Lajme nga vendi
Ulet numri i ankesave në Këshillin për etikë në mediume në Maqedoni
Për një të tretën janë pakësuar ankesat në Komisionin për ankesa të Këshillit për etikë në mediumet e Maqedonisë (KEMM), apo në vitin 2024 kanë arritur gjithsej 84, u cek në konferencën e sotme për shtyp të KEMM-së. Kryetarja e KEMM-së, Biljana Georgievska tha se numrat tregojnë se më pak qytetarë në vitin 2024 patën nevojë të parashtrojnë ankesë në Komisionin për ankesa pranë Këshillit për Etikë në mediumet në Maqedoni (KEMM) për përmbajtje joadekuate në mediume.
“Numrat tregojnë se pjesa më e madhe e ankesave kanë të bëjnë me mediumet onlajn, sado që të hidhërohen pronarët e mediumeve onlajn. Numrat tregojnë se edhe më tej sfidë më e madhe për gazetarët paraqet neni numër 1 i Kodit të gazetarëve të Maqedonisë, përkatësisht raportimi i saktë, i balancuar dhe i kontrolluar, informata dhe fakte, të kontrolluara nga sa më shumë anë, së paku edhe një apo siç themi, ana e dytë”, thotë Georgievska,
Ajo theksoi se në vend të dytë është shkelja e nenit 10, përkatësisht përhapja e fjalorit urrejtës.
Kryetarja e Komisionit për ankesa pranë KEMM, Snezhana Tërpevska konsideron se numrat e ankesave të cilat kanë arritur tek ta nuk është reflektim i gjendjes reale, por megjithatë është indikacion për llojet e shkeljeve që më shpesh i bëjnë mediumet.
Leunora Kaliqi, kryetare e Këshillit drejtues të KEMM theksoi se profesioni i gazetarisë duhet të jetë krenar për këtë trup, si dhe për punën e Komisionit për ankesa pranë KEMM dhe të gjithë të cilët e mbështetin procesin e vetërregullimit.
Ajo theksoi se megjithatë numrat e ankesave zyrtare nuk e përshkruajnë pasqyrën reale në terren, sepse një pjesë e shkeljeve nuk janë regjistruar zyrtarisht. Kaliqi konsideron se unmri i ulur i ankesave mund të sqarohet me aktivitetet rreth procesit zgjedhor dhe proceseve të tjera shoqërore. Por, siç thotë, mediumet nuk mbeten indiferente ndaj vendimeve të Komisionit për ankesa, ndërsa një nga ankesat e KEMM është zgjidhja e vendimeve përmes mediacionit, i cili, siç thotë, është instrument i rëndësishëm për korrigjim dhe bashkëpunim, në vende se për konfrontim.
Lajme nga vendi
Kasami inspekton asfaltimin e rrugës drejt Sellcës: Çdo premtim po e kthejmë në realitet
“Po punojmë me përkushtim që çdo projekt të realizohet me cilësi dhe në afat, në shërbim të qytetarëve. Çdo premtim e kthejmë në realitet. Çdo vendbanim është i rëndësishëm për ne”, ka shkruar Kasami në një postim publik.
Asfaltimi i kësaj rruge pritet të përmirësojë ndjeshëm qarkullimin dhe lidhjen e zonës me Tetovën, duke lehtësuar lëvizjen e banorëve dhe zhvillimin lokal. Komuna e Tetovës ka paralajmëruar vazhdimin e investimeve infrastrukturore edhe në vendbanime të tjera rurale./zyrtare.net/
Lajme nga vendi
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
Me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, gjykatësi i procedurës paraprake në Gjykatën Penale të Shkupit u ka caktuar masën e paraburgimit afatshkurtër prej 48 orësh dy personave të dyshuar. Pas analizës së provave të grumbulluara, autoritetet kanë ngritur dyshime se këta individë kanë ndërmarrë aktivitete konkrete lidhur me sasinë prej 5 tonë marihuanë që u sekuestrua së fundmi në Republikën e Serbisë.
Masa e paraburgimit është vendosur me qëllim që t’i mundësohet prokurorisë kohë e mjaftueshme për të ndërmarrë veprimet e domosdoshme procesuale dhe për të siguruar praninë e të dyshuarve. Prokuroria sqaron se kjo masë është e justifikuar për shkak të kompleksitetit të rastit dhe karakterit të tij ndërkombëtar, ku afatet kohore për veprim janë shpesh të kufizuara. Institucionet po vijojnë me intensitet punën për zbardhjen e plotë të lëndës dhe kanë paralajmëruar se publiku do të informohet në kohë për rrjedhën e mëtejshme të procedurës.
Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.
Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.
Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
