Lajme nga vendi
Dhunohen nga kontrabandistët emigrantët që kalojnë tranzit nëpër Maqedoni!
Kontrabandistët u kërkojnë emigrantëve shuma të larta për kalimin tranzit nëpër Maqedoninë e Veriut, por shpeshherë ata edhe i dhunojnë fizikisht. Situata është më tragjike për ata emigrantë që kanë pësuar aksidente trafiku teksa kontrabandistët po iknin nga policia, duke humbur krahët apo këmbët. Vetëm një numër i vogël migrantësh kanë kërkuar azil në vend, por shumica e tyre e bënë këtë pikërisht për shkak të lëndimeve të rënda që morën nga aksidentet, shkruan PRESSonline.al
Një numër i madh i migrantëve apo refugjatëve që kalojnë tranzit nëpër Maqedoninë e Veriut janë viktima të dhunës nga kontrabandistët, por edhe të presionit psikologjik dhe financiar, paralajmëron Kryqi i Kuq.
Sipas organizatës, kontrabandistët i ngarkojnë emigrantët nga 800 deri në 1000 euro për t’i transportuar nga kufiri jugor në atë verior të vendit, por shpesh ata i dhunojnë fizikisht. Të shumta janë rastet e rrahjes së emigrantëve, por edhe të atyre që përfundojnë me lëndime të rënda në aksidente trafiku.
“Ne hasim shumë dhunë në terren. Ne hasim njerëz që janë rrahur dhe që kanë pësuar lëndime të rënda, kanë humbur krahët ose këmbët, për shembull në aksidente. Këta njerëz vuajnë shumë. Përveçse financiarisht, ata janë nën presion të madh psikologjik nga kontrabandistët. Ne ndihmojmë me aq sa mundemi, por është shumë e trishtueshme të shohësh”, ka deklaruar për REL, Susana Tuneva-Paunovska – sekretare e Kryqit të Kuq, përcjell PRESSonline.al
Ndër viktimat e fundit të kontrabandës ishte një vajzë e re e cila humbi jetën në vend në muajin prill, në një incident në afërsi të kazermës së Gjevgjelisë. Një polic maqedonas qëlloi emigranten, ndërsa polici kontrollonte dy automjete të pasagjerëve me tetë emigrantë të cilët filluan të ikin. “Emigrantët kanë sulmuar njërin nga policët dhe kanë tentuar t’ia marrin armën, pas së cilës arma ka qëlluar dhe ka goditur vajzën”, ka thënë MPB. Kontrabandistët janë në paraburgim, ndërsa Prokuroria po heton rastin.
Maqedonia e Veriut është pjesë e të ashtuquajturës rrugë ballkanike, përmes së cilës kalojnë migrantët dhe refugjatët nga luftërat në Lindjen e Mesme dhe Afrikën Veriore. Sipas disa vlerësimeve, mbi një milion njerëz e kaluan nëpër Maqedoninë e Veriut në periudhë 7-vjeçare.
Megjithatë, sipas të dhënave të Kryqit të Kuq, vetëm 13 emigrantë kanë marrë azil në vend që nga viti 2015, gjë që tregon se Maqedonia e veriut nuk është destinacioni përfundimtar i emigrantëve.
Këta 13 emigrantë qëndruan në Maqedoninë e Veriut pikërisht për shkak të lëndimeve të rënda që pësuan gjatë tranzitit, siç është humbja e gjymtyrëve, thonë të dhënat e Kryqit të Kuq. Ata duhej t’i nënshtroheshin një operacioni dhe për këtë arsye vendosën të kërkonin azil, në mënyrë që të kishin akses në kujdesin shëndetësor dhe programet e integrimit.
Lajme nga vendi
Punësim të përhershëm për 40 personat me kontratë në Spitalin Klinik të Tetovës procesi vazhdon
Për personat me kontratë pune të cilët në dhjetor 2025 mbetën pa punësim të përhershëm në Spitalin Klinik të Tetovës, procesi vazhdon me qëllim që të ofrohet një zgjidhje për statusin e punësimit të përhershëm për ta, thotë Ministri i Shëndetësisë Azir Aliu.
Ai po përgjigjej në pyetjen e një gazetari se çfarë do të ndodhë me 40 stafin mjekësor dhe teknik që shkojnë në punë në janar dhe shkurt pa kontratë pune.
Institucioni duhet të kërkojë një mendim nga ne, Fondi i Shëndetësisë dhe Ministria e Financave. Drejtori e ka bërë tashmë këtë. Procedurat janë në vazhdim, nëse nuk janë përfunduar tashmë, dhe vlerësoj se kontratat do të duhet të nënshkruhen në një kohë të shkurtër. Gjithashtu vërej se po punojmë për të siguruar që këta njerëz të jenë të punësuar përgjithmonë, në mënyrë që të jenë në gjendje të investojnë në kapacitete njerëzore. Ata duhet të sigurohen se nëse ka ndonjë ndryshim politik, ata do të jenë pjesë e sistemit të kujdesit shëndetësor dhe nuk do të abuzohen përsëri, për fat të keq, siç janë abuzuar deri më tani – tha Aliu.
Lajme nga vendi
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Studentët që studiojnë në 100 universitetet më të mira në botë me bursë shtetërore ose studiojnë në Maqedoni si dhe ata që janë shpallur studentët më të mirë, do të kenë përparësi kur të punësohen në universitetet shtetërore, si staf mësimor dhe shkencor, paralajmëroi ministrja e arsimit dhe shkencës, Vesna Janevska. Ajo po ashtu bëri të ditur se është vendosur një mënyrë e re e financimit të institucioneve të arsimit të lartë.
“Po forcojmë kriteret për avancim në titujt e fakultetit. Kushdo që aplikon për zgjedhje në titullin – profesor asistent, profesor i asociuar ose profesor i rregullt, që tani e tutje, varësisht nga titulli, do të jetë i detyruar të prodhojë dhe publikojë 6 deri në 7 punime shkencore deri në kohën e zgjedhjes, nga të cilat 3 deri në 4 duhet të publikohen në një revistë me faktor ndikimi nga bazat e të dhënave Web of Science ose Scopus”, theksoi Vesna Janevska, minstre e Arsimit dhe Shkencës.
Profesorët e rregullt të zgjedhur pasi të jenë zgjedhur, në të ardhmen pas miratimit të ligjit, do të kenë të drejtë rizgjedhjeje pas 7 vitesh. Ata që tashmë janë zgjedhur si profesorë të rregullt nuk do të mbulohen nga ky ligj, dhe komuniteti akademik do të unifikohet në të gjithë territorin. Mandati i rektorëve do të jetë 4 vjet, në vend të 3 viteve që është aktualisht, dhe modeli për zgjedhjen e një rektori do të ndryshohet gjithashtu.
“Pagat nuk janë më temë diskutimi. Ato u rritën me 14% vitin e kaluar, dhe buxheti për mbështetjen e aktiviteteve shkencore dhe kërkimore është rritur gjithashtu nga 380 milionë denarë në vitin 2024 në 773 milionë denarë këtë vit. Më shumë se dyfishi”, u shpreh theksoi Vesna Janevska, minstre e Arsimit dhe Shkencës.
Ministria e Arsimit dhe Shkencës ka përgatitur ligj të ri për arsimin e lartë dhe shkencën, i cili pritet të ofrojë arsim akademik me cilësi më të lartë dhe të inkurajojë aktivitetin shkencor dhe kërkimor në vend.
Reparti I Transfuzionit në Tetovës oshtë është bërë me hapësira të reja. Amir Elezi Drejtori i Institutit të transfuziologjise tha se qendra e transfuzionit në Tetovë ka karatker rajonale dhe ofron shërbime për gjithë fushën e pollogut.
“ Renovimi I këtij objekti ka filluar në vitin 2024 dhe ka përfunduar tani dhe tani hapim edhe zyrtarisht objektin e transfuzionit të gjakut. Është një qendër ndër më të mëdha në nivel të shtetit pasi që njësia e transfuzionit ka katër qendra të Manastirit, Shtipit të Tetovë dhe qendrën në Shkup, ku shërbehen në mënyrë ambulatore gjithashtu edhe grumbullohet gjak edhe përpunohet në qendrën e Tetovës . vitin që lamë pas pas ishte viti ku arritëm rekord të numrit të dhuruesve të gjakut , 60 222 dhurues të gjakut në republikën e Maqedonisë së veriut.”
Ndërsa ministri I shëndetësisë Azir Aliu tha se përpos hapësirave modern ka edhe teknologji të avancuar, ndërsa ai pret që së shpejti të hapet edhe konkursi për punësim që kjo qendër të plotëson edhe mungesat e kuadrit që I ka.
“ Sot jemi këtu për inauguruar edhe hapësirat në transfuzionit që janë edhe në aspekt fizik dhe teknologjik modern dhe me nevojat që I kemi në Tetovë, është një qendra regjionale që jep shërbime për këtë pjesë të shtetit . Urojmë edhe në shtyllën e dytë të kapaciteteve njerëzore , shumë shpejtë do të hapet edhe procedura për punësimi e mjekëve dhe motrave medicinale , me qëllim që të kemi edhe kapacitete njerëzore me nevojat që kemi këtu në Tetovë.”
Prezent në këtë ngjarje ishte edhe zv/kryeministri i parë Bekim Sali i cili tha se investimet e tilla do të vazhdojnë edhe në spitalet tjera ku paraqitet nevoja.
Deri më tani reparti i transfuzionit ka qenë i vendosur në objektin kirurgjikal në spitalin e Tetovës. Ndërsa në ato hapësira tani do të vendoset kirurgjia Torakale. TV KOHA
Punësim të përhershëm për 40 personat me kontratë në Spitalin Klinik të Tetovës procesi vazhdon
Inspektorati mbyll 26 motele dhe vila, ishin të paregjistruara e nuk plotësonin kushtet minimale
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
