Lajme nga vendi
Neglizhenca e institucioneve hap dyert për ikjen e kriminelëve nga burgu
Policia maqedonase është në kërkim të më shumë se 400 personave, të cilët kanë arritur t’i ikin ballafaqimit me drejtësinë. Disa prej tyre janë arratisur nga burgu, përderisa të tjerë kanë qenë të pakapshëm për organet e drejtësisë që në fillimin të zhvillimit të proceseve gjyqësore ndaj tyre.
Për 103 persona të arratisur, policia maqedonase ka lëshuar fletarrestime ndërkombëtare. Më shumë se gjysma e tyre, gjithsej 57, janë lëshuar gjatë pesë vjetëve të fundit.
Gjykata Themelore Penale në Shkup bën të ditur për Radion Evropa e Lirë se aktualisht aktive janë 368 urdhër-arreste, për personat që duhet të vuajnë burgun ose ata që duhet të paraqiten në baza ditore, pasi janë të liruar me kusht, por një gjë të tillë nuk e kanë bërë.
Kush ua mundëson kriminelëve t’i shpëtojnë drejtësisë?
Ekspertët e sigurisë thonë se neglizhenca e institucioneve të shtetit është ajo që ua mundëson kriminelëve të mos ballafaqohen me organet e drejtësisë.
Stefan Buxhakoski, ligjërues i Shkencave të Sigurisë thotë për Radion Evropa e Lirë se korrupsioni u mundëson kriminelëve të mos vuajnë dënimin me burg.
“Si rrjedhojë e mosfunksionimit të sistemit juridik, drejtësisë, arrijnë të ikin personat që janë të dënuar apo që për ta është ngritur procedurë gjyqësore. Hise të theksuar këtu ka prezenca e korrupsionit në gjykata, prokurori… Më duhet të theksoj se sistemi juridik i Maqedonisë (së Veriut) është i mirë, por problem paraqet jetësimi në praktikë i tij. Problemi qëndron tek ata që e administrojnë drejtësinë”, thotë Buxhakoski.
Sipas tij, ata që duhet të vendosin drejtësinë jo rrallë herë janë nën presionin e strukturave të caktuara kriminale, ose nën ndikimin e strukturave të caktuara politike, duke bërë që sistemi gjyqësor të jetë jofunksional.
Ace Ciganot
Në mesin e atyre që policia maqedonase e kërkon për më shumë se 25 vjet, është Aco Bocesvki i njohur si “Ace Ciganot” nga Shkupi. Për këtë person, Ministria e Punëve të Brendshme në faqen e saj zyrtare ka lëshuar fletarrestim ndërkombëtar për vrasjen e biznesmenit shqiptar Sead Ibrahimi, nga Draçeva e Shkupit.
Aco Bocesvki nëse nuk mund të vihet para drejtësisë për pesë vjet, lënda për të cilën akuzohet, vjetrohet.
Ish-kryeministri Nikolla Gruevski ndodhet në Hungari
Fletarrestim ndërkombëtar është lëshuar edhe për kryeministrin e Maqedonisë së Veriut, Nikolla Gruevski, i cili akuzohet për vepra të rënda nga Prokuroria Speciale Publike për abuzime të mëdha financiare dhe keqpërdorim të detyrës zyrtare.
Ai ka arritur që në mënyrë të “kontrabanduar” të largohet nga Maqedonia dhe të strehohet në Hungari, shtet ky ku ka marrë statusin e azilit.
Dy zyrtarë të shërbimeve sekrete ndodhen në Greqi
Të paqasshëm për organet e drejtësisë janë dhe dy ish-zyrtarët e lartë të policisë sekrete. Ata akuzohen për shkatërrimin e pajisjeve, me të cilat në mënyrë të paligjshme ishin përgjuar mijëra zyrtarë, biznesmenë dhe qytetarët të vendit, Nikolla Boshkovski dhe Goran Grujevski, të cilët janë arratisur në Greqi.
Ndërkaq para tre vjetësh autoritetet kosovare refuzuan ekstradimin e dy të akuzuarve për rastin “Monstra”, Alil Demiri dhe Afrim Ismailoviq.
Proceset e ekstradimit jo rrallë ndikohen nga politika
Qebir Avziu, ish-zyrtar i lartë në dikasterin e policisë, aktualisht ligjërues në Fakultetin Juridik në Universitetin e Tetovës, thotë për Radion Evropa e Lirë se është evidente që vendimet e gjyqësorit, por edhe proceset e ekstradimit, të jenë ndikuara nga politika.
“Sa u përket personave që gjenden jashtë Maqedonisë së Veriut, shtet ku gjenden këto persona, kanë interesa të ndryshme por këtu kryesisht është interesi politik, diku dhe ai financiar se pse nuk bëhet ekstradimi i tyre. Ekstradimi është procedurë e ndërlikuar që nuk varet vetëm nga vendimi gjyqësor, por varet dhe nga vendimi i Qeverisë, respektivisht i Ministrisë së Punëve të Jashtme dhe Ministrisë së Drejtësisë”.
“Kështu që, numri më i madh i këtyre personave ndodhen jashtë Maqedonisë së Veriut – në vende të caktuara të Evropës, gjegjësisht botës – e këtu bën pjesë dhe rasti ish-kryeministrit Nikolla Gruevski, ku për arsye politike nuk bëhet ekstradimi i tij. Jo se ky person është i pakapshëm për organet e drejtësisë në vendin ku po qëndron, por ai nuk arrestohet dhe ekstradohet për shkaqe politike. Ngjashëm është situata dhe me shumë persona të tjerë”, thekson Avziu, ish-zyrtar i lartë në Ministrinë e Punëve të Brendshme.
Njohësit e çështjeve juridike theksojnë se sfidë më vete mbetet vjetërsimi lëndëve për personat që kanë arritur t’i shmangen vuajtjes së dënimit me burgim. Kjo pasi për dënimin me burgim të përjetshëm, dënimi vjetërsohet pas 30 vjetësh, përkatësisht nëse i dënuari ka qenë në arrati për 30 vjet.
Për dënimin me 10 vjet burgim, afati i vjetërsimit të vuajtjes së dënimit skadon pas 20 vjetësh. Dënimi me burgim deri në një vit ose gjobë, vjetërsohet pas dy vjetësh./REL
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
