Lajme nga vendi
Në ZZHTI Kërçovë është vënë gurthemeli i investimit belg në vlerë 40 milionë euro
Në ZZHTI Kërçovë sot filloi ndërtimi i fabrikës për bateri elektronike për automobila i kompanisë belge „Avesta Battery and Energy Engineering“ ku në fazën e parë do të investohen 10 milionë euro dhe do të hapen 120 deri 200 punësime.
Aleksandar Gollaboski, drejtor ekzekutiv i Avesta Shkup, paralajmëroi eksport prej 50 milionë euro në vitin e parë të investimit i cili thotë se do të arrijë 40 milionë euro, ndërsa numri i të punësuarve 600.
“Shpresojmë se objekti do të jetë gati vitin e ardhshëm. Eksporti në vitin e parë sipas planit të biznesit do të jetë rreth 50 milionë euro, ndërsa në kulmin e punës së fabrikës për shtatë – tetë vjet presim që të rritet dhjetëfish”, deklaroi Gollaboski.
Kryeministri Hristian Mickoski theksoi se fillimi i investimit është dëshmi se me punë të përbashkët mund të bëhet shumë.
“Sot këtu fillon një investim i bukur për këtë pjesë të Maqedonisë, në Kërçovë. Siç tha drejtori ekzekutiv, presim që numri maksimal i punonjësve në një moment të jetë 600, pse jo më shumë. Eksporti të jetë deri në gjysmë miliardë euro, presim që ajo të rritet në gjashtë deri në shtatë vjet. Këto janë vetëm dëshmi se mund të bëhet shumë bashkë, së bashku me drejtorin e ZZHTI-së Goce dhe investitori bënë shumë që ky projekt më në fund të jetësohet, kaloi edhe në mbledhjen e Qeverisë. E gjithë kjo duhet të punohet së bashku për të arritur gjendjen në të cilën jemi sot. Unë jam i bindur që investitori nuk do të ndalet këtu, se pas këtij investimi do të pasojë një tjetër, vazhdim i ciklit të investimit”, deklaroi Mickoski.
Paralajmëroi se do të shpallen edhe investime të tjera në periudhën në vijim dhe i përsëriti pritjet për miliarda euro investime deri në fund të vitit.
“Me këtë do të jemi më të mirët për kokë banori në Ballkan dhe po kthehemi sërish, por sigurisht në hartën e investitorëve, edhe pse do të thosha se ishim të harruar prej shtatë vitesh”, tha Mickoski.
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve