Lajme nga vendi
Mashtrimi në provim dhe kushtëzimi për të blerë librin e profesorit – sjelljet e padëshiruara më të zakonshme në universitete
Mes 20 për qind të studentëve në vend, ekziston mendimi se korrupsioni është shumë ose jashtëzakonisht i përhapur në fakultetin ku ata studiojnë, ndërkohë që sipas 24 për qind të të anketuarve, korrupsioni ishte mesatarisht i pranishëm në fakultetet e tyre.
Këtë e ka treguar hulumtimi i Institutit për Kërkime Strategjike dhe Edukim – ISIE për perceptimin e korrupsionit tek studentët e universiteteve shtetërore në Maqedoninë e Veriut.
Nga llojet specifike të sjelljeve të padëshiruara në fakultete, studentët thanë se mashtrimi në provime nga ana e tyre është më i zakonshmi – këtë e kanë deklaruar 21 për qind e të anketuarve.
Kërkimi i studentëve për të blerë librin nga profesori për të kaluar provimin ose për të marrë nota më të mira është në vendin e dytë për nga frekuenca, me 20 për qind të të anketuarve që përmendin këtë sjellje korruptive.
Në vendin e tretë është praktika e studentëve që paguajnë njerëz të tjerë për të shkruar punime termore dhe disertacione (12 përqind).
9 për qind e studentëve kanë deklaruar se u është kërkuar të japin ryshfet profesorëve.
Nga ana tjetër, vetëm 3 për qind e studentëve të anketuar kanë thënë shprehimisht se kanë reaguar në një farë mënyre ndaj korrupsionit në universitet. Shumica e të anketuarve – 59 për qind – kanë thënë se nuk ka zyrë të posaçme për raportimin e korrupsionit, ndërsa 38 për qind kanë thënë se nuk e dinë nëse ka një zyrë të tillë në institucionin e tyre.
Kur bëhet fjalë për format më të përshtatshme për raportimin e korrupsionit, studentët kryesisht (42 përqind) preferojnë një formular raportimi online.
Kur u pyetën pse nuk raportohet korrupsioni, një e treta e të anketuarve në Maqedoninë e Veriut përmendën pasojat për ata që raportojnë.
Rezultatet e hulumtimit u prezantuan në Tryezën “Universitetet pa korrupsion në Shqipëri, S. Maqedonia dhe Serbia” që u zhvillua dje në organizimin e ISIE. Përveç në vend, ky lloj kërkimi është kryer edhe në universitetet publike në Shqipëri dhe Serbi.
Projekti, meqë ra fjala, mbështetet nga një grant rajonal i SMART BALKANS – Shoqëria Civile për Ballkanin Perëndimor të Lidhur, një projekt rajonal i zbatuar nga Qendra për Promovimin e Shoqërisë Civile (BiH), Qendra për Kërkim dhe Politikëbërje ( Maqedonia e Veriut), Instituti për Demokraci dhe Ndërmjetësim (Shqipëri) dhe i mbështetur financiarisht nga Ministria e Punëve të Jashtme Norvegjeze./meta.mk/
Kryeministri i Maqedonisë së Veriut, Hristijan Mickoski, së bashku me kryetarin e Komunës së Tetovës, Bilall Kasami, vizituan sot punimet për rikonstruksionin e shkollës “Kirill Pejçinoviq”, si dhe disa aktivitete ndërtimore në lagjen “Ajduçko Maalo” në Tetovë.
Mickoski theksoi rëndësinë e bashkëpunimit për zhvillimin lokal, duke shtuar: “Le të punojmë për përparimin e Tetovës, për lagjen tënde, për të ardhmen tonë të përbashkët.”
Lajme nga vendi
Mexhiti: Çairi do të ketë Qendrën Rinore, shtëpinë e ideve dhe inovacionit të të rinjve
Kandidati i koalicionit VLEN për kryetar të Komunës së Çairit, Izet Mexhiti dhe kandidati për këshilltar komunal, Ariton Rama kanë prezantuar sot një nga prioritetet kryesore të programit zgjedhor, ndërtimin e Qendrës Rinore, projekt që synon t’u japë të rinjve hapësirën e munguar për zhvillim, krijimtari dhe inovacion.
“Kam kënaqësinë të prezantoj një nga projektet më të rëndësishme dhe më të dashura për mua personalisht, pra një projekt që përfaqëson vizionin tim për një Çair modern, përparimtar dhe të orientuar drejt së ardhmes: Qendra Rinore e Çairit. Çairi ka pasuri të pashtershme rinore, të reja dhe të rinj të talentuar, me potencial të jashtëzakonshëm, që meritojnë më shumë se fjalë: meritojnë mundësi, mbështetje dhe hapësirë për zhvillim. Andaj, ndërtimi i Qendrës Rinore do të jetë një prioritet absolut i mandatit tim si kryetar komune. Ky nuk është vetëm një objekt fizik, por një platformë ku rinia jonë do të mund të mësojë, krijojë, shprehë veten dhe të ndërtojë të ardhmen në mënyrë aktive”, deklaroi Mexhiti.
Kandidati për këshilltar komunal, Ariton Rama në deklaratën e tij përshkroi detajet e pjesëve përbërëse të këtij objekti.
“Qendra Rinore do të jetë e ndërtuar në katër nivele funksionale:
– Bibliotekë dhe sallë ligjëratash për dije, hulumtim dhe ngjarje kulturore.
– Qendër Digjitale me laborator të inteligjencës artificiale, trajnime falas në programim e shkrim-lexim digjital, si dhe hapësirë për start-up-e dhe mentorim rinor.
– Akademi STEM që do të afrojë trajnime në teknologji, shkencë, art dhe matematikë.
– Hapësira për teatër, këshillim dhe aktivitete kreative ku të rinjtë do të shprehen lirshëm dhe pa barriera”.
Mexhiti dhe Rama potencuan se me këtë projekt garantojnë se Çairi do të bëhet qendër e inovacionit, arsimit dhe kreativitetit rinor. Të rinjtë do të kenë vendin ku do të mësojnë, do të zhvillohen dhe do të ndërtojnë të ardhmen e tyre.
Osmani premton revitalizimin e fushave dhe sallave sportive
Ndalohen dy të arratisur nga burgu, MPB: Tentuan të ikin nga patrulla policore
Marrëveshja e Ohrit si kartë politike – Midis rrënimit të besueshmërisë dhe retorikës elektorale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 months agoTRAGJEDI familjare në SHBA : 34 vjeçarja vret burrin dhe dy fëmijë, më pas veten
-
Lajme nga rajoni1 month agoLëshohet për qarkullim ura e re mbi lumin Ibër
-
Lajme nga bota2 months agoTakimi Zelensky-Trump në Berlin, dhoma e Kancelarisë gjermane ku askush s’mund të përgjojë