Dje, në orën 08:50, në rrugën rajonale Shkup – Tetovë, tek kryqëzimi për fshatin Grupçin, zyrtarët policorë kanë privuar nga liria një 26-vjeçar nga fshati Cerovë. Ai është kapur duke drejtuar automjetin e udhëtarëve „Ford“ me targa të Tetovës pa leje drejtimi. Automjeti është konfiskuar përkohësisht.

Gjithashtu, sot në orën 03:30 të mëngjesit, zyrtarët policorë nga Stacioni Policor për Sigurinë në Komunikacionin Rrugor Gostivar kanë privuar nga liria një 57-vjeçar nga fshati Banjicë e Poshtme. Ai drejtonte automjetin „Renault“ me targa të Gostivarit pa leje drejtimi. Ndaj të dy personave do të ngrihen padi sipas nenit 297-a të Kodit Penal për „drejtim të pakujdesshëm të automjetit motorik“.
…..
Sot pas mesnate në orën 00:55, në rrugën „113“ në Tetovë, zyrtarët policorë nga SPB Tetovë kanë privuar nga liria një 32-vjeçar nga Tetova. Gjatë kontrollit, tek ai është gjetur një lëndë pluhur i bardhë. Ai është ndaluar në stacionin policor për procedurë të mëtejshme.
……..
Dje në SPB Tetovë, mkë 38-vjeçar nga Shkupi, punonjës në një firmë nga fshati Vrapçishtë, ka denoncuar një mashtrim kompjuterik ndaj subjektit juridik. Gjegjësisht, gjatë porosisë së mallrave nga një firmë e huaj, përmes ndërhyrjes në komunikimin elektronik, të dëmtuarit janë vënë në lajthitje nga kryerës të panjohur për të transferuar 13.572 euro në një llogari bankare të rreme. Po ndërmerren masa për zbardhjen e rastit.

…….Dje dhe sot, janë kryer kontrolle aksion në një objekt hotelerik në fshatin Debresh të Gostivarit. Gjatë kontrollit është ndaluar një 43-vjeçare shtetase e Shqipërisë, për shkak të keqpërdorimit të qëndrimit turistik.
Në të njëjtën kohë, në Tetovë është kryer kontroll në tre objekte pranë një shkolle të mesme, ku janë konstatuar shkelje të Ligjit për pirjen e duhanit. Tek një i mitur nga fshati Çiflik është gjetur një shufër metalike, e cila është konfiskuar, ndërsa me të, në prani të prindit, është zhvilluar bisedë zyrtare.
……
Sot pas mesnate në orën 01:21, një 29-vjeçar nga fshati Bërvenicë ka denoncuar se në rrugën „Dubrava“ është sulmuar fizikisht. Po ndërmerren masa për zbardhjen e rastit.
……
Dje në orën 20:45, një 48-vjeçar nga Tetova ka denoncuar se djali i tij i mitur është sulmuar fizikisht nga disa bashkënxënës në oborrin e një shkolle të mesme në Tetovë. Sipas denoncimit, i mituri është sulmuar me sende të forta, me ç’rast pas sulmit i është dhënë ndihmë mjekësore në Spitalin Klinik të Tetovës. Po ndërmerren masa për identifikimin e të gjithë të përfshirëve në incident dhe zbardhjen e plotë të rastit.
……
Dje në orën 21:26, në SPB Tetovë një grua 31-vjeçare nga Tetova ka denoncuar se në shtëpinë e tyre familjare është sulmuar fizikisht nga bashkëshorti i saj 31-vjeçar. Menjëherë pas kësaj, 31-vjeçari është privuar nga liria dhe është ndaluar në stacionin policor, dhe pas dokumentimit të rastit do të vijojë parashtresa përkatëse.

Qeveria po përgatit një ndërhyrje në çmimet e karburanteve, në përpjekje për të zbutur presionin e ri të çmimeve në treg. Ulja e akcizave për naftën dhe benzinën tashmë janë në tavolinë, ndërsa vendimi pritet të merret në mbledhjen e nesërme të jashtëzakonshme të Qeverisë.

Kryeministri Hristijan Mickoski paralajmëroi se në seancën e nesërme të jashtëzakonshme të Qeverisë do të korigjohen akcizat për karburantet kurse do të diskutohen edhe masat e tjera anti-krizë.

Sipas kalkulimeve të Qeverisë pas mbylljes së bursës të enjten për shkak të Festës së Pashkëve, pa këtë masë, dizeli duhet të shtrenjtohet për rreth 7 denarë, kurse benzina deri 2 denarë.

“Me ndryshimin e akcizave supozoj se cmimi I dizelit, të hënën do të korigjohet për rreth 3 den. Duke marrë parasysh se po skadon lirimi I OKTA-s prej 3 den për dizelin do t`i ripërtrijmë negociatat nëse do të vazhdojë lirimi. Nëse vazhdohet më tej nuk do të ketë rritje të cmimit të dizelit nga cmimi maksimal që konsntohet nga KRRE-ja. Për benzinat do të thotë se lirohen rreth 1.5 den dhe nëse OKTA vazhdon lirimin sërish do të kemi ulje prej 2.5 den për benzinat”

Konkretisht, nafta pritet të rritet minimalisht – rreth 3 denarë, në vend të një rritjeje më të madhe, ndërsa për benzinën pritet një ulje e lehtë.

Advertisement

Megjithatë, kjo masë do të ketë efekt financiar mbi buxhetin e shtetit. Ulja e akcizave do të nënkuptojë humbje prej dhjetëra milionë eurosh, por kryeministri siguron se mjetet janë të garantuara falë, siç thotë ai, “menaxhimit të kujdesshëm të financave publike”.

Përveç kësaj, është paralajmëruar edhe vazhdimi i masës për TVSH të reduktuar për karburantet në nivelin 10%, e cila do të mbetet në fuqi edhe për të paktën dy javë të tjera.

Duke pasur parasysh paqëndrueshmërinë e tregjeve globale të energjisë, është e qartë se ndërhyrjet do të mbeten pjesë e politikave ekonomike edhe në periudhën në vijim, me qëllim mbajtjen nën kontroll të çmimeve dhe mbrojtjen e standardit të qytetarëve.

Republika e Maqedonisë ende përballet me nevojën e një Regjistri Kombëtar i cili në mënyrë më të saktë do t`i ndjek nevojat e personave me autizëm, nga fëmijëria e hershme e deri në pjekuri. Ky ka qenë mesazhi nga Instituti për Shëndet Publik me rastin e Ditës Botërore për ngritjen e vetëdijes për Autizmin, I cili shënohet me 2 Prill. Në pesë vitet e fundit në Maqedoni, sikurse edhe në botë, vërrehet trendi i rritjes së numrit të rasteve të diagnostifikuara me Autizëm.

ISHP-ja thotë se sipas vlerësimeve, në Maqedoninë e Veriut, janë të regjistruar rreth 1.000 deri 1.500 fëmijë me diagnozën zyrtare (F84.0) të autizmit, por supozohet se numri është shumë më i madh, duke marrë parasysh se shumë raste mbeten të pa diagnostifikuara ose evidentohen nën kategori tjera me pengesa në zhvillim.

E ftuar në emisionin “Pas Dite” në Tv Koha, specialistja e Logopedisë Ajshe Beqiri – Mehmedi, thotë se intervenimi i hershëm tek fëmijtë ka dhënë rezultate pozitive dhe më të shpejta.

“Mos ta lëmë fëmijën që të jetojë në botën e tij, por thjesht ta largojmë prej botës së tij dhe ta inkuadrojmë në ambientet ku është. Intervenimi i hershëm ka dhënë rezultate pozitive dhe I shohim fëmoijët që kanë qenë të kyçur në intervenimet e hershme terapeutike dhe këshillimore, mundet që ndonjë fëmijë ta tejkalon, kemi rezultate pozitive sa që mund të themi se fëmijtë I kanë eliminuar të gjitha simptomat e spketrit të autizmit dhe që e kanë të menaxhuar jetën”

Specialistja e Logopedisë, Ajshe Beqiri – Mehmedi, ka edhe një thirrje për prindërit. Nga mosha 0 deri në 3 vjeç, fëmijtë të jenë sa më larg ekraneve dhe celularëve.

Advertisement

“E rëndësishme është për prindërit, ju kisha sygjeruar, tanimë duke e parë se është aktuale dhe problematike ky fenomen negativ, është që t`i largojnë fëmijët prej ekraneve, që ndoshta qëndrojnë më gjatë se sa që është e paraparë, ndërsa prej moshës 0 – 3 vjeç, fëmija fare nuk duhet të qëndrojë para ekranit, ta kenë parasysh këtë”

Autizmi paraqet situatë të ndërlikuar të zhvillimit neurologjik që zakonisht paraqitet në fëmijërinë e hershme dhe zgjat gjatë gjithë jetës. Kjo ndikon në mënyrën se si një person komunikon dhe hynë në interaksion me njerëzit tjerë dhe botën përreth tij.

Sipas vlerësimeve të Shoqatës Shkencore për Autizëm, në Maqedoni jetojnë rreth 20.000 persona me spektër autistik.

Edhe pse numri i saktë mbetet i panjohur për shkak të evidencës sistematike, është fakt se bëhet fjalë për një nga situatat më të shpeshta por edhe më të keqkuptuara të zhvillimet neurogjik të fëmijëve. TV KOHA

Advertisement