Sport
LIGA E PARË: SHKËNDIJA SHUMË E FUQISHME PËR SILEKSIN
Dy fitore të ekipeve vendase një barazim dhe tre fitore të ekipeve mysafire me 15 gola të shënuar është epilogu i ndeshjeve të javës së 20 në Ligën e parë të futbollit vendor, Shkëndija me 43 pikë kryeson tabelën pra Rabotniçkit që ka 40 dhe Gostivarit me 39 pikë
Derbi në Tetovë mes dy skuadrave pretendente për kreun e tabelës Shkëndija dhe Sileksi që nisi me ndarjen e dy dhuratave nga ana e klubit kuqezi për dy legjendat e saj Ferhan Hasani për karrierën e tij të lavdishme pas vendimit për t’u tërhequr nga futbolli dhe Besart Ibraimin për arritjen historike të 150 golave me fanellën kuqezi!
Sa i përket ndeshjes nisi ashtu siç u ka hije dy skuadrave pretendente për kreun e tabelës. Shkëndija ishte superiore gjatë gjithë ndeshjes edhe pse të parët në epërsi kaluan mysafirët por gëzimi i tyre zgjati vetë pesë minuta, pasi Kërstevski barazoi me super gol që rrallë shihet në terrenet e futbollit, ndërsa në pjesën e dytë Ramadani, Ibraimi dhe Latifi në tërësi demoluan ekipin mysafirë të cilët në fundë të ndeshjes arritën që zbusin rezultatin në 4-2. Kjo fitore e kuqezinjve tetovar hapë rrugën drejt titullit të pestë kampion. Pas ndeshjs trajneri Jeton Beqiri deklaroi se nuk ishte i kënaqur me pjesën e parë dhe shumë i kënaqur me pjesën e dytë ku në shprehje erdhi cilësia
“Patjetër unë jam shumë i kënaqur në aspektin fizik me skuadrën krahasuar me sezonin vjeshtor dhe normalisht edhe cilësitë që kemi në skuadër dhe futbollistët që janë në panin janë futbollist të cilët janë shumë cilësorë. Konkurrenca është e madhe unë jam i kënaqur si ekipi punon, por duhet të tentojmë të përmirësohemi nga dita në ditë” deklaroi trajneri Jeton Beqiri
Derbi ndërmjet Besës së Dobërdoillit dhe Gostivarit u mbyll me barazim pa gola, edhe pse skuadra vendase pati dy raste të volitshme por portieri mysafir dhe fati nuk ishte në anën e tyre. Por vendasit ankohen se u janë mohuar edhe dy penaltia për çka zyrtarisht kanë reaguar ku mes tjerash thuhet “Nëse edhe në ndeshjen e radhës përballemi me të njëjtin trajtim të padrejtë dhe referim tendencioz, presidentët e klubit do të tërhiqen nga garat e metutjeshme!”
Fitore të rëndësishme sot ka regjistruar edhe Shkupi në transfertën me AP Brera në Strumicë me rezultatin 2-1, Rabotniçki mori fitore minimale 1:0 nga Voska Sport me. Pelisteri ka befasuar ekipin e Tikveshit në Kavadar duke e mundur 2-1. Të shtunë Struga Trim Lum u befasua nga Vardari duke humbur 0-2, për çka pas ndeshjes trajneri Qatip Osmani ka dhënë dorëheqje të pa revokueshme , Pas javës së 20-të Shkëndija kryeson me 43 pikë, pasojnë Rabotniçki me 40, Gostivari 39. Sileksi 38, Struga Trim Lum 32 pikë .
Rezultatet: Shkëndija – Sileksi 4-2, Besa – Gostivari 0-0, Rabotniçki – Voska Sport 1-0, AP Brera – Shkupi 1-2, Tikveshi – Pelisteri 1-0, Struga Trim Lum – Vardari 0-2
TABELA: 1. Shkëndija 43 pikë, 2.Rabotniçki 40, 3.Gostivari 39, 4.Sileksi 38, 5.Struga Trim Lum 32, 6. Shkupi 28, 7.Pelisteri 23, 8.AP Brera 20, 9.Vardari 16, 10. Tikveshi 15, 11.Voska Sport 15 dhe 12. Besa e Dobërdollit 14 pikë
Në xhiron e 21-të, më 2 mars në ora 14:00, takohen: Gostivari – Rabotniçki, Shkëndija – Tikveshi, Vardari – Besa, Shkupi – Pelisteri, Sileksi – Struga Trim Lum dhe Voska Sport – AP Brera
Shaban Sinani – TV Koha
Në ndeshjet e tretë dhe të fundit kontrolluese në Slloveni, Shkëndija barazoi 1:1 përballë ekipit bullgar, CSKA Sofia. Ekipi sot është kthyer në Tetovë ku do të vazhdon me fazën përgatitore kthehet Krasniqi realizon super gol për kuqezinjtë.
Kampioni I Maqedonisë së Veriut , klubi futbollit Shkëndija në kuadër të përgatitjeve në Slloveni për pjesëmarrjen në eliminatoret në Ligën e Kampionëve, dje ka zhvilluar ndeshjen e tretë kontrolluese me skuadrën bullgare CSKA të Sofjes, ndeshje kjo e cila pas 90 minutave loje interesante dhe me raste nga të dyja palët përfundoi me barazim 1-1. Skuadra bullgare e para kaloi në epërsi me golin e Ivanov në minutën e 60-të, ndërsa Endrit Krasniqi barazoi në minutën e 84-të. Për skuadrën kuqezi ishte kjo kontrolluesja e tretë e zhvilluara në tokën sllovene ku ka një fitore kundër ekipit Argesh Piteshti të Rumanisë, një humbje 4-0 nga FC Kopër e Sllovenisë dhe barazimi i djeshëm 1-1 me ekipi bullgar CSKA të Sofjes. Trajneri Jeton Beqiri edhe në këtë ndeshje gjatë minutave në lojë inkuadroi pjesën më të madhe të futbollistëve që ka në diskonim. Skuadra e Shkëndijës menjëherë pas ndeshjes është nisur drejt Tetovës, duke përfunduar më herët qëndrimin për shkak të obligimeve logjistike për përgatitjen e ndeshjes së parë kualifikuese në Ligën e Kampionëve ndaj The New Saints në Uells.
Kampionati Botërorë i futbollit për klube vazhdon sipas orarait që kanë përcaktuar organizatorët, Në 1/8 e finales do të përballen Chelsea – Benfika dhe Flamengo- Bayern
Çellsi u kualifikua për në 1/8 e finales të Kupës së Botës për Klube , pasi mposhti Esperance de Tunis 3-0 në Lincoln Financial Field, duke regjistruar fitoren e pestë në gjashtë ndeshjet e fundit pa pësuar gol.
Në një ditë nxehtë në Filadelfia, ekipi i Enzo Marescas – pa Cole Palmer e Pedro Neto – pati vështirësi në fillim, por arriti të zhbllokon rezultatin së pari mme golin Tosin Adarabioyo në fund të pjesës së pare dhe me dy golat Liam Delap dhe Tyrique George në pjesën e dytë.
Nga ana tjetër ekipi portugez ka befasuar Bajern Munihun duke mundur me rezultatin 1-0, me një gol të vetëm që e ka realizuar Andreas Schjelderup. Ndeshja mes Los Anxhelos – Flamengo ka përfunduar me barazim 1-1, ashtu si edhe takimi mes Aukland Citi – Boka Junors që përfundoi me barazim 1-1
Në raundin tjetër përballen Chelsea – Benfika dhe Flamengo- Bayern
Me katër ndeshje para që u zhvilluan në para ditën e sotme zyrtarisht filloi Kampionati Ballkanik i Volejbollit në rërë që mbahet në sheshin ‘Ilirija ‘ në Tetovë
Me ndeshjen mes reprezentacionit të Turqisë dhe atij të Shqipërisë, sot në sheshin “Ilirija” në Tetovë filloi Kampionati Ballkanik i volejbollit në rërë, për kategoritë nën 22 vjeç, ku marrin pjesë ekipe nga gjashtë vende të rajonit si Shqipëria, Kosova, Rumunia, Moldavia, Turqia dhe vendi nikoqir Maqedonia e Veriut. Shqipëria në këtë kampionat prezantohet me ekip të re si në kategorinë e djemve ashtu edhe në at të vajzave që pritet të jenë e ardhmja e ardhmja e vendit. Këtë për televizionin Koha e deklaroi trajneri i reprezentacionit Emiljan Xhebrahimi pas ndeshjes ku pësuan disfatë kundër Turqisë
‘ Humbëm kundër një ekipi që është shumë më lartë se neve normalisht janë , Neve i kemi të dy grupmoshat shumë të ri po mendojmë për perspektivën , për të vazhduar më tej. E kemi nisur me këto që përherë të parë e përfaqësojnë Shqipërinë deh janë të gjithë nën 20 vjeç. Këtu janë të katërt përveç njërit që është pak më i madh, tre të tjerët janë nën 20 vjeç.. Duam të nisim një projekt me këtë grupmoshë , në Shqipëri kemi edhe dy grupmosha tjera që do mundohemi të vazhdojmë këtë punë, prandaj edhe rezultati ishte i atill ‘ deklaroi trajneri Emiljan Xhebrahimi
Sa i përket pritjes dhe përkrahjes nga tetovarët trajneri Xhebrahimi tha se kjo është kënaqësia më e madhe
‘Normalisht kjo ishte kënaqësia më e madhe, vijmë këtu si shqiptarë që të mblidhemi të gjithë së bashku këtu dhe të përfaqësojmë denjësisht duke parë që neve siç thash edhe më parë e kemi grupmoshën shumë të vogël në krahasim me ekipet e tjera ‘tha Xhebrahimi
Volejbollistja shqiptare Sonja Sulejmani tha se është e mahnitur nga mikpritja këtu në qytetin e Tetovës, ndërsa sa i përket garave tha se do të mundohen të paraqiten denjësisht .
‘ Jemi pritur shumë mirë sidomos se gjuha flitet shqip edhe këtu. Jemi ndjerë tamam si në shpinë tonë. Neve nuk kemi ardhur me një qëllim të caktuar, për të dal në vend të caktuar por sigurisht presim të përfaqësohemi denjësisht si çupat si çunat dhe pse jo të fitojmë ndeshjet‘ deklaro Sonja Sulejmani
Në ndeshjet e sotme të zhvilluara para dite u shënuan këto rezultate: Turqia – Shqipëria 2-0, Moldavia 2 – Rumunia 0-2, Moldavia 1- Maqedonia e Veriut 2-0 dhe Turqia 2 – Kosova 2-0
SHABAN SINANI – TV KOHA
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve