Lajme nga vendi
Shaqiri: Rezultatet paraprake do të jenë më së voni më 8 korrik
Ministri i Arsimit dhe Shkencës, Jeton Shaqiri, ka vizituar sot shkollën e mesme “Niko Nestor” në Strugë, ku ka filluar pjesa e parë e provimit të maturës për vitin akademik 2023/24. Vizita vjen në kuadër të mbikëqyrjes së zhvillimit të provimeve të maturës shtetërore, të cilat janë pjesë kyçe e përfundimit të arsimit të mesëm dhe një kriter për vazhdimin e studimeve të larta.
Gjatë fjalës së tij, Ministri Shaqiri uroi nxënësit për përfundimin e suksesshëm të arsimit të tyre dhe u shpreh se procesi i provimeve është organizuar me përkujdesje të madhe. Ai theksoi se provimi përmban dy lëndë të jashtme, dy të brendshme dhe një detyrë projekti, ku gjuha amtare mbetet e detyrueshme për të gjithë. Provimet do të vazhdojnë deri më 8 qershor, dhe rezultatet paraprake pritet të jenë në dispozicion më 8 korrik.
“Synimi është të sigurohet transparencë dhe objektivitet më i madh i procesit. Ata që janë të përfshirë si vëzhgues dhe testues në provimin e maturës shtetërore, në këtë mënyrë e kanë më të lehtë kontrollin dhe pasqyrimin e sjelljes së nxënësve gjatë provimit dhe praktikisht presim që të eliminohen tentativat për të manipuluar dhe keqpërdorur metoda apo ndihma të caktuara gjatë plotësimit të provimit teste”, tha ai.
Përgjegjësit për rrjedhën e provimeve përfshijnë rreth dy mijë mësues dhe 250 vëzhgues, të cilët do të sigurojnë që procesi të zhvillohet në mënyrë të rregullt dhe pa incidente.
“Edhe një herë ju uroj lumturi dhe suksese të gjithë nxënësve në diplomim, por edhe suksese në realizimin e mëtejshëm të synimeve arsimore dhe jetësore që kanë vendosur dhe sigurisht që të jetë brenda kufijve të vendit tonë, sepse këtu i përkasin dhe janë e ardhmja nga e cila të gjithë kemi pritshmëri të mëdha”, ka thënë ministri Shaqiri.
Lajme nga vendi
Bilall Kasami sot zyrtarisht shpall kandidaturën për mandatin e dytë në Komunën e Tetovës
Sot, kryesia qendrore e koalicionit VLEN mbajti mbledhjen e radhës, ku ndër temat kryesore ishte diskutimi për përgatitjet për zgjedhjet e ardhshme lokale, raporton SHENJA.
Në një konferencë për shtyp nga VLEN theksojnë se prioritet mbetet përzgjedhja e kandidatëve më të pranuar për qytetarët, duke u përqendruar në figura që do të jenë në funksion të interesave lokale dhe zhvillimit komunal.
Pas diskutimeve, kryesia ka miratuar listën e mëposhtme të kandidatëve për kryetarë komunash:
Tetovë: Bilall Kasami
Çair: Izet Mexhiti
Strugë: Mendi Qyra (kandidat i pavarur)
Kërçovë: Fatmir Limani
Dibër: Fisnik Mela
Shkup: Bashkim Bakiu
Saraj: Muhamed Elmazi
Likovë: Nexhmedin Sadiku
Haraçinë: Daut Beqiri
Zhelinë: Blerim Sejdiu
Tearcë: Daut Memishi
Bogovinë: Feti Abazi
Bërvenicë: Haqim Ramadani
Dollnen: Blerim Islami
Nga VLEN gjithashtu është bërë e ditur se ende nuk ka një vendim përfundimtar për kandidaturat në komunat e Gostivarit, Vrapçishtit, Studeniçanit dhe Çashkës, ndërsa vendimet për këto pritet të merren në ditët në vijim.
Lajme nga vendi
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Adoleshenti që u lëndua gjatë aksidentit të djeshëm është në gjendje të qëndrueshme dhe po trajtohet në shtëpi. Trupat e tre viktimave janë dërguar në Institutin e Mjekësisë Ligjore dhe pas autopsisë do t’i dorëzohen familjarëve për varrim, bëjnë të ditur nga Spitali i Tetovës.
Aksidenti i djeshëm ndodhi si pasojë e humbjes së kontrollit nga drejtuesi i mjetit Opel Astra, njoftojnë nga Sektori për Punë të Brendshme i Tetovës. Informacione shtesë për shkaqet që çuan në humbjen e kontrollit priten nga mjekësia ligjore dhe prokuroria. Por sipas të dhënave fillestare, nga ajo që shihet në video-incizimet e kamerave të sigurisë, dyshohet se drejtuesi mund të ketë pësuar sulm në zemër.
Nga SPB Tetovë thonë se që nga fillimi i vitit 2025, në rajonin që mbulohet prej tyre, nga aksidentet rrugore kanë humbur jetën tetë persona. Po aq viktima ka pasur edhe gjatë vitit 2024.
Bilall Kasami sot zyrtarisht shpall kandidaturën për mandatin e dytë në Komunën e Tetovës
VLEN publikon listën e kandidatëve për zgjedhjet lokale
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve