Lajme nga vendi
LSDM akuzon: Një punonjës në komunën e Çairit e ka dërguar Blerim Ramadanin në Kosovë!
Sot po i publikojmë të gjitha të dhënat për përfshirjen në arratisjen e Blerim Ramadanit të stafit drejtues të MPB-së të emëruar nga Ministri i Punëve të Brendshme Pançe Toshkovski dhe punonjësve të Komunës së Çairit që i kemi marrë nga sinjalizuesit, pas së cilës ne kërkojnë që Prokuroria të fillojë një hetim të menjëhershëm dhe që Toshkovski të dorëzojë dorëheqje. Nëse PTHP nuk e bën këtë, do të konsiderojmë se e mbron MPB-në dhe Toshkovskin nga përgjegjësia, si dhe të gjithë të përfshirët në këtë rast, tha në konferencën e sotme për media Mitko Trajçuleski nga LSDM.
Siç ka shpjeguar ai, shefi i kufirit verior me Kosovën, Ramuka, ka qenë përgjegjës për transportimin e Ramadanit në Kosovë.
“Personi që është emëruar së fundi në këtë pozitë nga Toshkovski. Sipas informacioneve, Ramuka e ka marrë Blerim Ramadanin me veturë Renault nga banesa ku ndodhej në arrest shtëpiak. Nga aty janë drejtuar në drejtim të kufirit me Kosovën afër Bllacës dhe në ora 18:40 përgjatë korsisë për qarkullim të mallrave kanë kaluar pa kontroll kufirin. Ramuka është i njëjti shef i Toshkovskit që ka lënë të kalojnë pa kontroll Gashin në të njëjtin kufi, thotë Trajçuleski.
Ai shton se në të njëjtën ditë në mbrëmje, në të njëjtën mënyrë, Ramuka dhe Ramadani kalojnë kufirin për në Maqedoni dhe Ramadani kthehet në banesën e tij në Çair, ku duhet të ishte.
“Më 14 gusht, katër ditë më vonë, pra në ditën kur Ramadani largohet zyrtarisht nga vendi, një person tjetër e merr përtej kufirit. Për transport këtë herë me veturë Volkswagen Passat me targa të Shkupit, përgjegjës është një person i punësuar në komunën e Çairit si udhëheqës. Ne nuk do të zbulojmë identitetin e tij dhe do të presim që PTHP ta bëjë këtë. Ky person dhe Ramadani në kufirin e Bllacës janë lënë të kalojnë nga udhëheqësi i ndrrimit, i cili ka marrë urdhër nga Ramuka. Udhëheqësi i Komunës së Çairit e merr dhe e lë në Kosovë. Ramadani kthehet në një kohë shumë të shkurtër dhe kalon sërish kufirin pa asnjë dokument”, sqaron Trajçuleski.
LSDM pyet se çfarë po bënin Toshkovski dhe policia derisa Ramadani ishte jashtë shtetit me orë të tëra.
Kërkojmë një vendim urgjent dhe të menjëhershëm për deklasifikimin e kamerave dhe pamjeve nga kufiri në mënyrë që publiku t’i shohë dhe të sigurohet për informacionin tonë. Nëse kjo nuk bëhet, është e qartë se Toshkovski dëshiron ta fshehë të vërtetën. OJO dhe autoritetet hetimore mund t’i kontrollojnë shumë lehtë këto pretendime përmes kamerave, si dhe sistemit të kontrollit të pasagjerëve në kufi, tha Trajçuleski.shenja
Lajme nga vendi
Ahmeti takoi ambasadoren e Holandës: Rruga evropiane dhe Marrëveshja e Ohrit janë themelet e të ardhmes së vendit
Kryetari i Bashkimit Demokratik për Integrim, Ali Ahmeti, zhvilloi sot një takim të hapur dhe përmbajtësor me ambasadoren e Mbretërisë së Holandës, znj. Özlem Canel.
Në qendër të takimit ishte domosdoshmëria që vendi të gjejë sa më parë rrugën për vazhdimin e procesit të integrimit në Bashkimin Evropian.
Ahmeti theksoi se çdo vonesë e mëtejshme në procesin integrues e largon vendin nga perspektiva evropiane, dobëson institucionet dhe krijon pasiguri politike, ekonomike dhe shoqërore.
Gjatë takimit, Ahmeti ka ngritur siç thuhet shqetësimin serioz lidhur me goditjet e vazhdueshme ndaj Marrëveshjes së Ohrit dhe arritjeve që garantojnë barazinë, kohezionin ndëretnik dhe stabilitetin e vendit.
Ai theksoi se Marrëveshja e Ohrit është themeli i paqes dhe i funksionimit demokratik të shtetit, ndërsa çdo cenim i saj prek drejtpërdrejt stabilitetin e përgjithshëm dhe marrëdhëniet ndëretnike.
Në takim u diskutua edhe për zhvillimet aktuale politike, sundimin e ligjit, sigurinë dhe sfidat me të cilat përballet rajoni.
Ahmeti nënvizoi se partnerët ndërkombëtarë duhet ta dëgjojnë qartë alarmin për zhvillimet në vend.
“Rruga evropiane dhe Marrëveshja e Ohrit janë dy shtyllat mbi të cilat qëndrojnë stabiliteti, demokracia dhe e ardhmja e vendit”, theksoi Ahmeti.(INA)
Parkingu në Qendrën Klinike vazhdon të jetë sfidë për pacientët po edhe për të punësuarit. Edhe pse është premtuar disa herë zgjidhje, ajo nuk erdhi kurrë.
Për mungesën e vendparkimeve biseduam me disa qytetarë, të cilët kishin ardhur në Qendrën Klinike “Nënë Tereza” për të marrë shërbime shëndetësore. Ata thonë se gjetja e një vendi për parkim është bërë një sfidë e përditshme, duke u shkaktuar vonesa në arritjen e termineve të caktuara tek mjeku.
Sipas tyre, në shumë raste u duhet të kalojnë më shumë se 30 minuta duke kërkuar një vend të lirë për të parkuar automjetin.
Këtu, me të vërtetë, është problem i madh të gjesh parking, por disi gjindemi, humba më shumë se gjysmë ore, deri sa gjeta parking.
Po, ka çdoherë, pasi që vi çdo muaj për të marrë shërbime shëndetësore, gjithnjë kam problem, shëtitem mbi gjysmë ore për të gjetur vend të lirë për parkim.
Shumë rëndë, humba gjysmë ore për të gjetur vend të lirë për t’u parkuar
Përveç ankesave, qytetarët kanë edhe kërkesa konkrete ndaj institucioneve kompetente. Ata vlerësojnë se ka ardhur koha që ky problem të marrë një zgjidhje përfundimtare, qoftë përmes krijimit të hapësirave të reja për parkim, qoftë me ndërtimin e garazheve në kate.
Të ndërtohet ndonjë garazh, këtu ka hapësirë, mund të bëhet një parking me kate.
Të bëhet zgjidhje me parking, këtu, të jetë i qasshëm në çdo kohë për secilin.
Duhet të ndërtohet parkingu, është koha që përfundimisht të zgjidhet problemi.
Zgjidhje për problemin e parkimit dhe kaosin që krijohet çdo ditë në Qendrën Klinike kanë premtuar pothuajse të gjithë ministrat e Shëndetësisë ndër vite. Megjithatë, pavarësisht premtimeve dhe paralajmërimeve për projekte të ndryshme, pacientët, familjarët e tyre dhe punonjësit vazhdojnë të përballen me të njëjtin problem./Tv Koha – Shkup/MEVLUDIN IMERI – GAZETAR
Lajme nga vendi
Dita Botërore Kundër Trafikimit me Njerëz, në RMV janë regjistruar 46 viktima për pesë vjet
Në raportin e Departamentit Amerikan të Shtetit për trafikimin me qenie njerëzore në botë për vitin 2025, për Maqedoninë thuhet se autoritetet po bëjnë përpjekje të konsiderueshme, hetime, identifikim të viktimave dhe procedura të reja operative, por vendi ende nuk i përmbush plotësisht standardet minimale për eliminimin e trafikimit me qenie njerëzore.
Në raport thuhet se janë dënuar më pak trafikantë me qenie njerëzore, ndërsa Prokuroria për Ndjekjen e Krimit të Organizuar dhe Korrupsionit (PThNKOK) nuk kishte burime të mjaftueshme për t’i zgjidhur të gjitha rastet nën juridiksionin e saj.
Gjithashtu, Qeveria nuk ka ndarë mjete për ekipet mobile që çdo vit identifikojnë shumicën e viktimave të mundshme, pavarësisht angazhimeve të mëparshme për këtë çështje.
Sipas Organizatës Ndërkombëtare të Punës, në vitin 2021 rreth 27.6 milionë njerëz në mbarë botën jetonin në kushte të skllavërisë moderne. Format më të zakonshme të shfrytëzimit mbeten puna e detyruar dhe shfrytëzimi seksual, por trafikimi me qenie njerëzore përfshin edhe martesat e detyruara, skllavërinë në amvisëri, rekrutimin e fëmijëve ushtarë dhe trafikimin e organeve.
Këshilli i Evropës paralajmëroi se viktimat në Maqedoni shpesh përballen me procedura të gjata gjyqësore dhe administrative, gjë që e vështirëson më tej riintegrimin e tyre në shoqëri. Si një dukuri veçanërisht shqetësuese përmendet edhe martesa e detyruar e vajzave të mitura, e cila në raste të caktuara përbën formë të trafikimit me qenie njerëzore.
Ndryshe, Dita Botërore Kundër Trafikimit me Qenie Njerëzore shënohet çdo vit më 30 korrik, ndërsa Kombet e Bashkuara këtë vit ia kushtojnë temës “Të bllokuar pas mashtrimit”, me fokus te rastet gjithnjë e më të shpeshta kur njerëzit joshen me oferta të rreme pune dhe më pas detyrohen të marrin pjesë në mashtrime online dhe forma të tjera të krimit kibernetik.
Kjo ditë botërore u themelua në vitin 2013 me rezolutë të Asamblesë së Përgjithshme të OKB-së, me qëllim rritjen e ndërgjegjësimit publik për gjendjen e viktimave dhe promovimin e mbrojtjes së të drejtave të tyre.
Ahmeti takoi ambasadoren e Holandës: Rruga evropiane dhe Marrëveshja e Ohrit janë themelet e të ardhmes së vendit
SHKUP: MUNGESA E VENDPARKIMEVE NË QENDRËN KLINIKE SFIDË SERIOZE!
Dita Botërore Kundër Trafikimit me Njerëz, në RMV janë regjistruar 46 viktima për pesë vjet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
