Lajme nga vendi
Ageler për deklaratën e Mickoskit se ambasadorët ndërhyjnë në punët e brendshme: Nuk kemi për qëllim të përzihemi, por t’ju mbështesim
Qëllimi ynë nuk është asnjëherë të përzihemi, por t’ju mbështesim – thotë ambasadorja amerikane në vend, Angela Ageler, në lidhje me deklaratën e fundit të kryeministrit Hristijan Mickoski se është bërë praktikë që ambasadorët e huaj të pëzihen në punët e brendshme të vendit, transmeton Portalb.mk.
Deklarata e kryeministrit i referohej deklaratave të disa ambasadorëve në vend se Këshilli Gjyqësor dhe Këshilli i Prokurorëve Publikë nuk duhet të shpërndahen – masë të cilën VMRO-DPMNE e kishte paralajmëruar që para zgjedhjeve.
Në një intervistë për emisionin “200” të Televizionit Alsat, Ageler thotë se vendimet e marra në Këshillin Gjyqësor dhe në drejtësi në përgjithësi janë vetëm për drejtuesit e këtij vendi, por shton se është zhgënjyese besimi i publikut ndaj gjyqësori, që është vetëm dy për qind.
“Qëllimi ynë asnjëherë nuk është të përzihemi. Gjithmonë ka qenë synimi ynë t’ju mbështesim. Vendimet e marra në Këshillin Gjyqësor, apo sinqerisht, në çdo organ tjetër brenda gjyqësorit, janë vendime të marra vetëm nga drejtuesit e këtij vendi. Ne nuk themi se kush duhet të ulet në asnjë gjykatë. Ne nuk themi se kush duhet të jetë anëtar i ndonjë këshilli. A ka korrupsion të përhapur në gjyqësor? Po. Kur mbështetja dhe besimi i publikut tek gjyqësori është 2 përqind, është zhgënjyese”, tha Ageler në një intervistë për TV Alsat.
Kryeministri Hristijan Mickoski para pak kohësh shprehu gatishmërinë që të ulet në të njëjtën tryezë me ambasadorët në vend dhe të bisedojë me ta për një zgjidhje më të mirë potenciale që do të ofronin për të ardhmen e Këshillit Gjyqësor dhe të Këshillit të Prokurorëve Publikë si organe gjyqësore-prokuroriale, ndërsa kjo të mos jetë shpërndarja e tyre.
VMRO-DPMNE-ja dhe kryeministri Hristijan Mickoski, ka paralajmëruar shpërbërjen e përbërjes aktuale të Këshillit Gjyqësor dhe reformim në pjesën e zgjedhjes së ardhshme të anëtarëve të tij. Në një prononcim për “Sloboden Peçat” dhe “Fokus” Këshilli tha se gjyqësori, si një nga tre autoritetet, është i pavarur dhe çdo ndërhyrje nga autoritetet e tjera mund të jetë e rrezikshme për demokracinë dhe shtetin e së drejtës.
VLEN në një kumtesë për media thotë se nën udhëheqjen e tyre për herë të parë, ndërtohet interkoneksioni energjetik Tetovë–Prizren, projekt strategjik që sipas tyre, jo vetëm që lidh dy qytete shqiptare, por forcon identitetin energjetik, ekonomik dhe politik në rajon.
“Nënshkrimi i memorandumit të bashkëpunimit mes MEPSO-s dhe KOSTT-it për ndërtimin e linjës interkonektive 400 kV Tetovë–Prizren është një prej zhvillimeve më domethënëse të dekadës në fushën e energjisë. Ky projekt përfaqëson jo vetëm përmirësim të infrastrukturës, por një lidhje të fuqishme strategjike mes Maqedonisë së Veriut dhe Republikës së Kosovës”.
“Falë përkushtimit dhe vizionit të drejtorit Burim Latifi, ky projekt kalon nga ideja në realizim konkret. Interkoneksioni do të rrisë ndjeshëm kapacitetet ndërkufitare të shkëmbimit të energjisë elektrike, do të forcojë sigurinë energjetike dhe do të kontribuojë fuqishëm në tranzicionin e gjelbër që kërkon koha moderne”.
“Kjo është një vepër që shkon përtej fijeve të tensionit të lartë, është një simbol i fuqisë së bashkëpunimit shqiptar, një investim në të ardhmen dhe një mesazh i qartë: kur shqiptarët qeverisin me përgjegjësi dhe vizion, ndodhin gjëra të mëdha”, thonë nga VLEN.
Çmimi i naftës në Maqedoninë e Veriut do të shtrenjtohet sërish pas mesnate, përcjell TV21. Pas shtrenjtimit të djeshëm për 2,5 denarë, sot Komisioni Rregullator për Energjetikë ka vendosur që çmimi i naftës të rritet edhe për 2 denarë shtesë. Sipas vendimit të KRRE-së, një litër naftë pas mesnate do të kushtojë 72 denarë.
Çmimet e derivateve pas mesnate:
Nafta – 72,0 den/l
Vaji ekstra i lehtë – 70,0 den/l
Benzina BS-95 – 76,0 den/l
Benzina BS-98 – 78,0 den/l
Gazi 42,0 den/l
Metani 61,0 den/l
Mbrëmë rreth orës 23:00, në rrugën Bulevardi Turistike në Ohër, pranë Mini Marketit, ndodhi një aksident i rëndë trafiku. Një shofer i veturës Golf me targa të Ohrit humbi kontrollin mbi automjetin dhe goditi direkt dy këmbësorë.
Nga forca e përplasjes, të dy personat pësuan lëndime të rënda kërcënuese për jetën. Njëri prej tyre, i lindur në vitin 1980, ndërroi jetë nga plagët e marra, gjë që u konfirmua nga mjekët në spitalin “Shën Erazmo” në Ohër. Personi tjetër ka pësuar fraktura në tre brinjë dhe lëndime të tjera të rënda trupore.
Jozyrtarisht, shkaku i aksidentit dyshohet të ketë qenë një sulm epileptik i shoferit, i cili shkaktoi tragjedinë.
FUTBOLL: KF ARSIMI MË 1 KORRIK STARTON ME PËRGATITJE
SEZONI I RI 2025/2026 NË LIGËN E PARË FILLON MË 8 GUSHT
VLEN: Tetova dhe Prizreni lidhen me energji, sjellim interkoneksionin historik
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve