Lajme nga vendi
Katër nisma për vlerësimin e kushtetutshmërisë dhe ligjshmërisë në një seancë të Gjykatës Kushtetuese
Në rendin e ditës të seancës së 29-të të sotme të Gjykatës Kushtetuese janë katër nisma për vlerësimin e kushtetutshmërisë dhe ligjshmërisë.
Gjyqtarët kushtetues do të vendosin për nismën me të cilën kundërshtohet neni 128 paragrafi 4 i Ligjit për procedurën jashtë kontestimore. Në nismë, ndër të tjera, thuhet se neni i kontestuar është në kundërshtim me nenin 30 të Kushtetutës, me të cilin garantohet e drejta e pronës dhe trashëgimisë, dhe konsiderohet se me zbatimin e dispozitës së kontestuar mundësohet manipulimi me pronat e qytetarëve dhe kapitali kalon në dispozicion të individëve që nuk i kanë ato të drejta.
Në rend dite është edhe nisma me të cilën kontestohet Ligji për përcaktimin e interesit publik dhe emërimin e partnerit strategjik për implementimin e projektit për ndërtimin e korridorit infrastrukturor 8, seksioni Tetovë-Gostivar-Bukoçan dhe Trebenishtë-Strugë-Qafthanë dhe korridorit 10 seksioni Prilep-Manastir.
Sipas kërkuesit të nismës, Janko Baçev, kryetar i Maqedonisë së vetme, emërimi i një subjekti nga ligjvënësi paraqet kufizim të subjekteve për performancë të lirë në treg dhe ndërmarrësi si themele kyçe të sistemit ekonomik të përcaktuara me Kushtetutë. Sipas pretendimeve, ligji i kontestuar bie ndesh me sundimin e ligjit, lirinë e tregut dhe sipërmarrjen, dispozita të parashikuara në Kushtetutë.
Para gjykatësve kushtetues do të gjendet edhe nisma me të cilën kontestohet: Pjesa “për nëpunësit civilë” nga neni 142 paragrafi 1 i Ligjit për barnat dhe pajisjet mjekësore dhe neni 2 i Ligjit për ndryshimin dhe plotësimin e Ligjit për barnat dhe pajisjet mjekësore, si dhe iniciativa për nenin 28 dhe plotësimin e Ligjit për barnat dhe mjetet mjekësore.
Kryeministri i Maqedonisë së Veriut, Hristijan Mickoski, së bashku me kryetarin e Komunës së Tetovës, Bilall Kasami, vizituan sot punimet për rikonstruksionin e shkollës “Kirill Pejçinoviq”, si dhe disa aktivitete ndërtimore në lagjen “Ajduçko Maalo” në Tetovë.
Mickoski theksoi rëndësinë e bashkëpunimit për zhvillimin lokal, duke shtuar: “Le të punojmë për përparimin e Tetovës, për lagjen tënde, për të ardhmen tonë të përbashkët.”
Lajme nga vendi
Mexhiti: Çairi do të ketë Qendrën Rinore, shtëpinë e ideve dhe inovacionit të të rinjve
Kandidati i koalicionit VLEN për kryetar të Komunës së Çairit, Izet Mexhiti dhe kandidati për këshilltar komunal, Ariton Rama kanë prezantuar sot një nga prioritetet kryesore të programit zgjedhor, ndërtimin e Qendrës Rinore, projekt që synon t’u japë të rinjve hapësirën e munguar për zhvillim, krijimtari dhe inovacion.
“Kam kënaqësinë të prezantoj një nga projektet më të rëndësishme dhe më të dashura për mua personalisht, pra një projekt që përfaqëson vizionin tim për një Çair modern, përparimtar dhe të orientuar drejt së ardhmes: Qendra Rinore e Çairit. Çairi ka pasuri të pashtershme rinore, të reja dhe të rinj të talentuar, me potencial të jashtëzakonshëm, që meritojnë më shumë se fjalë: meritojnë mundësi, mbështetje dhe hapësirë për zhvillim. Andaj, ndërtimi i Qendrës Rinore do të jetë një prioritet absolut i mandatit tim si kryetar komune. Ky nuk është vetëm një objekt fizik, por një platformë ku rinia jonë do të mund të mësojë, krijojë, shprehë veten dhe të ndërtojë të ardhmen në mënyrë aktive”, deklaroi Mexhiti.
Kandidati për këshilltar komunal, Ariton Rama në deklaratën e tij përshkroi detajet e pjesëve përbërëse të këtij objekti.
“Qendra Rinore do të jetë e ndërtuar në katër nivele funksionale:
– Bibliotekë dhe sallë ligjëratash për dije, hulumtim dhe ngjarje kulturore.
– Qendër Digjitale me laborator të inteligjencës artificiale, trajnime falas në programim e shkrim-lexim digjital, si dhe hapësirë për start-up-e dhe mentorim rinor.
– Akademi STEM që do të afrojë trajnime në teknologji, shkencë, art dhe matematikë.
– Hapësira për teatër, këshillim dhe aktivitete kreative ku të rinjtë do të shprehen lirshëm dhe pa barriera”.
Mexhiti dhe Rama potencuan se me këtë projekt garantojnë se Çairi do të bëhet qendër e inovacionit, arsimit dhe kreativitetit rinor. Të rinjtë do të kenë vendin ku do të mësojnë, do të zhvillohen dhe do të ndërtojnë të ardhmen e tyre.
Zgjedhjet lokale / Mexhiti: Dy bulevarde të reja në Çair
Ademi shpalosi prioritetet për Gostivarin
Zgjedhjet lokale, Ivanovska: Do të bëjë përpjekjet që banorëve të Qendrës t’u ofrojë një jetë me dinjitet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoLëshohet për qarkullim ura e re mbi lumin Ibër
-
Lajme nga bota2 months agoTRAGJEDI familjare në SHBA : 34 vjeçarja vret burrin dhe dy fëmijë, më pas veten
-
Lajme nga bota2 months agoTakimi Zelensky-Trump në Berlin, dhoma e Kancelarisë gjermane ku askush s’mund të përgjojë