Ministria e Shëndetësisë njoftoi se deri më 30 korrik 2026, në vend janë konfirmuar gjithsej 13 raste me ethet e Nilit Perëndimor.Në Klinikën Universitare për Sëmundje Infektive dhe Gjendje Febrile janë të shtruar 10 pacientë me infeksion të konfirmuar, prej të cilëve tre ndodhen në gjendje kritike.

Deri më 30 korrik, në vend janë konfirmuar 13 raste me ethet e Nilit Perëndimor, ndërsa në Klinikën për Sëmundje Infektive vazhdojnë të trajtohen 10 pacientë, prej të cilëve tre janë në gjendje kritike.

Për shkak të situatës aktuale epidemiologjike dhe bazuar në vlerësimin profesional të rrezikut, Ministria e Shëndetësisë ka obliguar Qendrën për Shëndet Publik – Shkup të realizojë dezinsektim shtesë tokësor (adulticid) kundër mushkonjave. Trajtimi i jashtëzakonshëm është kryer gjatë natës si masë shtesë parandaluese për të ulur rrezikun e përhapjes së infeksionit.

Ministria thekson se, së bashku me Institutin e Shëndetit Publik, qendrat rajonale të shëndetit publik dhe institucionet shëndetësore, mbetet në koordinim të vazhdueshëm dhe do ta informojë me kohë opinionin për çdo zhvillim të ri dhe masat e ndërmarra.

Si pjesë e aktiviteteve parandaluese, gjatë natës është realizuar edhe një dezinsektim shtesë kundër mushkonjave, me qëllim uljen e rrezikut nga përhapja e mëtejshme e infeksionit.

Advertisement

Ministria e Shëndetësisë bëri të ditur se do të vazhdojë të bashkëpunojë ngushtë me institucionet kompetente dhe do ta mbajë publikun të informuar për të gjitha zhvillimet e reja.

Emërimi i Arben Fetait si i dërguar special në BE është një çështje legjitime për t’u diskutuar, deklaroi ministri i Jashtëm i RMV-së, Timço Mucunsk. Sipas tij, publiku meriton sqarime edhe për pretendimet se ish-zëvendëskryeministri, gjatë një periudhe të caktuar të mandatit, nuk paraqitej në punë, ndonëse merrte pagë.

“Fillimisht duhet të tregojmë hapur se kush është Arben Fetai. Shkollimin e ka kryer në Belgjikë dhe zotëron të gjitha gjuhët zyrtare të këtij shteti”, u shpreh ai.

Mucunski theksoi se Fetai, krahas njohjes së të gjitha gjuhëve zyrtare të Belgjikës, ka punuar dhe ka qenë i angazhuar në organizata të ndryshme qeveritare dhe joqeveritare në Bruksel. Përmes kësaj përvoje, sipas tij, ai ka krijuar një rrjet kontaktesh që mund të vihet në funksion të interesave shtetërore.

Ai shtoi se Arben Fetai mban shtetësi të dyfishtë, atë të RMV-së dhe të Belgjikës. Në mungesë të shtetësisë së dyfishtë, sipas ministrit, Fetai ndoshta do të ishte kandidati ideal për ambasador të RMV-së në BE. Mucunski e përshkroi atë edhe si një bashkëpunëtor të shkëlqyer në Qeveri, duke nënvizuar se kritikat bëhen lehtë, por se diskutimi duhet të mbështetet në fakte.

“Për shkak të ritmit të aktiviteteve, kemi nevojë për një person atje. Gjatë kësaj periudhe të veçantë, ai do të jetë në shërbim të shtetit. Biografia e tij përputhet me profilin që kërkojmë për atë pozicion”, tha Mucunski.

Advertisement

Rritja e paralajmëruar e temperaturave ditore, e cila sipas meteorologëve në disa rajone do të arrijë deri në 40 gradë Celsius, rrit rrezikun për shfaqjen e helmimeve nga ushqimi. Temperaturat e larta paraqesin rrezik potencial edhe për shëndetin e kafshëve, nëse nuk merren me kohë masa për sigurimin e sasive të mjaftueshme të ushqimit të sigurt dhe ujit të pijshëm. Siç thonë nga Agjencia për Ushqim dhe Veterinari (AUV) për MIA-n, për të parandaluar helmimet nga ushqimi është e nevojshme të bëhet zgjedhje e kujdesshme gjatë blerjes, të sigurohet transporti i duhur dhe kushtet e përshtatshme për ruajtje, si dhe të kihet kujdes për pamjen, afatin e përdorimit dhe mënyrën e magazinimit të produkteve. Rekomandohet që ushqimi të blihet në vende të kontrolluara, ku produktet, veçanërisht ato që prishen lehtë me origjinë shtazore, ruhen në pajisje ftohëse.

“Duhet të shmanget blerja e ushqimeve me ambalazh të dëmtuar (të shtypur, të fryrë ose të çarë). Produktet e ftohta ose të ngrira duhet të blihen në fund të blerjeve, ndërsa ushqimet që prishen lehtë, si mishi, qumështi dhe vezët, nuk duhet të mbahen gjatë në automjete dhe mjete të tjera transporti. Duhet të shmanget blerja e ushqimeve të ftohta ose të ngrira që ruhen jashtë frigoriferit ose ngrirësit. Ushqimi i ftohur duhet të ruhet në temperaturë nën 5 gradë Celsius, ndërsa ushqimet që kërkojnë përpunim termik duhet të gatuhen në temperaturë mbi 60 gradë Celsius. Frutat dhe perimet para konsumimit duhet të lahen mirë nën ujë të rrjedhshëm, ndërsa mishi, qumështi dhe vezët duhet të përpunohen mirë termikisht. Pas përgatitjes, ushqimi i ftohur duhet të ruhet në frigorifer. Në raftet e sipërme duhet të vendoset ushqimi i gatuar, ndërsa në raftet e poshtme ushqimi i papërpunuar. Ushqimi duhet të mbrohet nga insektet, brejtësit, kafshët shtëpiake dhe kafshët e tjera që mund të bien në kontakt me të”, këto janë vetëm disa nga rekomandimet e AUV-së.

Nëse konsumoni ushqim në objekte hotelerie, AUV rekomandon që të zgjidhen operatorë ushqimorë që kujdesen për higjienën dhe sigurinë e ushqimit dhe që kanë reputacion të mirë.

“Në objektet e ushqimit të shpejtë shmangni shtesat që nuk ruhen në frigorifer, si majoneza, keçapi, sallatat me krem, salcat, dressing-et dhe të ngjashme. Nëse mendoni se ushqimi nuk është i sigurt, mos rrezikoni – hidheni atë”, theksojnë nga AUV.