Lajme nga vendi
Durmishi: Revizioni ka hasur në një sërë shkeljesh gjatë furnizimeve publike, parregullsi edhe gjatë punësimeve
Sipas revizionit që është bërë në Ministrinë e Ekonomisë, në vitin 2021, është bërë furnizimi i një Softverit për menaxhim të aplikacioneve për nevojat e ministrisë në vlerë prej mbi 2 milion denarë, por asnjëherë nuk është vënë në funksion. Këtë e bëri të ditur Ministri i Ekonomisë, Besar Durmishi, i cili shtoi se, ka indikacione për shkelje të procedurave.
“Shkelje janë bërë në procedurën e furnizimeve publike. Në vitin 2021, është bërë furnizimi i Softverit për menaxhim të aplikacioneve nga persona fizik dhe juridik për nevojat e ministrisë në vlerë prej 2 milion e 490 mije denarë, por i njëjti nuk është në funksion dhe nuk ka asnjë shpjegim ose raport se pse nuk është vënë në funksion ky Softver. Ka indikacione për shkelje të procedurave pasi i gjithë procesi është kryer në afat prej 15 ditëve kur dihet se bëhet fjalë për një Softver që kërkon kohë dhe profesionist. Revizioni konstaton se kjo paraqet rrezik dhe ka shkelje sepse për dy jave është kryer e gjithë procedura”, deklaroi Besar Durmishi – Ministër i Ekonomisë.
Sipas Durmishit, revizioni ka konstatuar shkelje edhe në shfrytëzimin e veturave zyrtare ku përfshihet edhe furnizimin me karburant. Ndërsa përveç këtyre shkeljeve, sipas Durmishit, parregullsi janë konstatuar edhe në angazhimin e personave me kontratë në vepër në këtë ministri.
“Po ashtu pas një procedure të veçantë administrative kemi informacione se buxheti i shtetit është dëmtuar për 127 milion denarë ose përafërsisht 2 milion euro, si rezultat i mos marrjes së masave nga ana e komisioneve të ministrisë në periudhën prej vitit 2019 e deri më 2023. Komisionet për kundërvajtje janë formuar në vitin 2022, por deri më 2024 nuk kanë ndërmarrë asnjë veprim duke bërë që shumë lëndë të vjetërsohen dhe shteti të humbet këtë shumë”, tha Besar Durmishi – Ministër i Ekonomisë.
Sipas Durmishit ftoi organet kompetente të shqyrtojnë raportin e revizionit duke theksuar se të gjithë ata që kanë bërë shkelje duhet të japin llogari. /Alsat.mk
Zv.kryeministri Arben Fetai dhe njëri ndër liderët e VLEN-it, ka thënë se do ta mbështesin Mendi Qyran si kandidat për kryetar të Komunës së Strugës.
Para shpalljes së kandidaturës nga Mendi Qyra, Fetai në emisionin “PodGo”, tha se VLEN do ta mbështesë Mendi Qyran, duke e quajtur edhe kandidaturë të qëlluar dhe fituese.
“Jemi në fazën e sondazheve. Është një kandidaturë e pavarur e cila tashmë përkrahet zyrtarisht nga VLEN-i që është Mendi Qyra në Komunën e Strugës. Është kandidatura më e qëlluar e mundshme. Do ta ketë përkrahjen e plotë të koalicionit. Ai ka qenë edhe themelues i subjektit Aleanca për Shqiptarët, e ndjejmë të afërt me dhe besoj është kandidaturë fituese që në fillim”, tha mes tjerash Fetai.
Ndërsa sa i përket komunave tjera, ai tha se ende nuk i kanë konfirmuar kandidatët dhe se për momentin janë duke bërë sondazhe.
Lajme nga vendi
Limani: Nuk e përjashtoj mundësinë që të jem kandidat për kryetar të komunës së Kërçovës
Ministri për Politikë Sociale, Demografi dhe Rini nga radhët e VLEN, Fatmir Limani nuk e përjashtoi mundësinë që të jetë kandidat për kryetar të komunës së Kërçovës në zgjedhjet lokale në vjeshtë, përcjell TV21. Limani tha se emri i tij është pjesë e anketave që po zhvillohen.
“Emri im është duke u anketuar, është pjesë përbërëse e anketave nga pala tjetër e opozitës. Nuk e përjashtoj këtë mundësi. Të gjithë e dimë se as Kërçova dhe as një komunë tjetër nuk janë dëshirë e jona personale, por është një realitet i bazuar mbi kërkesën dhe nevojat e qytetarëve. Ashtu siç të vendoset, ashtu edhe do të prononcohemi në fund”, the Limani.
Nga Ministria e Punëve të Brendshme njoftojnë se një person ka humbur jetë nga aksidenti i mbrëmjes së djeshme në rrugën “Leninova” në Shkup, përcjell TV21. Sipas MPB-së, një motoçikletë ka goditur për vdekje një këmbësor 68 vjeç.
“Më 01.07.2025 rreth orës 19:30 në SPB Shkup është raportuar se në një vendkalim për këmbësorë pranë rrugës “Leninova” në Shkup, një motoçikletë e markës “Kawasaki” me targa të Shkupit ka goditur këmbësorin J.N. (68) nga Shkupi, pas çka motoçiklisti është larguar nga vendi i ngjarjes. Nga aksidenti, këmbësori ka pësuar lëndime të rënda trupore, ndërsa bashkudhëtari në motoçikletë, H.I. (26) nga Shkupi, ka pësuar lëndime të lehta, të cilat janë konstatuar në Kompleksin e klinikave “Nëna Terezë” dhe në Spitalin e përgjithshëm të qytetit “Shën Naum i Ohrit”. Si pasojë e lëndimeve të marra, J.N. ka ndërruar jetë në Kompleksin e klinikave “Nëna Terezë”. Është kryer ekspertizë në vendin e ngjarjes nga një ekip i SPB Shkup dhe po ndërmerren masa për zbardhjen e plotë të rastit”, thonë nga MPB.
Fetai: VLEN do ta mbështesë Mendi Qyrën në Komunën e Strugës
Urat e Mitrovicës, Vuçiç i ankohet Perëndimit: Nuk u mor pëlqimi i popullit serb!
Limani: Nuk e përjashtoj mundësinë që të jem kandidat për kryetar të komunës së Kërçovës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve