Lajme nga vendi
Çfarë u dakorduan dje dy qeveritë në Prishtinë?
Dje nga takimi ndërqeveritar mes Prishtinës dhe Shkupit u arritën marrëveshje të rëndësishme për qytetarët e dyja vendeve. Pra, nga kjo lirshëm mund të konstatohet edhe si takim historik nga kjo qeveri për të cilën ka pasur akuza të shumta si qeveri anti-shqiptare. Dje u diskutua, për tema që i prekin qytetarët e dyja vendeve, siç janë pritjet e gjata në pikat kufitare mes dy vendeve, çështjet arsimore dhe ato energjetike, shkruan Zhurnal.
Çfarë u nënshkrua dje në Prishtinë?
Janë nënshkruar marrëveshjet bilaterale mes Republikës së Kosovës dhe Republikës së Maqedonisë së Veriut. Marrëveshja e parë u nënshkruar mes ministrit të Brendshëm Xhelal Sveçla dhe homologut të tij maqedonas, Pançe Toshkovski, njofton Klankosova.tv.
E ministrja e Ekonomisë, Artane Rizvanolli dhe ministres së Energjisë, Minierave Minerale të Maqedonisë së Veriut, Sanja Bozinovska, nënshkruan momerandumin e radhës.
Ministrja e Arsimit, Arbërie Nagavci, dhe homologia e saj maqedonase, Vesna Janevska nënshkruan edhe marrëveshjen e fundit ndërmjet dy vendeve.
Kryeministri i Kosovës, Albin Kurti, në mbledhjen e përbashkët mes dy Qeverive, Kosovë-Maqedoni e Veriut, foli edhe për ndërtimin e autostradës Shkup-Bllacë. Kurti tha se presin që të përfundojnë 10 kilometrat e autostradës dhe të bëhet lidhja me autostradën “Arbër Xhaferi” në Kosovë. Mes tjerash, Kurti theks të veçantë i vendosi edhe tunelit Prizren – Tetovë, i cili tha se duhet angazhim për jetësimin e tunelit.
“Në këtë drejtim e mirëpresim përfundimin e autostradës nga Bllaca për në Shkup, më në fund. 10 kilometrat e mbetur që do të lidhte rrjetin e autostradave në Maqedoninë e Veriut me autostradën “Arbër Xhaferi” në Kosovë, dhe së bashku të angazhohemi për jetësimin e e tunelit që e lidh Prizrenin me Tetovën, angazhim ky tashmë i marrë nga dy vendet tjera”, deklaroi kryeministri i Kosovës, Albin Kurti.
Kryeministri i Maqedonisë së Veriut, Hristijan Mickoski është shprehur i lumtur për pritjen që ia bëri homologu i tij, Albin Kurti, sot në Prishtinë në kuadër të takimit të përbashkët mes të dyja vendeve.
Ai shpreson se “energjia dhe koha e bukur sot”, do të jetë një impuls i ri për marrëdhënie akoma më të mira mes Maqedonisë së Veriut dhe Kosovës.
“I dashur, Albin. Faleminderit për pritjen e shkëlqyer, energjinë dhe atmosferën që na e mundësuat sot këtu në Prishtinë. Shpresoj se kjo energji e bukur dhe koha e bukur do të jenë impulse të reja për marrëdhënie akoma më të mira midis të dyja vendeve. Shpesh herë takohemi jashtë shteteve tona dhe bisedojmë për gjendjen në vendet tona. Jemi të vetëdijshëm për sfidat, çdo herë konkludojmë se nëse punojmë bashkë do të jemi më të fuqishëm”, tha ai.
Mickoski tutje tha se bashkëpunimi ekonomik do të jetë mbi gjysmë miliard euro tregti midis të dyja vendeve.
“Gjatë takimit bilateral përcaktuam një qëllim këtë vit, bashkëpunimi ekonomik do të jetë mbi gjysmë miliard euro tregti midis dy vendeve tona, në vitet që pasojnë bashkëpunimi ekonomik do të jetë akoma më i madh, jam i bindur se do ia dalim. Takimi ndërqeveritar është provë dhe dëshmi se të dyja qeveritë tregojnë se bashkëpunojnë dhe kemi marrëdhënie miqësore dhe të afërta të cilat do t’i avancojmë. Kemi marrëveshje në pjesën e energjetikës, e poashtu edhe të rregullimit të kalimeve ndërkufitare që qytetarët që hynë dhe dalin nga vendet tona do të ndalen në një pikë kalimi dhe jo në dy, dhe në këtë mënyrë të mos ketë rrëmujë nëpër kufi. Të kemi një pikë kufitare dhe të përshpejtohet transferi i udhëtarëve”, u shpreh kryeministri maqedonas.
Zv.kyeministri dhe Ministri i Qeverisjes së mirë të RMV-së, Arben Fetai thotë se mbledhja e përbashkët e Qeverisë së Republikës së Maqedonisë së Veriut dhe Qeverisë së Republikës së Kosovës ishte një moment i rëndësishëm për forcimin e frymës së bashkëpunimit dhe partneritetit në rajon.
“E zhvilluar në një atmosferë pozitive dhe konstruktive, mbledhja rezultoi tejet produktive, me nënshkrimin e tre marrëveshjeve: për përmirësimin e lidhjeve të transportit dhe energjisë, bashkëpunimin në arsim dhe kulturë, si dhe për reduktimin e kohës së kalimit të kufijve përmes një protokolli të ri”, sqaron Fetai përmes një shkrimi në rrjetet sociale.
Mbledhje mes dyja qeverive ka pasur edhe në të kaluarën, edhe marrëveshje të nënshkruara, por impelmentimi i tyre në praktikë ka qenë i padukshëm, për faktin se nga pala e Maqedonisë së Veriut partia shqiptare në pushtet nuk ka pasur vullnet pozitiv. Pra, BDI kishte inate të pakuptimta për qëllime vetanake me partinë politike që udhëheq me qeverinë e Kosovës, Vetëvendosjen, prandaj çdoherë kur bëhej fjalë për thellim të raporteve Maqedoni e Veriut – Kosovë, ka pasur hezitim nga pala e vendit tonë. /Zhurnal.mk
Lajme nga vendi
Cana: Shtatë persona me ethet e Nilit Perëndimor në Klinikën Infektive, njëri ende në gjendje të rëndë shëndetësore
Shtatë persona të konfirmuar me ethet e Nilit Perëndimor janë të shtruar në Klinikën Infektive, përcjell TV21. Gjendja shëndetësore e njërit prej tyre, një 76-vjeçar nga Shkupi, i cili ndodhet në repartin e kujdesit intensiv të Klinikës Infektive, vazhdon të jetë e rëndë dhe ai është në mbështetje respiratore – deklaroi sot drejtori i Klinikës, Fadil Cana.
Ai theksoi se pacienti në gjendje të rëndë ndodhet në Klinikë prej një jave dhe nuk ka udhëtuar jashtë vendit. Gjashtë pacientët e tjerë të shtruar, sipas doktor Canës, janë mbi 60 vjeç, janë në gjendje të qëndrueshme shëndetësore dhe vetëm njëri prej tyre ka udhëtuar më herët në Greqi.
“Te të gjithë pacientët e hospitalizuar është konstatuar inflamacion viral i trurit dhe i cipave të trurit. Simptomat janë temperaturë e lartë, dhimbje e fortë koke, çorientim dhe çrregullim i vetëdijes”, shtoi dr. Cana për MIA-n.
Personat e hospitalizuar janë infektuar nga pickimi i mushkonjave të infektuara. Periudha e inkubacionit zakonisht zgjat nga 3 deri në 14 ditë pas pickimit, ndërsa shumica e personave e kalojnë infeksionin pa e kuptuar se kanë qenë të infektuar me virusin.
Lajme nga vendi
Kasami: 74 MILION EURO për spitalin klinik të Tetovës, nga sot kanë nisur përgatitjet për realizimin e këtij projekti kapital
Investimi prej rreth 74 milionë euro parashikon:
Më 29.07.2026 në orën 01:30, zyrtarët policorë nga DPB Gostivar kanë privuar nga liria personat G.J.(44) nga fshati Toplicë dhe A.A.(46) nga fshati Çegran, për shkak të dyshimit të bazuar se kanë kryer veprën penale “muandim i kafshëve”. Ditën e mëparshme, rreth orës 23:45, në hyrje të fshatit Toplicë, zyrtarët policorë nga Stacioni Policor Galatë kanë ndeshur një grup qytetarësh dhe qen me lëndime të dukshme dhe gjakderdhje nga organizimi ilegal i garave luftarake me qen. Sipas denoncimit, personat paraprakisht ishin merrë vesh për të organizuar ndeshjet e qenve. Është kryer këqyrje në vendin e ngjarjes, me ç’rast një qen i lënduar është gjetur në automjetin e udhëtarëve “Fiat”. Personat janë ndaluar në stacionin policor dhe pas dokumentimit të plotë të rastit do të dorëzohet kallëzimi përkatës.
……Më 28.07.2026 në orën 19:50 në fshatin Raven të Gostivarit, zyrtarët policorë nga DPB Gostivar kanë privuar nga liria personin E.O.(29) nga fshati Raven. Paraprakisht, rreth orës 18:35, përpara një objekti hotelerik në fshat, pas një mosmarrëveshjeje të shkurtër, ka pasur një përleshje fizike mes tij dhe personit T.M.(21) nga i njëjti fshat, me ç’rast ai i ka shkaktuar lëndime personit T.M. me një mjet të mprehtë. Për ngjarjen është njoftuar prokurori publik, ndërsa këqyrjen në vendin e ngjarjes e ka kryer ekipi i DPB Gostivar. Pas dokumentimit të plotë të rastit, do të vijojë kallëzimi përkatës.
……Më 28.07.2026 në orën 09:50, zyrtarët policorë nga DPB Gostivar kanë privuar nga liria personin G.K.(39) nga Gostivari. Ai dyshohet se ka kryer veprën penale “vjedhje” të një kulete ditën e mëparshme në rrugën “Mlladen Grueski” në Gostivar. Pas dokumentimit të plotë të rastit, ndaj tij do të dorëzohet parashtresa përkatëse.
…….Më 28.07.2026 në orën 21:30 në fshatin Urviç, në bazë të urdhëresës gjyqësore, zyrtarët policorë nga Stacioni Policor Kamjan kanë arrestuar personin A.N.(43) nga i njëjti fshat. Ai kërkohej për vuajtjen e dënimit me burg për vepër penale të kryer sipas nenit 202 lidhur me nenin 45 të Kodit Penal. Personi është shoqëruar dhe dorëzuar në Institucionin Ndëshkues-Përmirësues Burgu i Tetovës për vuajtjen e dënimit.
…….Më 29.07.2026 në orën 01:25 në fshatin Bogovinë të Tetovës, zyrtarët policorë nga Stacioni Policor Kamjan kanë privuar nga liria personin Sh.K.(56) nga fshati Kalisht, Komuna e Vrapçishtit. Gjatë kontrollit në trafik është ndaluar automjeti i udhëtarëve “Skoda” me targa të Gostivarit, të cilin e drejtonte ai, me ç’rast është konstatuar se e drejtonte automjetin pa leje drejtimi, gjegjësishtë pa patentë shoferi. Automjeti është konfiskuar dhe pas dokumentimit të rastit ndaj tij do të vijojë parashtresa përkatëse.
…….Më 28.07.2026 në orën 21:20 në Qendrën Klinike në Tetovë, R.R.(45) nga Tetova ka denoncuar se rreth orës 20:10 përpara ndërtesës ku banon në rrugën “Bllagoja Toska” në Tetovë, pas një mosmarrëveshjeje të shkurtër rreth parkimit të një automjeti, është sulmuar fizikisht nga G.S.. Po ndërmerren masa për zbardhjen e rastit.
…….Më 28.07.2026 në orën 22:10, zyrtarët policorë që nuk ishin të angazhuar në detyrë zyrtare, në afërsi të Sheshit të Qytetit në Tetovë kanë vërejtur prishje të rendit dhe qetësisë publike me përleshje fizike mes disa personave të rinj. Pas urdhrit të dhënë për ndërprerje dhe legitimim, një pjesë e personave janë arratisur, ndërsa në vendin e ngjarjes janë gjetur tre të mitur, një 16-vjeçar dhe dy 17-vjeçarë nga Tetova, me ç’rast njëri nga 17-vjeçarët është sjellë në mënyrë agresive dhe ka drejtuar ofendime ndaj zyrtarëve policorë. Ai është ndaluar dhe mbajtur në stacionin policor, me ç’rast tek ai është gjetur dhe konfiskuar një boks metalik. Ndërsa, pas alkooltestit të kryer, i janë matur 0.51 promilë alkool në gjak. Në prani të prindit, me të është kryer një bisedë zyrtare dhe pas dokumentimit të rastit do të vijojë parashtresa përkatëse.
……Më 29.07.2026 në orën 01:10 në SPB Tetovë, një grua 32-vjeçare nga Tetova ka denoncuar se rreth orës 18:30 përpara ndërtesës ku banon në Bllokun 70 është sulmuar fizikisht nga i dashuri i saj B.I. nga Tetova. Këtë mëngjes, ai vetë është paraqitur në stacionin policor dhe pas dokumentimit të plotë të rastit ndaj tij do të dorëzohet kallëzimi përkatës.
……Më 28.07.2026 në orën 17:55 në DPB Gostivar, nga Qendra Urgjente Gostivar është denoncuar se tek ata me lëndime të rënda është sjellë R.S.(62) nga Gostivari. Sipas denoncimit, ai i ka marrë lëndimet gjatë kryerjes së detyrave të punës në deponinë “Rusino”, përkatësisht ka rënë gjatë përpjekjes për t’u ngjitur në Eskavator. Këqyrjen në vendin e ngjarjes e ka kryer ekipi i DPB Gostivar.
…….Më 29.07.2026 në orën 01:40 në SPB Tetovë është denoncuar se në rrugën “Jasht Vardarit” në Tetovë ka shpërthyer zjarr në një objekt në ndërtim e sipër brenda rrethit të ish-fabrikës “Teteks”, ku janë djegur dërrasa. Zjarri është fikur nga ekipi i Njësisë Territoriale Kundër Zjarrit Tetovë, ndërsa persona të lënduar nuk ka. Këqyrjen e ka kryer ekipi i SPB Tetovë.
Cana: Shtatë persona me ethet e Nilit Perëndimor në Klinikën Infektive, njëri ende në gjendje të rëndë shëndetësore
Kasami: 74 MILION EURO për spitalin klinik të Tetovës, nga sot kanë nisur përgatitjet për realizimin e këtij projekti kapital
Kronika e zezë – Tetovë dhe Gostivar, 28 Korrik
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
