Lajme nga vendi
VLEN bën thirrje që institucionet të vazhdojnë gërmimet dhe gjetjet në pikat arkeologjike në Strugë dhe rrethinë
VLEN bën thirrje që institucionet të vazhdojnë gërmimet dhe gjetjet në pikat arkeologjike në Strugë dhe rrethinë. Ata bëjnë thirrje që zbulimi të mos politizohet. Nga kjo parti thonë se arkeologë shqiptarë kanë dhënë kontributin e tyre në këto gjetje dhe se të gjitha gjetjen janë dokumentuar me fotografi dhe video.
“Ky zbulim kaq i madh arkeologjik nuk duhet të politizohet. Përkundrazi, institucionet përkatëse duhet të sigurojnë mbështetje që gërmimet të vazhdojnë në vitet e ardhshme. Arkeologë shqiptar ka pasur. I nderuari z.Fitniu dhe profesori Mexhait Pollozhani kanë qenë prezent gjatë gjithë kohës së gërmimeve dhe e dyta kërkojmë që institucionet përkatëse të jenë më vigjilent, të jenë më të kujdesshëm në këtë drejtim, të ndajnë buxhet të mjaftueshëm dhe të mbështeten të gjithë arkeologët pa dallim nacionaliteti”, tha Salim Sulejmani, VLEN.
Partinë shqiptare në pushtet nuk e pengon përfshirja e figurës kontroverse të Pasko Kuzmanit në zhvillimet në Strugë.
A mendoni që ato (zbulimet) janë në rrezik duke qenë se Pasko Kuzman është pjesë dhe e shohim nën shoqërinë e ministrit të Kulturës?
“Unë nuk e di që Pasko Kuzman ka qenë pjesë e hulumtimeve, edhe pse ai ka qenë prezent. Por, prononcim për këtë ka pasur edhe ministri i Kulturës. Për ne nuk krijon ndonjë problem duke qenë se ai është arkeolog ndërsa të gjitha çështjet tjera u takojnë institucioneve që janë përgjegjëse për raste të tilla”, shtoi Salim Sulejmani, VLEN.
Dhe nuk ju pengon që…
“Aspak nuk do të na pengojë. A është Pasko, a është Fitniu, a është Hasani, Destani, Trajo e Petko. E rëndësishme është që të hulumtohet dhe me përkushtim e transparencë të tregohet gjithçka që zbulohet”, u shpreh Salim Sulejmani, VLEN
Prezenca e Kuzmanit në lokalitetin e gjetjeve epokale arkeologjike në Koroshishtë të Strugës, ka shqetësuar opinionin mu për shkak se Kuzman është i dënuar me vendim të plotëfquishëm në një lëndë për krim me artefakte.
Në Strugë, gjatë muajit të kaluar u bë zbulimi të cilin arkeologët e quajtën epokal. Sipas arkeologëve shqiptarë, gjetjet i përkasin fisit ilir Enkelejve.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
