Presidentja e Republikës së Kosovës, Vjosa Osmani, takoi sot Përfaqësuesin e Posaçëm të Bashkimit Evropian për Dialogun Kosovë-Serbi, Peter Sorensen.

Gjatë takimit, Osmani diskutoi edhe për procesin e formimit të Kuvendit dhe institucioneve të tjera, duke theksuar rëndësinë që këto institucione të funksionojnë në mënyrë demokratike për të arritur qëllimet e përbashkëta.

Ajo ngriti gjithashtu shqetësimin për arrestimet e padrejta të qytetarëve të Kosovës nga ana e Serbisë, duke kërkuar që komuniteti ndërkombëtar të ndërhyjë për të ndaluar këto veprime të paligjshme ndaj qytetarëve kosovarë.

Në anën tjetër, disa qytetarë të Kosovës janë arrestuar gjatë kalimit në territorin e Serbisë, dhe për këtë kanë reaguar edhe autoritetet e Ministrisë së Punëve të Jashtme të Kosovës.

Komisioni Qendror i Zgjedhjeve në Bosnjë Hercegovinë vendosi sot unanimisht të revokojë mandatin e Presidentit të Republika Srpska, Milorad Dodik.

Mbrojtja e Dodikut ka të drejtë të apelojë këtë vendim në Divizionin e Apelit të Gjykatës së BiH, e cila shqyrton ankesat zgjedhore. Pas përfundimit të procesit të apelimit, vendimi do të jetë përfundimtar, shkruan Euronews.ba.

Bosnje dhe Hercegovina e mori këtë vendim duke vepruar në përputhje me vendimin përfundimtar me të cilin Dodik u dënua me një vit burg dhe gjashtë vjet ndalim të aktivitetit politik, për mungesë respekti ndaj përfaqësuesit të lartë të paligjshëm Christian Šmit.

Sipas ligjeve të Bosnjës dhe Hercegovinës, dënimi me burg mund të zëvendësohet me gjobë. Dodik tha se nuk do ta respektojë vendimin e Gjykatës së Apelit, ndërsa avokati i tij tha se do të apelojë në Gjykatën Kushtetuese dhe do të ndërmarrë të gjitha mundësitë ligjore që vendimi i dhënë kundër Presidentit të Republikës Srpska të shpallet i pavlefshëm.

Autoritetet turke janë alarmuar nga zhdukja e biznesmenit Halit Yukay, i cili rezulton i humbur që nga nata e së shtunës, kur ai u nis nga Gialova drejt ishullit Mykonos me jahtin e tij Graywolf.

Jahti i 43-vjeçarit u gjet i dëmtuar dhe gjysmë i fundosur pranë ishullit Prokonnisos, në Detin Marmara (pranë Propontis), nga roja bregdetare turke.

Familjarët e Yukay-t njoftuan autoritetet pasi nuk arritën ta kontaktonin që prej nisjes së tij për në ishullin e njohur grek.

Sipas raportimeve, ai ishte nisur të shtunën në mbrëmje nga Gialova ndërsa rrënojat e jahtit u gjetën rreth mesditës së së martës.

Roja bregdetare u njoftua për herë të parë në orën 23:40 të mbrëmjes së së hënës, ndërsa një ekuipazh i një anijeje tregtare raportoi në orën 14:30 të së martës se kishte vërejtur rrënojat e një anijeje, e cila më pas u identifikua si Graywolf, në pronësi të Yukay-t.

Advertisement

Në operacionin e kërkimit përfshihen zhytës, helikopterë dhe njësi të rojës bregdetare, por deri më tani nuk është gjetur asnjë gjurmë e biznesmenit.

Kush është Halit Yukay?

I lindur në vitin 1982, Halit Yukay është pronar i kompanisë Mazu Yachts, një prodhues i njohur i jahteve luksoze në Turqi.

Ai e nisi karrierën si ndërtues anijesh, duke realizuar ëndrrën për të krijuar kompaninë e tij në vitin 2011.

Advertisement

Mazu Yachts është bërë e njohur në treg për dizajnet moderne dhe teknologjinë që përdor në ndërtimin e jahteve.