Tifozët nga Maqedonia e Veriut ishin e vetmja pikë e ndritshme në disfatën e thellë kundër Danimarkës në Kopenhagë.

Me këtë rast, një falënderim I sinqertë sot në mëngjes është publikuar nëpër rrjetet sociale nga FFM-ja me dedikimin se mbështetja e tyre është një motiv që të bëhemi më të fortë.

Futbolldashësit në Maqedoninë e Veriut janë tepër të zhgënjyer nga performansa e futbollistëve, vendosja taktike dhe përzgjedhja e 11-shit të parë.

Seleksionuesi Goce Sedloski pas ndeshjes deklaroi se analizat nuk do t`i bëjë me “kokë të nxehur”, por ditëve në vijim pasi të ulen tensionet.

Por, kanë nisur të shfaqen edhe reagimet e para.

Advertisement

Një mesazh që qarkullon nëpër rrjetet sociale është e bashkëshortes së futbollistit Aleksandar Trajkovski, i cili të rikujtojmë para katër viteve shënoi golin historik kundër Italisë në Palermo. Sipas saj, Trajkovskit iu pamundësua ta bëjë paraqitjen e 99-të në fanellën e përfaqësueses së Maqedonisë së Veriut.

Ajo mes tjerash në Facebook ka shkruar.

“Kur do të ndalemi t`i vlerësojmë vlerat e vërteta, kur do të harrojmë kush ka ndërtuar dhe kush ka dhënë, atëherë nuk e humbim vetëm lojtarin. Humbim fytyrën, Humbim arsyen” – ka shkruar bashkëshortja e Trajkovskit, duke aluduar me faktin që dyshja sulmuese Trajkovski – Miovski nuk u inkuadrua në 11-shin e parë.

Seleksionuesi Sedloski mbrëmë deklaroi se është e palejueshme që rënia taktike dhe fizike në pjesën e dytë të ndeshjes dhe kjo nuk guxon të ndodh në të ardhmen.

Topi është tek Sedloski për të vlerësuar se kush gaboi, kush ra fizikisht dhe taktikisht dhe për cilin s`ka vend në vizionin e tij futbollistik.

Advertisement

Shihemi në Dablin…

Dje, në ora 22:50 në rrugën rajonale Tetovë-fshati Vollkovi, zyrtarë policorë nga Stacioni Policor për Sigurinë e Komunikacionit Rrugor Tetovë kanë privuar nga liria një 23-vjeçar nga fshati Zhelinë e Tetovës. Ai është kapur duke drejtuar automjetin e udhëtarëve “Volksvagen Golf” me targa të Tetovës pa pasur leje drejtimi. Automjeti është konfiskuar dhe pas dokumentimit të plotë të rastit ndaj tij do të parashtrohet kallëzim përkatës.

Dje, në ora 19:15 në fshatin Kamjan të Tetovës, zyrtarë policorë nga Departamenti Policor i Kamjanit kanë ndaluar një 28-vjeçar nga po i njëjti fshat. Ai kërkohej me urdhëresë gjyqësore për vuajtje të dënimit me burg për vepër penale të kryer sipas nenit 297 të Kodit Penal.  Ai është dërguar në Institucionin Ndëshkues-Përmirësues Burgu i Tetovës për vuajtjen e dënimit.

Dje, në ora 17:30 në SPB Tetovë, një 40-vjeçar nga Tetova ka denoncuar se rreth orës 12:50 në fushën e futbollit në një shkollë fillore në Tetovë, gjatë një turneu sportiv, vajza e tij 13-vjeçare është sulmuar fizikisht nga katër nxënëse më të rritura. Po merren masa për zbardhjen e rastit.

Dje, në ora 15:30 në Departamentin Policor të Tearcës është denoncuar se në periudhën nga ora 12:00 deri në ora 15:00 është hyrë në xhaminë e fshatit Sllatinë të Tetovës dhe me përdorimin e forcës dhe mjetit të fortë është hapur arka me kontribute vullnetare dhe janë marrë para. Inspektimin e vendit të ngjarjes e ka kryer ekipi nga SPB Tetovë dhe po merren masa për zbardhjen e rastit.

Dje, në ora 12:15 në një fshat të Tetovës, zyrtarë policorë nga Departamenti Policor i Zherovjanit kanë privuar nga liria një 31-vjeçar duke vepruar sipas denoncimit paraprak se rreth orës 11:45 ka sulmuar fizikisht nënën e tij 54-vjeçare dhe bashkëshortin e saj, i cili ka tentuar ta mbrojë, me çka i ka kërcënuar edhe me mjet të mprehtë. Ai është ndaluar në stacionin policor dhe pas dokumentimit të rastit ndaj tij do të parashtrohet kallëzim përkatës.

Advertisement

Në tryezën e rrumbullakët “Roli i tregut dhe shtetit në menaxhimin e burimeve të kufizuara”, ekspertët vlerësuan se është e pashmangshme një valë e re e inflacionit. Edhe pse nuk pritet një rritje e ndjeshme, inflacioni do të vazhdojë të rritet. Pasiguria e bën të vështirë edhe vlerësimin e rritjes ekonomike.

Taki Fiti: ulja e akcizës, kursimi dhe koordinimi i politikave

Akademiku Taki Fiti është i mendimit se ulja e akcizës do të kishte një efekt të drejtpërdrejtë në çmimin e derivateve të naftës. Sipas tij, është e nevojshme të forcohet kontrolli antimonopol, sepse disa kompani nën pretekstin e rritjes globale të çmimeve, po i rrisin çmimet e tyre të prodhimit.

Fiti thotë se nëse kriza vazhdon, do të jetë i nevojshëm një ribalanc i buxhetit, kursim dhe ulje maksimale e shpenzimeve joproduktive. Ai vlerësoi se çmimi i naftës nuk do të bjerë shpejt, ndërsa infrastrukturës së shkatërruar të naftës dhe gazit në Katar dhe Iran do i duhen muaj për t’u rindërtuar.

Vanço Uzunov: Qeveria është vonë, inflacioni është kronik

Profesori Vanço Uzunov është i mendimit se masat e qeverisë janë të vonuara dhe të pamjaftueshme, veçanërisht në kushtet kur çmimi i naftës ka shkaktuar tashmë një rritje të shpenzimeve në numrin më të madh të sektorëve.

“Kategoritë më të cenueshme janë tashmë të varfra, ndërsa disa nga qytetarët që nuk ishin nën pragun e varfërisë së shpejti mund të gjenden atje”, paralajmëroi Uzunov. Ai bëri thirrje për masa selektive dhe një plan të qartë, jo, siç tha ai, mesazhe të tipit “mos u shqetësoni, po e ndjekim situatën”.

Advertisement

Sipas tij inflacioni në vend është bërë kronik dhe shteti nuk po bën mjaftueshëm për ta ndaluar këtë trend.

Borçe Trenovski: çdo masë e ka një çmim

Profesori Borçe Trenovski paralajmëron se çdo masë antikrizë ka një barrë financiare: “Çfarëdo mase që të merrni, dikush duhet ta paguajë koston, ose shteti përmes tatimeve të të gjithë qytetarëve ose biznesit, përmes rritjes së çmimeve të tyre, ose qytetarët përmes uljes së standardit të tyre të jetesës”, tha ai.

Sipas profesorit, skenari më i mirë është që të gjithë të marrin pjesë në pjesën e tyre dhe të gjithë të mbajnë një pjesë të rrezikut në të cilin ndodhemi. Ai bën thirrje për përdorim të kujdesshëm të fondeve publike dhe një shtet dhe treg efikas. Pasiguria rreth çmimeve të energjisë, normave të interesit dhe rritjes evropiane e bën të vështirë çdo parashikim ekonomik.

Kryeministri qetëson: situata është e qëndrueshme, rezervat janë siguruar

Kryeministri Hristijan Mickoski thotë se pavarësisht krizës globale situata energjetike është e qëndrueshme. Sipas tij janë siguruar rreth 165.000 ton qymyr, hidroakumulacionet janë 40% të mbushura dhe gaz ka deri në fund të prillit. Nga foltorja në Kuvend, duke iu përgjigjur pyetjeve parlamentare, ai vlerësoi se shteti “eksporton stabilitet”, sepse furnizon disa aeroporte të huaja me kerozin.

Edhe ministri i ekonomisë, Besar Durmishi, është i mendimit se shteti reagoi në kohën e duhur duke e ulur TVSH-në për naftën nga 18% në 10% dhe duke i monitoruar vazhdimisht çmimet e produkteve bazë. Ai informoi se janë caktuar 30 ekipe mobile të inspektoratit të tregut, të cilat po e monitorojnë intensivisht zinxhirin e furnizimit. Deri më tani, sipas tij, nuk janë identifikuar rritje të palogjikshme.

Advertisement

Durmishi thotë se në dy muajt e fundit inflacioni ka qenë në rënie, gjë që tregon për stabilizim.

Situata e tensionuar në Lindjen e Mesme ka pasur ndikim të drejtpërdrejtë në tregjet globale, veçanërisht në energji dhe zinxhirët e furnizimit. Rritja e pasigurisë në këtë rajon ka shkaktuar luhatje në çmimet e naftës dhe transportit, të cilat më pas reflektohen në koston e prodhimit dhe shpërndarjes së produkteve ushqimore. Si rrjedhojë, edhe ekonomitë më të vogla dhe të varura nga importi, si ajo e Maqedonisë së Veriut, ndjejnë efektin zinxhir, ku çdo rritje e kostove në nivel global përkthehet gradualisht në çmime më të larta për konsumatorët në raftet e supermarketeve.