Bashkimi Demokratik për Integrim, përmes një press-konference, sic thonë,  del me fakte konkrete që tregojnë se si qytetarët dëmtohen në kohë krize energjetike.

Ndërkohë që në bursat ndërkombëtare çmimet e derivateve të naftës kanë shënuar rënie të ndjeshme prej rreth 10%, sipas BDI-së, në vendin tonë qytetarët do të vazhdojnë të paguajnë çmime më të larta gjatë gjithë javës.

Arsyeja është e qartë – Komisioni Rregullator për Energjetikë vazhdon të zbatojë një model të vjetruar, të bazuar në mesataren e javës së kaluar, në vend që të reagojë në kohë reale, thonë nga BDI.

Kjo praktikë shkon drejtpërdrejt në favor të interesave të caktuara biznesore, në dëm të qytetarëve.

Për këtë arsye BDI kërkon:

Advertisement

* Ndryshim të menjëhershëm të rregullores për përcaktimin e çmimeve

* Vendosjen e përllogaritjes së çmimeve të paktën dy herë në javë

Faktet janë alarmante:

* Konsumi javor: rreth 12 milionë litra naftë

* Diferenca në çmim: rreth 9 denarë për litër

Advertisement

* Kosto shtesë totale: mbi 1.5 milion euro vetëm për një javë

Kjo do të thotë se qytetarët dhe bizneset e vogla paguajnë miliona më shumë, ndërkohë që dikush përfiton nga një sistem që nuk funksionon si duhet.

Në fund, shtrohet një pyetje e thjeshtë:

Në interes të kujt punon Qeveria – të qytetarëve apo të disa kompanive të privilegjuara? – thonë nga BDI-ja.

Advertisement

Pronat e banorëve lokal në Stanet e Shipkovicës, kanë qenë pre e arrinjve.

Në pamjet që arriti t`i sigurojë Tv Koha, shihen dëmtime të objekteve në këtë lokalitet, mbase për shkak se arrinjtë kishin qenë në kërkim të ushqimit.

Vërehen dëmtime të derëve, dritareve dhe xhamave të thyera, por edhe njolla gjaku, me siguri pasi kafshët janë prerë nga xhamat.

Nuk është kursyer asnjë objekt tek Stanet e Shipkovicës. Arrinjtë kishin bërë cmos që të gjejnë ushqime dhe nuk kanë kursyer as edhe orenditë e staneve.

Rasti është alarmuar edhe tek autoritetet.

Advertisement

Drejtori I Parkut Kombëtar Mali Sharr, Evzal Elmazi, ka njoftuar se me kolegun Milorad Andrijeski ka realizuar monitorim të gjendjes faktike në terren te stanet e Shipkovicës, pas raportimeve për dëme të shkaktuara nga arinjtë në pronat e banorëve lokal.

Pasi janë evidentuar dëmet, janë zhvilluar takime me disa nga banorët dhe pronarët për të dëgjuar shqetësimet e tyre dhe për të koordinuar hapat e mëtejmë.

“Parku Kombëtar Mali Sharr mbetet i përkushtuar për mbrojtjen e faunës së egër dhe për bashkëpunim të vazhdueshëm me komunitetin lokal në drejtim të parandalimit të rasteve të ngjashme” – thotë Drejtori Evzal Elmazi.

Hristijan Mickoski njoftoi një ristrukturim qeveritar për majin dhe qershorin e vitit 2026, të përqendruar në efikasitetin e ministrave dhe konsolidimin e brendshëm të partnerëve. Ndryshimet kryesore ndikojnë në resorët e koalicionit VLEN, ndërsa hyrja e subjekteve të reja politike në shumicën parlamentare refuzohet me vendosmëri.

Ky është konteksti më i gjerë i ristrukturimit dhe rifreskimit të paralajmëruar. Edhe pse Mickoski i paraqet marrëdhëniet brenda qeverisë si “jashtëzakonisht korrekte”, zgjedhja e termit “korrekte” në vend të, le të themi, “të mira“, njoftimi i ndryshimeve sugjeron nevojën për një rinisje politike dhe vlerësim të performancës së deritanishme.

Procesi nuk do të jetë vetëm rotacion teknik, por një riorganizim strategjik para periudhës së verës, me qëllim forcimin e kapacitetit administrativ të ministrive dhe për t’iu përgjigjur trazirave të brendshme midis partnerëve, por edhe për shkak të agjendës së reformave që lidhen me integrimin evropian, për të cilën tashmë ka shenja se po hyn në një fazë kritike.

Emri më i ekspozuar në kontekstin e zëvendësimit është ministri i Politikës Sociale, Demografisë dhe Rinisë, Fatmir Limani. Pozicioni i tij është lëkundur për shkak të disa faktorëve kryesorë, ndër të cilët pakënaqësia e hapur e partisë së tij amë BESA dhe liderit Bilall Kasami me punën e tij në degën ekzekutive dhe prania kontroverse në një darkë iftari në Tiranë të organizuar nga Edi Rama, ku u fotografua me liderin e BDI-së opozitare, Ali Ahmeti.

Edhe pse Hristijan Mickoski paraprakisht e mbrojti Fatmir Limanin si një “vlerë të shtuar”, deklarata e tij e fundit se të gjitha çështjet do të “vendosen në tryezë” tregon se kryeministri është gati të sakrifikojë ministrin për të ruajtur paqen në koalicion dhe për të përmbushur kërkesat e Bilall Kasamit, megjithëse në një deklaratë paraprake ai ishte mjaft kategorik kur tha “Unë e formoj qeverinë”.

Advertisement

Po bëhet e qartë se koalicioni VLEN po bëhet një “lidhje e dobët” në qeveri për shkak të ambicieve të tij për t’u bashkuar në një entitet të vetëm politik, pra një parti, gjë që po shkakton shkëndija midis krahëve të ndryshëm në koalicion.

Zëvendëskryeministri për Qeverisje të Mirë, Arben Fetai, i cili është pjesë e strukturës së Arben Taravarit, përballet me një të ardhme të pasigurt për shkak të avokimit të tij për konceptin e “Aleancës së Re” dhe presidencës me rotacion, gjë që bie ndesh me planet e Bilall Kasamit dhe Izet Mexhitit të VLEN për të krijuar një parti homogjene.

Këto luftëra të brendshme për pushtet ndikojnë drejtpërdrejt në stabilitetin e partnerit shqiptar në qeveri. Riorganizimi i majit do të shërbejë si një mekanizëm për të filtruar personelin që nuk është i lidhur me hierarkinë e re të partisë VLEN, veçanërisht pasi Izet Mexhiti tashmë është larguar nga pozicionet qeveritare për të marrë përsipër komunën e Çairit, dhe ishte mjaft e qartë se ai ishte indi lidhës më i fortë i atij koalicioni.

Sigurisht, ZNAM nuk duhet të injorohet si pjesëmarrës në qeveri, veçanërisht pasi deputeti i kësaj partie Mile Cekov, në programin “360 Gradë” në RTVM, tha se pas dy vitesh si pjesë e koalicionit qeverisës, roli i ZNAM si korrigjues i qeverisë njihet gjithnjë e më pak.

Kjo, natyrisht, nuk do të kalojë pa konsultime mbi temën “çfarë po ndodh” midis Mickoskit dhe Maksim Dimitrievskit, të cilët padyshim do të kthehen edhe te “sjellja” e ministrit të Drejtësisë Igor Filkov dhe ministrit të Administratës Publike Goran Minçev, të cilët tensionuan marrëdhëniet në koalicion me VLEN për çështjet e përdorimit të gjuhës shqipe dhe punësimit të shqiptarëve në shërbimet shtetërore./portalb.mk/

Advertisement