Lajme nga vendi
VOLEJBOLL: KV SHKËNDIJA PËRGATITJET VIJOJN SIPAS PLANIT
Kampionati 2024/2025 në Ligën e pare të volejbollit sipas të gjitha gjasave do të fillon më 19 tetor, ndërsa ekipet deri atëherë vazhdojnë me përgatitjet sipas kushteve dhe pretendimeve që kanë ato.
Skuadra tetovare klubi i volejbollit Shkëndija, me përgatitje për sezonin e ri ka nisur që nga 1shtatori, sipas programit që ka hartuar trajneri Durim Luma. Ekipi në dy javët e para ka punuar në aspektin fiziko teknik, ndërsa pas edhe në aspektin taktik me të vetmin qëllim që fillimin e sezonit ta presin maksimalisht të përgatitur .
DURIM LUMA – TRAJNER I KV SHKËNDIJA (0.41 – 1.39)
“Ndërkohë kemi bërë për momentin deri më sot edhe një ndeshje kontrolluese dhe atë në Lipjan kundër Skënderbeut ish finalisti i Ligës së Kosovës ku bëmë një ndeshje shumë meritore dhe të mire. Unë jam shumë i kënaqur me angazhimin e lojtarëve të mi. U kemi dhënë rast të gjithë lojtarëve që ta ndjenë momentin e ndeshjes , veçanërisht shansin më të madh ua kemi dhënë të rinjve. Edhe pse e humbëm këtë ndeshje duhet pranuar se kundërshtari ka qenë shumë ekip I mire, kishin edhe lojtarë të huaj. Unë përsëri jam i kënaqur me disa përmirësime besoj se do të jetë më mire”.
Synimi i përgatitjeve ka të bë me realizimin e objektivave të klubit por edhe kë të vit do të shënohet edhe përvjetori jubilar 50 vjetori i themelimit
DURIM LUMA – TRAJNER I KV SHKËNDIJA (2.05 – 2.54)
“Duke pasur para sysh që këtë vit është 50 vjetori i themelimit të klubit Shkëndija, pra klubit të volejbollit. Ne do të mundohemi maksimalisht q këto të rinjtë tanë, siç e dini në dy vitet e fundit ne nuk marrim përforcime, pra i angazhojmë lojtarët vendas, lojtarët tanë të rijë. Katër prej tyre janë të moshës prej 15 deri 17-18 vjeçar. Mendojmë që synimi apo ambiciet tona për këtë sezon do të jetë hyrja në play off, pra në gjashtë ekipet e para e pastaj në pjesën e dytë të kampionatit do të shohim se si do të zhvillohen ngjarjet“.
Sa i përket ekipeve në kampionatin e ri 2024/2025 sipas të gjitha gjasave do të mbeten 12 ekipe edhe pse ka interesim që në ligë të parë të inkuadrohet edhe një skuadër e re por për këtë do të vendosin përfaqësuesit e të gjitha klubeve. / Tv Koha/
Lajme nga vendi
Turistët nga Maqedonia mbetën pa dokumente në Greqi: Vjedhje nga automjeti ndërsa ishin në drekë
Turistë nga Maqedonia kanë paralajmëruar për një vjedhje në Greqi, pasi nga automjeti i tyre u vodhën pesë pasaporta dhe dokumente udhëtimi, ndërsa ata ndodheshin në plazh dhe në drekë.
Sipas dëshmisë së tyre, pasi u kthyen nga Siviri, ndaluan në parkingun pranë Sahara Beach Club, ku planifikonin të drekonin. Kur u kthyen te automjeti, vunë re se ai ishte thyer dhe se mungonte një çantë e vogël në të cilën kishin lënë dokumentet.
Janë vjedhur gjithsej pesë pasaporta, përfshirë pasaporta të shtetasve të Maqedonisë dhe të miqve të tyre me pasaporta portugeze dhe spanjolle, si edhe dokumente të tjera që lidhen me udhëtimin.
Rasti është raportuar menjëherë në policinë greke, ku është përpiluar procesverbal. Turistët thonë se në kamerat e sigurisë është vërejtur një grua për të cilën dyshohet se mund të jetë e lidhur me vjedhjen.
Ata u bëjnë thirrje të gjithë turistëve në Greqi që të jenë të kujdesshëm dhe të mos lënë pasaporta, para dhe sende me vlerë në automjete, edhe kur ato janë të parkuara në zona turistike.
Një apel i veçantë u është drejtuar turistëve nga Maqedonia që ndodhen në Greqi, të cilët këshillohen të mos lënë dokumente, para dhe sende me vlerë në automjete, veçanërisht në lokacione turistike me frekuencë të lartë.
Lajme nga vendi
Cana: Shtatë persona me ethet e Nilit Perëndimor në Klinikën Infektive, njëri ende në gjendje të rëndë shëndetësore
Shtatë persona të konfirmuar me ethet e Nilit Perëndimor janë të shtruar në Klinikën Infektive, përcjell TV21. Gjendja shëndetësore e njërit prej tyre, një 76-vjeçar nga Shkupi, i cili ndodhet në repartin e kujdesit intensiv të Klinikës Infektive, vazhdon të jetë e rëndë dhe ai është në mbështetje respiratore – deklaroi sot drejtori i Klinikës, Fadil Cana.
Ai theksoi se pacienti në gjendje të rëndë ndodhet në Klinikë prej një jave dhe nuk ka udhëtuar jashtë vendit. Gjashtë pacientët e tjerë të shtruar, sipas doktor Canës, janë mbi 60 vjeç, janë në gjendje të qëndrueshme shëndetësore dhe vetëm njëri prej tyre ka udhëtuar më herët në Greqi.
“Te të gjithë pacientët e hospitalizuar është konstatuar inflamacion viral i trurit dhe i cipave të trurit. Simptomat janë temperaturë e lartë, dhimbje e fortë koke, çorientim dhe çrregullim i vetëdijes”, shtoi dr. Cana për MIA-n.
Personat e hospitalizuar janë infektuar nga pickimi i mushkonjave të infektuara. Periudha e inkubacionit zakonisht zgjat nga 3 deri në 14 ditë pas pickimit, ndërsa shumica e personave e kalojnë infeksionin pa e kuptuar se kanë qenë të infektuar me virusin.
Lajme nga vendi
Kasami: 74 MILION EURO për spitalin klinik të Tetovës, nga sot kanë nisur përgatitjet për realizimin e këtij projekti kapital
Investimi prej rreth 74 milionë euro parashikon:
Turistët nga Maqedonia mbetën pa dokumente në Greqi: Vjedhje nga automjeti ndërsa ishin në drekë
Cana: Shtatë persona me ethet e Nilit Perëndimor në Klinikën Infektive, njëri ende në gjendje të rëndë shëndetësore
Kasami: 74 MILION EURO për spitalin klinik të Tetovës, nga sot kanë nisur përgatitjet për realizimin e këtij projekti kapital
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
