Lajme nga vendi
LSDM: Qeveria të pranojë propozimin tonë për ngritjen e pagës minimale në 450 euro
“LSDM i bën thirrje kryeministrit Mickoski dhe Qeverisë që të tregojnë përkushtim real për përmirësimin e standardit jetësor të qytetarëve dhe urgjentisht ta pranojnë propozimin për ngritjen e pagës minimale në 450 euro. Kjo masë do të sjellë mbështetje të konsiderueshme për punëtorët dhe do të sigurojë stabilitet social për mijëra familje që e kanë gjithnjë e më të vështirë të mbulojnë kostot bazë të jetesës”, thuhet në komunikatën e lëshuar nga LSDM.
Nga LSDM thonë se Qeveria deri më tani nuk ka arritur të marrë masa konkrete për përmirësimin e standardit të jetesës së qytetarëve. Të ardhurat e ulëta të një numri të madh qytetarësh, çmimet e larta të produkteve bazë dhe rritja drastike e inflacionit rëndojnë jetën e përditshme të kategorive më të rrezikuara. Sipas të dhënave, shporta sindikale e muajit tetor tregon se një familje katër anëtarëshe i nevojiten 61.249 denarë për të mbuluar shpenzimet bazë mujore. Rënia e pagës mesatare për 1000 denarë, pasi Mickoski u bë kryeministër, e përkeqëson edhe më shumë situatën dhe i lë qytetarët gjithnjë e më pak me mjete për të mbuluar nevojat elementare.
“Kryeministri Mickoski shpesh herë flet për përkrahje të qytetarëve dhe reforma ekonomike, por gjendja aktuale në terren tregon se mungojnë masat reale. Duke refuzuar rritjen e pagës minimale, Qeveria tregon mosinteresim për përmirësimin e standardit jetësor të qytetarëve, veçanërisht kategorive më të cenueshme, të cilat i ndjejnë më së shumti goditjet ekonomike. Në vend të masave konkrete, qytetarët marrin vetëm premtime të paqarta dhe “të presin një të nesërme më të mirë”, deklarojnë nga LSDM.
LSDM thekson se paga minimale prej 450 euro nuk është vetëm kërkesë politike, por nevojë reale për të siguruar stabilitet financiar të qytetarëve dhe përparim social të shoqërisë.
Sipas tyre, kjo rritje do të mundësojë fuqi më të madhe blerëse të qytetarëve, e cila do të ndikojë drejtpërdrejt në tregun e brendshëm dhe do të sjellë një efekt pozitiv në ekonomi.
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë