndikim politik në këtë proces për shkak të afërsisë me VMRO-DPMNE-në?
A duhet që Kodra e Diellit, respektivisht ESM, të vazhdojë kontratën me një kompani sigurimi për pronarin e së cilës pretendohet se është arrestuar për posedim armësh dhe lëndësh narkotike?
A ka një kompani e tillë kredibilitet për të siguruar objekte publike dhe infrastrukturë strategjike?
Në fund, Aleanca për Shqiptarët pyet qartë:
a do të jenë aksionet kundër grupeve kriminale dhe trafikantëve të drogës të barabarta për të gjithë, apo të ndikuara nga afërsia politike?
Sundimi i ligjit duhet të vlejë njësoj për të gjithë.
Aleanca për Shqiptarët
Kush dhe ku u reklamua më shumë gjatë zgjedhjeve të përsëritura në katër komuna, doli raporti
Mickoski: Projekti “Qyteti i Sigurt” ka për qëllim të shpëtojë jetë njerëzish, është gabim që politikanë të caktuar përpiqen ta etnizojnë
ASh; Aksionet kundër grupeve kriminale dhe trafikantëve të drogës të barabarta për të gjithë, apo të ndikuara nga afërsia politike
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
