Në paraqitjen e tij mbrëmë në televizionin Kanal 5, ministri i Shëndetësisë, Azir Aliu, foli për rëndësinë e planifikimit afatgjatë dhe krijimit të politikave në sektorin e shëndetësisë.

“Kemi formuar grupe pune së bashku me Ministrinë e Arsimit dhe do të përcaktojmë një strategji kombëtare dhjetëvjeçare për kapacitetet njerëzore në shëndetësi. Do të dihet sa klasa do të hapen, në cilin qytet, për cilat profile të arsimit të mesëm profesional dhe sa do të jetë numri i vendeve të lira në fakultetet e mjekësisë. Në fund të ditës do të dimë se sa mjekë do të kemi pas pesë vitesh ose sa infermierë pas katër vitesh, dhe mbi këtë bazë do të krijojmë politika”, deklaroi ministri Aliu.

Sa i përket largimit të mjekëve jashtë vendit, ministri theksoi se paga nuk është faktori kryesor, por dy elementë të tjerë kanë më shumë peshë – infrastruktura më e mirë dhe zhvillimi i karrierës.

“Ne tashmë po punojmë për të eliminuar një pjesë të këtyre problemeve. Për shembull, për sa i përket infrastrukturës së vjetruar, kemi paralajmëruar tashmë një investim të ri prej 205 milionë eurosh në shëndetësi. Mendoj se do të shohim një trend pozitiv të rikthimit të mjekëve nga jashtë”, shtoi ministri.

Ministri Aliu gjatë intervistës u ndal edhe te optimizimi i sistemit “Termini Im”, duke theksuar se digjitalizimi është një nga prioritetet kryesore, për të cilin është krijuar një sektor i veçantë që merret vetëm me procesin e digjitalizimit.

Advertisement

Një kandidat për këshilltar në Vinicë, rrahu brutalisht një tjetër kandidat për këshilltar. I lënduari po trajtohet në qendrën e klinikave “Nënë Tereza” në Shkup. Rastin e konfirmojnë edhe nga Ministria e Punëve të Brendshme. Njoftojnë se kanë privuar nga liria sulmuesin 37 vjeçar me iniciale D.M.

“Pas masave të ndërmarra, është vërtetuar se rreth orës 11:25 para një restoranti në Vinicë, pas një përplasje verbale paraprake, ka pasur dhe përplase fizike mes D.M dhe I.S nga Vinica. I.S ka pësuar lëndime të rënda trupore dhe pas ndihmës së dhënë në spitalin e Koçanit, është dërguar në kompleksin Nënë Tereza për mjekim të mëtejmë. D.M është mbajtur në stacion policor dhe pas dokumentimit të plotë të rastit, kundër tij do të ngritët kallëzim përkatës”, thonë nga MPB.

Menjëherë pas incidentit familjarët dhe të afërmit e të lënduarit u mblodhën në vendin e ngjarjes.

“Vetëm nëse vdes! Nëse djali vdes a e dini se çka? As kjo nuk do t’ju shpëtojë! Shihni me çka erdhën të na ndalojnë”.

Sipas informacioneve jozyrtare, kjo nuk është hera e parë që D.M sulmon personin I.S. Këtë e kishte bërë edhe para dy javësh por çështja kishte përfunduar vetëm me denoncim në parti. /Alsat.mk

Advertisement

Të enjten mbrëma  në orën 20:00 në SPB Tetovë është raportuar se në rrugën rajonale Pirok-Tetovë në Reçicë të Vogël, automjeti i pasagjerëve “BMW” me targa kombëtare të Kosovës, i drejtuar nga A.S. (22) nga Kosova, ka goditur një punonjës policie S.A. (26) nga Shipkovicë, i cili kryente sigurimin e vendit të një aksidenti tjetër rrugorë që paraprakisht kishte ndodhur.

Me këtë rast, punonjësi i policisë ka pësuar lëndime, të konstatuara në Spitalin Klinik të Tetovës. Me urdhër të Prokurorit Publik, këqyrja është kryer nga një ekip i këqyrjes nga SPB Tetovë.