Qeveria tha sot se e ka miratuar planin për energji dhe klimë për periudhën 2025-2030 me të cilin ajo synon që të ndërmarrë gjithsejtë 61 masa, në të cilan përfshihen edhe projekte për prodhim rryme elektrike nga burimet e ripërtrishme.

“Qeveria miratoi Planin Kombëtar të Integruar për Energjinë dhe Klimën 2025–2030 – një dokument strategjik që e vendos vendin në një rrugë të qartë drejt transformimit të energjisë, zhvillimit të qëndrueshëm dhe përafrimit të plotë me politikat evropiane,” tha ministria e energjisë sot.

Sipas ministries, plani mbulon: 26 masa dekarbonizimi; 20 për efikasitetin e energjisë; 3 për sigurinë energjetike; 11 mbi tregun e brendshëm të energjisë dhe 1 për kërkim, inovacion dhe konkurrueshmëri.
“Fokusi është i qartë – ulja e emetimeve të gazrave serrë, rritja e burimeve të energjisë së rinovueshme dhe përmirësimi i ndjeshëm i efikasitetit të energjisë,” tha kjo ministri në një komunikatë.

Sipas ministrisë, qeveria do të ndërmarrë “hapa konkretë për të rritur investimet në energjinë diellore, të erës dhe hidroenergjinë; për të futur një sistem çmimesh të karbonit në përputhje me standardet evropiane; për të zhvilluar ruajtjen e energjisë dhe infrastrukturën moderne të energjisë; si dhe për të braktisur gradualisht qymyrin si burim energjie.”

Me zbatimin e planit të miratuar sot, ministria thotë se synohet për një „përmirësim të ndjeshëm të cilësisë së mjedisit; stabilitet dhe pavarësi më të madhe energjetike; një cikël të ri investimesh në sektorin e energjisë; një tranzicion të përshpejtuar të gjelbër dhe zhvillim ekonomik.“

Advertisement

Gjykata Themelore Penale në Shkup ka publikuar informacione zyrtare mbi statusin e proceseve gjyqësore dhe dënimeve me burg për ish-kryeministrin Nikola Gruevski, të lidhura me rastet e ish-Prokurorisë Speciale Publike. Nga Gjykata konfirmojnë se një nga dënimet tashmë është vjetëruar, por theksojnë se ndaj Gruevskit vazhdojnë të jenë aktive fletarrestime dhe procese gjyqësore.

Gjykata Penale njofton se dënimi me burg prej dy vitesh për rastin “Tank” zyrtarisht është vjetëruar. Në këtë rast, Gruevski ishte dënuar për veprën penale “marrje shpërblimi për ndikim të kundërligjshëm”, ndërsa aktgjykimi u bë i plotfuqishëm më 4 tetor 2018.

Sipas afateve ligjore, vjetërimi absolut për ekzekutimin e dënimit ka ndodhur më 4 tetor 2024, pas së cilës Gjykata, me detyrë zyrtare, ka marrë vendim për vjetërimin e tij.

Pavarësisht kësaj, Nikola Gruevski vazhdon të përballet me pasoja serioze juridike. Aktualisht janë aktive dy fletarreste ndërkombëtare për vuajtjen e dënimeve me burg:

-Për rastin “Dhuna në Qendër” i është shqiptuar dënim me burg prej 1 viti e 6 muajsh, me afat vjetërimi deri më 10 shtator 2027.

Advertisement

-Për rastin “Parcelat në Vodno” është dënuar me 9 vite burg, me afat vjetërimi deri më 14 shkurt 2043.

Përveç kësaj, për të njëjtin rast është shqiptuar edhe një gjobë që nuk është paguar, ndaj është zëvendësuar me dënim shtesë me burg prej 180 ditësh, i cili vjetërohet në shkurt 2027.

Nga Gjykata Themelore Penale në Shkup bëjnë të ditur se, përveç vendimeve të formës së prerë, ndaj Gruevskit po zhvillohen edhe procese të tjera gjyqësore në mungesë, pasi ai nuk është i kapshëm për organet e ndjekjes.

Bëhet fjalë për rastet e njohura në opinion si “Titanik” dhe “Talir 2”, të cilat vazhdojnë ende.

Me këto informacione, Gjykata konfirmon se, megjithëse disa raste janë mbyllur për shkak të vjetërimit, beteja ligjore për Nikola Gruevskin vazhdon përmes proceseve dhe fletarresteve aktive.

Advertisement

Kryetari i Kuvendit të Maqedonisë së Veriut, Afrim Gashi, ka theksuar rëndësinë e diasporës dhe nevojën për forcimin e lidhjeve me qytetarët që jetojnë jashtë vendit.

Në fjalën e mbajtur në Samitin e IV të Diasporës, Gashi e cilësoi diasporën si një pjesë të pandashme të identitetit, duke u shprehur shpresëplotë për rikthimin dhe rilidhjen e shqiptarëve që kanë emigruar ndër vite.

Ai ngriti shqetësimin për shkaqet e shpërnguljes së qytetarëve, duke theksuar se emigrimi nga rajoni ka ndodhur për arsye të ndryshme. Sipas tij, në Kosovë faktorët kryesorë ka qenë lufta, ndërsa në Shqipëri dhe Maqedoninë e Veriut kanë dominuar faktorët ekonomikë dhe institucionalë.

“Mërgata është diçka që e ndjej më të afërt dhe shpresoj të kthejmë lidhjet tona me këtë pjesë që ka ikur jashtë vendit e shpresojmë të kthehen sa më shpejt. Si ta bëjmë rilidhjen dhe rikthimin e qytetarëve tanë të cilët me gjeneratat të tëra kanë braktisur vendin e tyre dhe jetojnë jashtë atdheut. Në analizën time, më del se shpërngulja nga shteti shqiptar ka ndodhur pas viteve ’90 për arsye ekonomike. Në Kosovë ka një kombinim faktorësh ku dominon faktori politik ai i shpërnguljes së dhunshme që fillon në regjimin e Millosheviçit, ndërsa te shqiptarët e Maqedonisë është kombinim faktorësh ekonomik dhe politik e institucional”, deklaroi ai.

Afrim Gashi theksoi se pa analizuar arsyet e ndryshme të emigrimit, nuk mund të krijohen politika efektive për të nxitur kthimin e qytetarëve dhe për të ndalur largimin e tyre.

Advertisement

Ai shtoi se qëllimi kryesor duhet të jetë krijimi i kushteve që qytetarët të jetojnë dhe punojnë në vendin e tyre, duke e kthyer diasporën në një faktor zhvillimi dhe rikthimi.

Gashi nënvizoi gjithashtu nevojën për bashkëpunim institucional për të adresuar sfidat demografike dhe për të ndërtuar politika që vendosin në qendër njeriun dhe mirëqenien e tij.

“Pa parë diversitetin e arsyeve të mërgimit, s’mund të arrijmë te qëllimi për krjimin e kusheteve në shtetet tona që qytetarët të jetojnë në vendin e tyre dhe diaspora të kthehet në vendlindje. Ta kthejmë procesin demografik ku duhet. Nëse duam të kemi emërues të përbashkët të politikave përse ekziston ky pluralitet i politikave, mund të konstatojmë se synimi ynë është njeriu”, theksoi Gashi.