Lajme nga vendi
RMV, deri në fund të muajit e hapur mundësia për financimin e projekteve nga fusha e kulturës

Subjekte të ndryshme juridike deri më 31 tetor në ora 15:30 do të mund të aplikojnë në Ministrinë për Kulturë dhe Turizëm në Maqedoninë e Veriut për financimin e projekteve të ndryshme për vitin 2025, transmeton Portalb.mk.
“Ministria e Kulturës dhe e Turizmit në Konkurset vjetore për financimin e projekteve me interes nacional në fusha të veçanta dhe aktivitete kulturore për vitin do të mbështesë projekte që janë në funksion të zhvillimit, promovimit dhe afirmimit të kulturës së Republika e Maqedonisë Veriore në këto fusha: artet vizuale, arkitekturë dhe dizajn; veprimtari dramatike; veprimtari muzeore dhe mbrojtjen e trashëgimisë kulturore jomateriale; veprimtari bibliotekare; mbrojtjen e trashëgimisë kulturore të patundshme dhe mbrojtjen e të mirave audiovizuale; veprimtari letrare dhe botuese; manifestime dhe festivale në fushën e kulturës; veprimtari muzikore dhe muzikore-skenike; bashkëpunim ndërkombëtar dhe folklor”, theksohet në Konkurs.
Të drejtë pjesëmarrje kanë personat juridikë dhe fizikë që janë shtetas të Republikës së Maqedonisë së Veriut, ndërsa nuk kanë të drejtë të marrin pjesë institucionet nacionale nga fusha e kulturës.
“Në fushën e letërsisë dhe botimeve, personat juridikë mund të konkurrojnë me maksimum 10 (dhjetë) projekte ndërsa personat fizikë me 1 (një) projekt”, sqarohet në Konkurs.
Të interesuarit do të mund të aplikojnë përmes adresën uslugi.gov.mk, ndërsa udhëzimet për aplikim mund të gjenden këtu.
Lajme nga vendi
Bilall Kasami sot zyrtarisht shpall kandidaturën për mandatin e dytë në Komunën e Tetovës

Lajme nga vendi
VLEN publikon listën e kandidatëve për zgjedhjet lokale

Sot, kryesia qendrore e koalicionit VLEN mbajti mbledhjen e radhës, ku ndër temat kryesore ishte diskutimi për përgatitjet për zgjedhjet e ardhshme lokale, raporton SHENJA.
Në një konferencë për shtyp nga VLEN theksojnë se prioritet mbetet përzgjedhja e kandidatëve më të pranuar për qytetarët, duke u përqendruar në figura që do të jenë në funksion të interesave lokale dhe zhvillimit komunal.
Pas diskutimeve, kryesia ka miratuar listën e mëposhtme të kandidatëve për kryetarë komunash:
Tetovë: Bilall Kasami
Çair: Izet Mexhiti
Strugë: Mendi Qyra (kandidat i pavarur)
Kërçovë: Fatmir Limani
Dibër: Fisnik Mela
Shkup: Bashkim Bakiu
Saraj: Muhamed Elmazi
Likovë: Nexhmedin Sadiku
Haraçinë: Daut Beqiri
Zhelinë: Blerim Sejdiu
Tearcë: Daut Memishi
Bogovinë: Feti Abazi
Bërvenicë: Haqim Ramadani
Dollnen: Blerim Islami
Nga VLEN gjithashtu është bërë e ditur se ende nuk ka një vendim përfundimtar për kandidaturat në komunat e Gostivarit, Vrapçishtit, Studeniçanit dhe Çashkës, ndërsa vendimet për këto pritet të merren në ditët në vijim.
Lajme nga vendi
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente

Adoleshenti që u lëndua gjatë aksidentit të djeshëm është në gjendje të qëndrueshme dhe po trajtohet në shtëpi. Trupat e tre viktimave janë dërguar në Institutin e Mjekësisë Ligjore dhe pas autopsisë do t’i dorëzohen familjarëve për varrim, bëjnë të ditur nga Spitali i Tetovës.
Aksidenti i djeshëm ndodhi si pasojë e humbjes së kontrollit nga drejtuesi i mjetit Opel Astra, njoftojnë nga Sektori për Punë të Brendshme i Tetovës. Informacione shtesë për shkaqet që çuan në humbjen e kontrollit priten nga mjekësia ligjore dhe prokuroria. Por sipas të dhënave fillestare, nga ajo që shihet në video-incizimet e kamerave të sigurisë, dyshohet se drejtuesi mund të ketë pësuar sulm në zemër.
Nga SPB Tetovë thonë se që nga fillimi i vitit 2025, në rajonin që mbulohet prej tyre, nga aksidentet rrugore kanë humbur jetën tetë persona. Po aq viktima ka pasur edhe gjatë vitit 2024.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve