Lajme nga vendi
Analizë/ A vendos çdoherë populli se kush duhet të qeverisë me vendin?
Pyetja ose konstatimi se populli vendos se kush futet në Qeveri e kush mbetet jashtë është më tepër frazë kuptimore që zë vend dhe ka logjik deklarative, por nëse zbritet dhe shihet në terren se nëse vërtetë qëndron kjo, është krejtësisht çështje tjetër. Vendet e Ballkanit Perëndimor janë në fazë tranzicioni për kalim nga sistemi komunist në atë demokratik. Por, nëse flasim për nivelin e demokracisë kjo gjë ndërlidhet në mënyrë të drejtpërdrejtë edhe me sistemin e zgjedhjeve, përmes të cilës edhe përcaktohet se sa zgjedhjet zhvillohen në mënyrë demokratike, a abuzohet vota e qytetarit e të tjera. Maqedonia e Veriut ka sistem parlamentar, ku Qeveria duhet ta marrë besimin e Kuvendit apo shumicës parlamentare për të funksionuar. Por, realiteti politik në vendin tonë tregon që jo çdoherë populli e ka fuqinë të vendos se kush duhet të qeverisë me vendin. Për tri arsye tejet të rëndësishme, e para ka të bëjë kryesisht me vullnetin pjesërisht të lirë të popullit apo mungesën e demokracisë ideale, e dyta pazaret politike që bëhen pas zgjedhjeve, dhe e treta parregullsitë gjatë procesit zgjedhor. Një mangësi tjetër tejet e madhe ka të bëjë edhe me listat e mbyllura, ku qytetari duhet të votojë logon e partisë dhe jo kandidatin. Prandaj, ka dallim të madh mes pyetjes a duhet dhe a vendos çdoherë populli, shkruan Zhurnal.
Populli duhet të vendos por jo çdoherë e ka mundësinë të zgjedh se kush do të qeverisë me vendin –
Në emër të popullit mbase flet secili, edhe ata që nuk e kanë të drejtën legjitime, populli gaboi, populli duhet kështu, veproi ashtu, pra masa popullore siduket ka krijuar mundësinë që secili ta luaj rolin supervizorit duke sugjeruar e korrigjuar. Sikurse bëhet fjalë për ndonjë turmë të pa organizuar e pa vetëdije të plotë.
Zhvillimet e fundit politike në Maqedoninë e Veriut po bëhen ditë e më dramatike, me takime, kërkesa e kushte të çuditshme. Interesant është fakti që liderët e dy partive më të mëdha maqedonase pavarësisht inateve, sharjeve e shpifjeve që bëjnë njëra për tjetrën kur vjen momenti për ndonjë çështje me interes nacional ulen kokë më kokë dhe diskutojnë e marrin vendime pa u konsultuar fare me partitë shqiptare, sikur mos të ekzistonin fare.
Vendi aktualisht ndodhet përballë një sfide të madhe për sa i përket vazhdimit të rrugëtimit për anëtarësim në BE. Por, para kësaj vendi është i detyruar të bëjë ndryshimet kushtetuese dhe futjen e bullgarëve si pjesë e preambulës në kushtetutën e RMV-së. E për këto ndryshime duhet 2/3 e votave në Kuvend, apo 80 deputetë që shumica aktuale e ka të pamundur të sigurojë këtë numër votash. Nga opozita maqedonase, VMRO-DPMNE, kategorikisht ishin kundër, por tani kanë ndryshuar qëndrimin dhe kanë zbutur deklaratën janë “për”, por kërkojnë disa kushte. E ky ndryshim në qëndrim nga një ekstrem në ekstremin tjetër erdhi pas takimit kokë më kokë të Dimitar Kovaçevskit kryeministrit dhe kryetarit të LSDM-së, me Hristijan Mickovski, kryetar i VMRO-së.
Kushtet e VMRO-së kanë të bëjnë kryesisht me daljen e BDI-së nga kjo shumicë parlamentare, pra këto do të votojnë ndryshimet kushtetuese por vetëm nëse bëhen pjesë e qeverisë por pa pjesëmarrjen e BDI-së në atë qeveri. Pasi sipas tyre vendi duhet të çlirohet nga BDI-ja. E kjo çështje u diskutua mjaftueshëm në opinion duke e cilësuar kushtin e VMRO-së si kundërshtim i vullnetit të popullit. Pasi, populli ka vendosur që BDI të jetë në Qeveri një parti politike kërkon që BDI të dalë nga Qeveria. E nga BDI pas një ore të kërkesës së VMRO-së dolën me deklaratë se janë të gatshëm të dalin nga qeveria menjëherë edhe të prishin gjitha marrëveshjet, madje edhe atë për kryeministrin e parë shqiptarë, pra të pranojnë çdo gjë që kërkon VMRO-ja vetëm në emër të integrimit evropian, që VMRO të voton ndryshimet kushtetuese.
Nga çka varet vendosmëria e popullit se kush duhet të qeverisë me vendin –
Që një popull ta ketë shkopin magjik në dorë dhe të vendos se kjo parti duhet të qeverisë dhe kjo parti të jetë në opozitë nevojiten një varg kushtesh dhe mekanizma që shumica prej tyre mungojnë në vendin tonë. E para dhe më e rëndësishme është demokracia ideale, që pothuajse asnjë vend në Ballkanin Perëndimor nuk e ka. Çfarë do të thotë demokraci ideale? Është ajo demokraci në të cilën populli vendos praktikisht dhe plotësisht, në atë vend ka zgjedhje të lira, media të lira, liritë dhe të drejtat e njeriut zbatohet me përpikëri e të tjera. Gjëra që kryesisht mungojnë në vendin tonë.
E dyta, ka të bëje me pazaret politike të cilat godasin në mënyrë legjitime vullnetin e popullit. Pra, pavarësisht nëse populli për cilën do parti voton në mënyrë masive dhe i siguron numrin më të madh të votave, partitë tjera me një bashkëpunim e bashkërendim të thjesht e rrëzojnë këtë vullnet dhe bëjnë qeveri e kryeministër për të cilin ata merren vesh dhe jo atë për të cilin populli ka votuar. Pasi, secila qeveri votohen në Kuvend duke siguruar shumicën parlamentare mbi 61 deputetë. Me fjalë të tjera nëse një parti siguron 59 deputet, dhe të tjerat sëbashku 61, partia me 59 deputetë mbetet në opozitë, pa çka se populli e ka zgjedhur që kjo parti të hyjë në qeveri e të qeverisë me vendin.
E treta, jo më pak e rëndësishme, ka të bëjë nivelin e demokracisë gjatë procesit të zgjedhjeve. Ku edhe përkundër gjitha monitorimeve sërish ka parregullsi të panumërta, blerje votash e keqpërdorime një orë para mbylljes së vendvotimeve. Ndryshe, problem tjetër kryesor është edhe Kodi Zgjedhor që nuk po ndryshon ende, sa i përket hapjes së listave. Pra, në emër të vullnetit të lirë të popullit imponohen kandidatë të padëshiruar nëpër lista të partive, por që për hir të partisë votohet për dikë edhe nëse nuk pajtohesh e nuk e do si përfaqësues. Që i bie kryetari i partisë e imponon kandidatin te votuesit.
Megjithatë, idealen është gabim edhe ta synojmë sepse është e vështirë ta sigurojmë. Por, ajo që është tejet e rëndësishme është fakti që të ketë edhe kuptim e zbatim praktik shprehja që populli vendos se kush duhet të qeverisë me vendin. Mirëpo, që të vendos populli me plot kuptimin e fjalës duhet të plotësohet kushtet e lartpërmendura. /Zhurnal.mk
Pas shënimit të ditëlindjes së VMRO-DPMNE-së, Izet Mexhiti, Bilall Kasami dhe Maksim Dimitrievski pritet që në fund të javës të ulen në një tryezë të përbashkët me Kryeministrin Mickoski për të diskutuar përbërjen e re të Qeverisë. Sipas partnerëve të koalicionit të VMRO-DPMNE-së, në takim do të marrin pjesë edhe sekretarët e përgjithshëm të partive ose koordinatorët e grupeve parlamentare.
Pas 17 qershorit, pas festimit të ditëlindjes së VMRO-DPMNE-së, pritet të nisin bisedimet e Kryeministrit Hristijan Mickoski me partnerët e koalicionit qeveritar lidhur me rikonstruimin e Qeverisë.
Kryeministri deklaroi se gjërat do të bëhen më të qarta pasi të ulet në një tryezë të përbashkët me drejtuesit e VLEN-it dhe ZNAM-it për të diskutuar ndarjen e resorëve dhe rotacionet e mundshme në disa ministri.
Ai theksoi se qëllimi nuk është që me çdo kusht të shkohet në zgjedhje të parakohshme parlamentare, por nëse kundërshtarët politikë i provokojnë ato, qeveria është e gatshme edhe për atë skenar.
Mediat njoftojnë se takimet do të zhvillohen me liderët e VLEN-it dhe ZNAM-it, përkatësisht me Izet Mexhitin dhe Bilall Kasamin si përfaqësues të bllokut politik shqiptar në qeveri, si dhe me Maksim Dimitrievskin nga ZNAM, i cili do të shoqërohet nga sekretari i përgjithshëm i partisë ose koordinatori i grupit parlamentar.
Çështja e rikonstruimit ka hapur edhe dilema rreth asaj se kush do ta zërë vendin e Arben Fetait në resorin e Qeverisjes së Mirë, pasi ai dha dorëheqje pas reagimeve të opinionit publik dhe opozitës se nuk paraqitej në punë, ndërsa më pas u emërua nga kryeministri si përfaqësues i lartë i vendit në Bruksel.
Rikonstruimi i ri ka hapur debat edhe për Ministrinë e Politikës Sociale, Demografisë dhe Rinisë, pasi Ministri Limani deklaroi se nuk është më pjesë e VLEN-it, ndërsa kjo koalicionon këmbëngul se ministria u takon atyre.
Përveç VLEN-it dhe ZNAM-it, të dyja palët presin t’i mbajnë resorët e tyre, por nuk e përjashtojnë mundësinë e rokadave të caktuara.
Në opinion është spekuluar se ekziston mundësia që zëvendëskryeministri Bekim Sali të kalojë në krye të Ministrisë së Shëndetësisë, një sektor që ai e ka drejtuar edhe në periudhën 2022–2023. Gjithashtu, nuk përjashtohet mundësia e ndryshimeve të tjera mes partnerëve të koalicionit në këtë resor.
Spekulimet për largimin e ministrit të Drejtësisë, Igor Filkov, janë hedhur poshtë nga lideri i ZNAM-it, Maksim Dimitrievski, megjithatë fjalën e fundit do ta ketë mandatari dhe kryeministri Hristijan Mickoski.
Megjithatë, nëse rikonstruimi do të jetë i vogël apo i gjerë do të varet kryesisht nga planet e qeverisë për zgjedhje të mundshme të parakohshme parlamentare.
Kryeministri ka deklaruar disa herë se zgjedhjet po afrohen dhe mund të mbahen edhe vitin e ardhshëm.
Për këtë arsye, nuk përjashtohet mundësia që rikonstruimi të jetë më i kufizuar, megjithëse priten edhe emra të rinj, veçanërisht nga VLEN-i për ministritë e përmendura./Tv Koha/
Mesazhe mirëseardhjeje, ëmblësira, fëmijë e të rritur, nipër e mbesa, kishin pushtuar Aeroportin e Shkupit, për të pritur familjarët e tyre që kishin kryer haxhin.
Emocione të mëdha, lot gëzimi dhe përqafime të ngrohta, duke ndarë së bashku lumturinë e kthimit të tyre nga vendet e shenjta.
Kjo ishte atmosfera pas mbërritjes së grupit të tretë dhe të fundit të haxhilerëve të BFI-Myftinia Tetovë, pas përfundimit të njërit prej udhëtimeve më të shenjta dhe më domethënëse në jetën e një besimtari.
Haxhi është një përjetim i jashtëzakonshëm shpirtëror që forcon besimin, durimin dhe përkushtimin ndaj Zotit.
Por është edhe një sfidë që kërkon organizim të jashtëzakonshëm. Në shërbim të haxhinjve kanë qenë 11 mjek.
ARTAN IBISHI – Mjek
Nga Myftinia e Tetovës thonë se udhëtimi, qëndrimi dhe kthimi nga vendet e shenjta ka shkuar tepër mirë duke lutur Allahun e Madhëruar që t’ua ketë pranuar haxhin, lutjet dhe adhurimet e tyre, t’i shpërblejë me të mira të shumta dhe t’i bëjë shembull të devotshmërisë në familjet dhe shoqërinë tonë.
SELVER XHEMAILI – Myfti i Tetovës
Por, ekipit që u kthyen nga Meka i mungoi një Haxhi. Tv Koha njoftoi për rastin e vdekjes së një haxhiu nga Piroku i Tetovës, I cili, me dakordim me familjen e të ndjerit, është varrosur në varrezat e Mekës, kurse Myftiu I Tetovës duke përshkruar këtë lajm të dhimbshëm si caktim të zotit, njoftoi se i ndjeri kishte ndërruar jetë sapo kishte përfunduar obligimet e haxhit.
Nga rajoni i Tetovës për në vendet e shenjta kanë udhëtuar 440 nijetlinj kurse bashkë me shoqëruesit e tyre, hoxhallarët-udhëheqësit dhe ekipin mjekësor, shifra kishte mbërritur në 460.
/Tv Koha/
Dje në ora 13:00 në SPB Tetovë, një 50-vjeçar nga Kosova ka denoncuar se është sulmuar fizikisht nga një person nga Tetova, i cili e kishte angazhuar atë për t’u kujdesur për nënën e tij të sëmurë. Sipas denoncimit, ai për një periudhë të caktuar kohore e ka maltretuar atë psiqikisht dhe fizikisht, ndërsa kur ka dyshuar se ajo dëshiron të largohet, e ka sulmuar fizikisht duke i shkaktuar lëndime të rënda trupore, të konstatuara në Spitalin Klinik të Tetovës. Për shkak të qëndrimit të parregulluar në shtet, shtetasja e Kosovës është shoqëruar në stacionin policor dhe është dërguar në Vendkalimin Kufitar Jazhincë. Po ndërmerren masa për gjetjen e personit nga Tetova, pas së cilës ndaj tij do të parashtrohet kallëzim përkatës.
……Dje në ora 13:45 në Gostivar, zyrtarët policorë kanë privuar nga liria një 15-vjeçar nga fshati Debresh dhe një 20-vjeçare nga Gostivari, për shkak të dyshimit për kryerjen e veprës penale “Vjedhje”. Paraprakisht, në DPB Gostivar, një 44 vjeçar nga Gostivari ka denoncuar se rreth orës 13:30 personat janë kapur në manastirin “Shndërrimi i Krishtit” duke marrë para të lëna mbi ikona, pas së cilës i kanë kthyer paratë. Sipas denoncimit, të dy janë vërejtur në kamerat e sigurisë se edhe më datë 30 Maj kanë kryer një vjedhje të ngjashme. Ata janë mbajtur në stacionin policor, është njoftuar prokurori publik dhe pas dokumentimit të plotë të rastit do të vijojë kallëzimi përkatës.
……Dje në ora 20:00 në SPB Tetovë, një 21-vjeçar nga fshati Bozofcë e Tetovës, ka denoncuar se rreth orës 19:00 në rrugën “Vidoe Smilevski Bato” në Tetovë është sulmuar fizikisht nga një person. Po ndërmerren masa për gjetjen e autorit dhe për zbardhjen e rastit.
……Dje në ora 17:20 në Tetovë, zyrtarët policorë nga SPB Tetovë kanë privuar nga liria një 42 vjeçare nga Prilepi, me banim në Tetovë, ndërsa në ora 18:30 në fshatin Saraqinë të Tetovës, zyrtarët policorë nga Stacioni Policor i Grupçinit kanë privuar nga liria një 37-vjeçar nga po i njëjti fshat. Paraprakisht, në ora 16:00 në SPB Tetovë është denoncuar se rreth orës 15:30 është vërejtur 42-vjeçarja duke maltretuar fizikisht dhe duke e përplasur në asfalt foshnjën e saj tre-muajshe. Personat që e kanë vërejtur këtë gjë, ia kanë marrë fëmijën dhe e kanë denoncuar rastin. Për ngjarjen është njoftuar punonjësi social dhe inspektori për të mitur, ndërsa të dy personat janë mbajtur në stacionin policor dhe pas dokumentimit të rastit ndaj tyre do të vijojë kallëzimi përkatës.
……Dje në ora 22:45 në fshatin Pallaticë, zyrtarët policorë nga Stacioni Policor i Grupçinit kanë privuar nga liria një 67-vjeçar nga fshati Pallaticë. Ai është denoncuar nga një 40-vjeçar nga po i njëjti fshat se rreth orës 18:00 në oborrin e shkollës fillore të fshatit ka sulmuar fizikisht djalin e tij 11-vjeçar, duke përdorur edhe një send të fortë. Ai është mbajtur në stacionin policor dhe pas zbardhjes së plotë të rastit do të vijojë parashtresa përkatëse.
……Gjatë ditës së kaluar në rajonin e SPB Tetovë, gjatë kontrolleve në komunikacion janë sanksionuar katër persona për shkak të drejtimit të automjeteve para se të fitonin të drejtën e drejtimit (pa patentë shofer), me çka kanë kryer veprën penale “drejtim i pakujdesshëm i mjetit motorik” sipas nenit 297-a të Kodit Penal. Në mesin e tyre janë edhe dy të mitur.
NBA: NEW YORK KNICKS KAMPION PAS 53 VITEVE!
RIFORMATIMI QEVERITAR – BISEDIMET PAS DITËLINDJES SË VMRO-DPMNE-së!
BOTËRORI 2026: NUK MUNGOJNË BEFASITË NË KATËR DITËT E PARA
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
