Lajme nga vendi
Mësimi shqip në Çashkë në pikëpyetje, s’janë respektuar procedurat
Zbatimi i mësimit shqip në shkollën fillore “Todor Janev” në Çashkë mbetet në pikëpyetje.
Ministrja e Arsimit, Vesna Janevska tha se janë bërë shkelje të shumta rreth kësaj çështje madje duke shtuar se në Ministrinë e Arsimit nuk ka asnjë dokument rreth procedurave.
Janevska tha se fëmijët do të mësojnë shqip në momentin që do të krijohen kushte e duhura.
“Drejtoresha në atë kohë ka bërë shumë shkelje dhe prej aty është arritur një lloj marrëveshje për të cilën nuk ka asnjë dokument në Ministrinë e Arsimit, prandaj tani po kërkojmë nga Komuna që të shihet se çfarë ka ndodhur në marrëveshje të nënshkruar nga ministri, përfaqësues nga prindërit dhe më duket edhe nga kryetari i Komunës. Nuk dua të ketë asnjë dilemë dhe këtë e them haptas, të drejtat e të gjithë qytetarëve në këtë vend do të respektohen me ligj. Se cilat do të jenë implikimet fiskale të zgjidhjes së këtij problemi nuk mund t’ju them për momentin sepse jemi duke mbledhur dokumentacionin. Por, është vërtet e paimagjinueshme në ministri, ku nënshkruhet një ministër, të mos ketë dokumentacion për një rast të tillë”, tha Vesna Janevska, ministre e Arsimit.
Ministrja Janevska gjithashtu paralajmëroi se në vitin e ri shkollor 2024/25 mund të shfuqizohet koncepti mësimor për një afat të pacaktuar.
Sipas Janevskës, kjo mund të ndodhë për shkak se asnjë prej teksteve të klasës së shtatë nuk është dërguar për shtyp e për disa nuk është kryer as procedura e miratimit, që do të thotë se librat jo vetëm që nuk kanë kaluar fazën e recensionit por as nuk janë shkruar.
“Edhe sikur të kemi shkopin magjik, ne si Qeveri deri në shtator nuk mund të arrijmë të sigurojmë libra për klasën e shtatë. Tashmë disa ditë po vijojnë bisedimet me Byronë për Zhvillimin e Arsimit që ta tejkalojmë këtë problem me idenë se fëmijët edhe këtë vit duhet të mësojnë nga librat e vjetër, në fakt librat që janë përdorur këtë vit dhe do të përdoren edhe vitin e ardhshëm. Nëse zgjidhja ligjore nuk lejon asgjë tjetër, ne do ta shtyjmë konceptin mësimor për një periudhë të caktuar në mënyrë që nxënësit 7, 8 dhe 9 të kenë tekste shkollore”, u shpreh Vesna Janevska, ministre e Arsimit.
Janevska paralajmëroi edhe një sërë ndryshimesh rreth mësimit inkluziv.
Ajo vlerëson se përfshirja totale në procesin arsimor të fëmijëve me nevoja të veçanta në vendin tonë është e pasuksesshme sepse, siç tha ajo, ka prindër dhe fëmijë që ankohen se me këtë koncept po diskriminohen edhe më tej.Gazetare: Melihate Rustemi
Lajme nga vendi
Ethet e nilit perëndimor, Cana: 10 të diagnostifikuar, 7 të dyshuar dhe të hospitalizuar
Në Klinikën Universitare për Sëmundje Infektive në Shkup aktualisht po trajtohen 17 pacientë me ethet e Nilit Perëndimor. Prej tyre, 10 janë të diagnostikuar me këtë virus, ndërsa 7 të tjerë ende nuk janë të konfirmuar, por kanë simptoma klinike që përputhen me ethet e Nilit Perëndimor.
Drejtori i Klinikës Infektive Fadil Cana për TVM2 tha se të shtatë pacientëve do t’u përsëriten analizat e nevojshme dhe se ata do të vazhdojnë të qëndrojnë nën mbikëqyrje mjekësore në klinikë derisa gjendja e tyre shëndetësore përmirësohet.
“Aktualisht në Klinikën për Sëmundje Infektive janë të hospitalizuar 10 pacientë, te të cilët është konfirmuar në mënyrë laboratorike prania e etheve të Nilit Perëndimor. Ndërkohë, janë të hospitalizuar edhe 7 pacientë të tjerë, për të cilët ekziston dyshimi se mund të jenë të infektuar, bazuar në gjendjen e tyre klinike. Tek këta pacientë po kryhen analiza dhe metoda të tjera diagnostikuese laboratorike, rezultatet e të cilave priten në ditët në vijim. Deri atëherë, ata do të vazhdojnë të trajtohen në Klinikën për Sëmundje Infektive.” – tha Drejtori i Klinikës Infektive-Shkup, Fadil Cana.
Prej tyre, tre pacientë janë në gjendje më të rëndë shëndetësore dhe ndodhen në ventilim mekanik, ndërsa të gjithë të tjerët janë në gjendje stabile, sqaroi më tej Cana. Të gjithë pacientët e hospitalizuar janë nga Shkupi.
“Periudha e inkubacionit të sëmundjes zgjat deri në 14 ditë dhe askush nuk mund të parashikojë se si do të zhvillohet ajo te një organizëm i caktuar. Ajo që dihet deri më tani është se më të rrezikuarit janë personat e grupmoshave më të vjetra. Të gjithë pacientët e hospitalizuar janë mbi 60 vjeç dhe kanë edhe sëmundje të tjera shoqëruese.” – u shpreh Drejtori i Klinikës Infektive-Shkup, Fadil Cana.
Ndërkohë, ethet e Nilit Perëndimor kanë vënë në alarm institucionet shëndetësore dhe autoritetet lokale, të cilat kanë intensifikuar masat për luftimin e mushkonjave, bartëset kryesore të virusit.
Në disa komuna, përfshirë edhe Shkupin, po zhvillohet spërkatja nga ajri dhe toka, si pjesë e një përgjigjeje të koordinuar institucionale.
Qyteti i Shkupit këtë javë do ta realizojë spërkatjen e 11-të kundër mushkonjave në të gjithë territorin e kryeqytetit, në kuadër të masave parandaluese, ndërsa deri në fund të sezonit janë planifikuar gjithsej rreth 20 spërkatje të tilla. (Rexhep Qamili, TVM2)
Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet ulja e çmimeve të shitjes me pakicë të derivateve të naftës mesatarisht 1,24 % në raport me vendimin e datës 27.7.2026, thuhet në njoftimin e KRRE-së.
Në vendimin e sotshëm është zbatuar shuma e ulur e akcizës prej 2,00 den/l te benzina EUROSUPER BS-95 dheEUROSUPER BS-98 dhe shuma e ulur e akcizës prej 4,00 den/l tek EURODIZELI (D-Е V).
Çmimet e shitjes me pakicë të benzinës EUROSUPER BS-95 dhe EUROSUPER BS-98 ulen për 2.00 den/litër.Çmimi i shitjes me pakicë i EURODIZELIT (D-Е V) rritet për 1,00 den/litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 0,50 den/litër. Çmimi i shitjes me pakicë i Мazutit М-1 SU ulet për 1,680 denarë/kg
Nga data 5.8.2026, nga ora 00:01, çmimet maksimale të derivateve të naftës do të jenë:
EUROSUPER BS – 95 do të shitet për 91,00 (denarë/litër)
EUROSUPER BS – 98 do të shitet për 93,00 (denarë/litër)
EURODIZEL BS (D-E V) do të shitet për 99,50 (denarë/litër)
Vaj për Djegie Ekstra i Lehtë 1 (EL-1) do të shitet për 98,50 (denarë/litër)
Mazut М-1 SU do të shitet për 46,419 (denarë/kilogram).
Lajme nga vendi
Arrestohet 41-vjeçarja nga Kratova që iu merrte para turistëve për hyrje në lokalitet “Kuklica”
Është arrestuar një 41-vjeçare nga Kratova, ndaj së cilës po zhvillohen procedura për uzurpimin e lokalitetit “Kuklica”, për të cilën Prokuroria Themelore Publike e Kumanovës në gjykatën kompetente ka dorëzuar edhe propozim për caktimin e masës së paraburgimit.
Sipas informacioneve nga MPB, policia e arrestoi S.D. (41) nga Kratova më 2 gusht në orën 19:30, duke vepruar sipas një kallëzimi të mëparshëm se po atë ditë, rreth orës 18:00, në lokalitetin “Kuklica”, kishte sulmuar fizikisht disa persona, të cilët ishin vizitorë të lokalitetit.
Siç informojnë nga PTHP, e dyshuara për një periudhë më të gjatë, pavarësisht të gjitha masave të ndërmarra deri më tani, vazhdon ta uzurpojë lokalitetin “Kuklica”, i cili me dekret është shpallur monument i natyrës, t’u paguajë hyrje vizitorëve pa bazë ligjore, të debatojë me ta dhe t’i kërcënojë, me çka vazhdimisht e prish rendin dhe qetësinë publike. Gjatë incidentit të fundit, e dyshuara ka penguar edhe një person zyrtar në kryerjen e detyrës zyrtare, përkatësisht ka sulmuar fizikisht dhe ka penguar zyrtarët policorë të cilët kanë tentuar ta identifikojnë dhe ta arrestojnë.
“Prokurori publik e kishte parasysh edhe faktin se kundër këtij personi tashmë është në zhvillim procedurë për veprën penale të vazhduar uzurpim i lokalitetit “Kuklica”, në të cilën i janë shqiptuar masa kujdesi, duke përfshirë edhe ndalimin për ta vizituar lokacionin, megjithatë ajo shmang pranimin dhe respektimin e vendimit. Gjithashtu, e dyshuara së bashku me bashkëshortin e saj edhe më parë ka marrë pjesë në veprime për pengimin e një personi zyrtar në kryerjen e detyrës zyrtare ndaj inspektorëve të tregut”, thuhet në njoftimin e PTHP-së.
Ata theksojnë se, duke qenë se ekziston mundësia e arratisjes, por edhe tendencë e qartë që e dyshuara të vazhdojë të kryejë vepra penale, prokurori publik te gjyqtari i procedurës paraprake ka dorëzuar propozim për caktimin e masës së paraburgimit.
Ethet e nilit perëndimor, Cana: 10 të diagnostifikuar, 7 të dyshuar dhe të hospitalizuar
Vazhdojnë hetimet për varrezat masive në Kosovë, në pritje të procesit të identifikimit
Rritet çmimi i naftës, arrin në 99.5 denarë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
