Lajme nga vendi
Mickoski: Punohet për ridefinimin e Maqedonisë si shtet i maqedonasve dhe shqiptarëve!
Kreu I VMRO-DPMNE-së, Hristijan Mickoski, pretendon se në Grupin e Punës për ndryshimet kushtetuese po punohet për ridefinimin e Maqedonisë si shtet binacional.
Sipas tij, në këtë grup pune flitet për ndryshimin e Preambulës së Kushtetutës ku do të qëndrojë se Maqedonia është shtet I dy popujve – Maqedonasve dhe Shqiptarëve dhe disa bashkësive etnike, midis të cilëve, edhe pakica bullgare.
“Ajo që më shqetëson se vijnë informacione se nuk flitet vetëm për futjen e pakicës bullgare në Preambulën e Kushtetutës së Maqedonisë, por flitet edhe për definimin e plotë të Maqedonisë si shtet, të jetë shtet binacional ku do të ekzistojnë dy popuj, disa bashkësi etnike që tani janë pjesë e popullit në kuadër të Preambulës së Kushtetutës dhe të tjerët që do të jenë mbi përqindjen e caktuar konform Regjistrimit të vitit të kaluar, të jenë pakicë. Kjo flitet në Komision dhe mungon vetëm të vizatohen hartat dhe Maqedonia formalisht të jetë shtet federal”, deklaroi Mickoski.
Kundërpërgjigjen nga LSDM-ja. Në vend që VMRO-DPMNE të përgjigjet nëse do të kyçet në bllokun pro-evropian ose do të mbetet peng i “Levicës” pro-ruse, Mickoski sajon marrëzi të re me pretendime për ridefinim të shtetit – thonë socialdemokratët.
“Është I qartë qëllimi i Mickoskit t`i ikin vendimit nëse do t`i bashkangjiten bllokut pro-evropian ose do të mbeten në bllokun anti-evropian. Qasje e vjetër e gënjeshtrave, ashtu siç ishte me bullgarizimin, kantonizimin e të ngjashme. Është koha për votën për Evropë në Kuvendin e Maqedonisë së Veriut, e jo për sajime që nuk ka lidhje me realitetin”, tha Zhaklina Lazarevska, deputete e LSDM-së.
Seanca e radhës e Grupit të Punës për ndryshimet kushtetuese është caktuar për të premten më 26 Maj.
Kryetarja e këtij grupi, Margarita Caca Nikolovska, sic njofton KlanM, pas takimit të fundit të javës së kaluar, deklaroi se prioritet janë ndryshimet kushtetuese për futjen e Bullgarëve në Preambulë, si kusht nga marrëveshja me BE-në, e jo kërkesa tjera për të cilat përflitet në opinion./KlanMacedonia
Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.
“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.
Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.
“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.
Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk
Lajme nga vendi
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve