Lajme nga vendi
Kryetari Limani paralajmëron 15 projekte me të cilat dukshëm do të përmirësohet infrastruktura rrugore e Gostivarit

Komuna e Gostivarit ka aplikuar me 15 projekte në thirrjen për ndarjen 100 milionë eurove nga Ministria e Vetëqeverisjes Lokale. Shumica e projekteve kanë të bëjnë me infrastrukturën rrugore të qytetit, në mesin e tyre edhe ndërtimin i një shëtitoreje të re në qendër të qytetit. Bëhet fjalë për rrugën “Koço Zozi” e cila lidh sheshin me filialin kryesor të Postës në Gostivar.
Kryetari Valbon Limani thotë se të gjitha projektet me të cilat kanë aplikuar, janë hartuar sipas standardeve që kërkohen dhe pret që të gjithë të pranohen.
“Si administratë e komunës së Gostivarit, tashmë kemi përgatitur aplikacionet për15 projekte infrastrukturore. Kryesisht bëhet fjalë për rikonstruktim dhe asfaltim të rrugëve në komunën e Gostivarit. Njëri prej projekteve që dua ta përmend është pjesa e Kinemasë së vjetër e cila do të shndërrohet në një shëtitore moderne. Besoj dhe shpresoj që këto projekte të realizohen deri në fund të vitit apo pranverën e ardhshme kur presim të ketë edhe një shpallje në të cilën gjithashtu do të aplikojmë me projektet që i kemi paraparë”, deklaroi Valbon Limani, kryetar i komunës së Gostivarit.
Kryetari Limani bëri të ditur se aktualisht është duke u punuar në rregullimin e kanalizimit në rrugën Zdunjë – Debresh. Në një gjatësi prej mbi dy kilometra, rregullohet për herë të parë në këtë pjesë të qytetit, ndërsa pas mbarimit të tij, tashmë autoritetet lokale thonë se kanë siguruar mjete financiare edhe për asfaltimin e rrugës.
“Kanalizimi në rrugën Zdunjë – Debresh vazhdon dhe mendoj se për një kohë të shkurtër do të finalizohet ajo pjesë e cila kishte mbetur. Ndërkohë, në kontakt me Bankën Botërore dhe me kompaninë e cila filloi punimet në rrugën Zdunjë-Debresh, u njoftova se javën tjetër fillon pjesa e mbetur e asfaltimit dhe besoj se deri në fund të vjeshtës edhe ajo do të kompletohet tërësisht”, deklaroi Valbon Limani, kryetar i komunës së Gostivarit.
Ditët në vijim pritet të fillojë edhe një projekt tjetër i rëndësishëm në infrastrukturën rrugore. Bëhet fjalë për bulevardin “Goce Dellçev”, i cili do të rikosntruktohet dhe asfaltohet në të dyja anët e tij nga Pallati i Kulturës deri te Stacioni i autobusëve.
“Për kohë të shkurtër, ndoshta javën tjetër, do të fillojë rikonstruktimi dhe asfaltimi i bulevardit ‘Goce Dellçev’, pjesa që e lidh nga Pallati i Kulturës deri te Stacioni i autobusëve, pjesë e cila mendoj se ka nevojë për rikonstruim, ndërsa me 15 projektet që i përmenda në fillim, infrastruktura rrugore në qytet dukshëm do të përmirësohet”, deklaroi Limani.
Në këtë thirrje, kryetari Limani bëri të ditur se fokusi më shumë është vendosur në infrastrukturën e qytetit, kurse tek thirrja e dytë e cila do të shpallet nga qeveria në fillim të vitit tjetër me vlerë 250 milionë euro, theksi do jetë në infrastrukturën e fshatrave.
Ndryshe, sot skadon afati ku komunat duhet të plotësojnë formularin e aplikimit për thirrjen publike të shpallur nga Ministria e Vetëqeverisjes Lokale. Pas marrjes së formularëve të aplikimit fillon procesi i vlerësimit, i cili pritet të përfundojë jo më vonë se 10 ditë dhe në bazë të tij ministritë përkatëse përgatisin propozimin për vendim se cilat projekte do të financohen nga dikasteret e tyre dhe Propozimi për vendim dorëzohet për miratim në seancë të qeverisë.
Mjetet do të ndahen përmes gjashtë ministrive përkatëse, përkatësisht: Ministrisë së Kulturës dhe Turizmit, Ministrisë së Transportit, Ministrisë së Politikës Sociale, Demografisë dhe Rinisë, Ministrisë së Arsimit dhe Shkencës, Ministrisë së Mjedisit dhe Planifikimit Hapësinor dhe Ministria e Sporteve.
Lajme nga vendi
Javën a ardhshme do të kryhet dezinsektim në qytetin e Tetovës

Komuna e Tetovës njofton se do të kryhet dezinsektim në territorin e qytetit të Tetovës.
ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.
Lajme nga vendi
Miratohet aktakuza për rastin “Onkologjia”

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.
Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.
Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.
Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.
Lajme nga vendi
Vëllezërit nga Debreshi dënohen me nga 40 vite burg për vrasjen makabre të Resul Kahremanit

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.
Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.
Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve