Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.

Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.

Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues

Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.

Objektet e ndërtuara pa leje dhe në tokë shtetërore, apo muret e vendosura pa leje paraprake, e që kanë pësuar dëme gjatë vërshimeve të para tre ditëve apo rrëshqitjes së dheut, nuk do të jenë pjesë e planit për kompensim të dëmit nga ana e komunës. Këtë e ka bërë të ditur sot kryetari  i komunës së Tetovës Bilall Kasami, i cili porositi banorët që të mos ndërtojnë në tokë shtetërore dhe pa leje apo matje adekuate , sepse kështu vetëm se do vënë veten dhe familjet e tyre në rrezik.

BILALL KASAMI. KRYETAR I KOMUNËS SË TETOVËS

“Shtabi i Krizës dhe ekip nga komuna janë në terren, dhe sipas vlerësimit tonë, pika më kritike paraqitet rruga e banjës në qytet, dhe të tjerat janë në parcela dhe objekte shtëpi private, por fatkeqësisht një pjesë e tyre janë të ndërtuara pa leje dhe vështirë e ka edhe komuna edhe Qeveria për të intervenuar. Qytetarët duhet të vetëdijesohen se ndoshta iu duket më e leverdishme të ndërtojnë në pronë shtetërore nëpër kodrinat e qytetit, por këtu komuna dhe shteti e kanë të pamundur të intervenojnë me investime, sepse për të investuar ne duhet pasur plan dhe projekt, siç kërkon Ligji dhe kushtet e ndërtimit. Bëj thithje gjithë qytetarëve që të kenë kujdes jetën e tyre dhe të familjeve të tyre kur vendosin të ndërtojnë një shtëpi diku pa leje dhe pa kushte që kërkon Ligji”.

Marrë parasysh se rrëshqitjet e dheut janë të shpeshta në rrugën e Banjës, Ndërmarrja Publike Komunale e Tetovës, ka formuar ekip të veçantë për rrugën për tek Banja e Tetovës.

SAMET BISLIMI – DREJTOR I NPK “TETOVA”

Advertisement

 “Shkaku se rruga e Banjës paraqet rrezik për qytetarët, më të filluar të reshurat e shiut, ne kemi formuar një ekip apostafat për këtë rrugë që kujdeset çdo ditë që të pastroj rrugën që e njëjta të jetë e kalueshme”.

Me ngrohjen e motit, komuna ka paraparë që në rrugën e Banjës, të intervenoj në heqjen e dheut dhe gurëve të mëdhenj, në disa pika ku rrëshqitjet janë të përditshme.

Iftarë e syfyr do të jenë vaktet ku amviset e shtëpive duhet të përgatitin ushqimet për familjet e tyre. Ramazani vjen me begati, por edhe me sofra që duhet të jenë më të mbushura.

Në Tregun e Tetovës mund të gjesh gjithcka, varësisht xhepit. Ofertat tashmë janë shtuar në prag të Ramazanit dhe kështu pritet të jetë gjatë gjithë këtij muaji të bekuar.

Nuk mungojnë pemët e perimet, por nuk mungojnë edhe hurmat e ullinjtë pjesa e pandashme e sofrës së iftarit apo syfyrit.

Jemi në prag të Muajit të Bekuar të Ramazanit, kurse tregtarët tashmë kanë shtuar ofertat e tyre për konsumatorët. Por, fuqia blerëse e qytetarëve është në rënie ndaj çmimeve që ofrohen. Por, c`thonë qytetarët, si ju duken ofertat dhe çmimet në prag të nisjes së Ramazanit?

 “Si gjithmonë, çmimet janë çmime, kanë hip pak, kanë zbrit pak, da ta kalojmë edhe këtë”

Advertisement

“Cmimet shumë të bukura. Pak me peshë më të madhe, por mirë janë. Unë nuk kam dalë për çmimet, port a humbi kohën se s`kemi pare për këto. 500 denarë një kg groshë”

“Unë vij ng fshati. Në fshat janë katastrofë cmimet, për atë shkak vijmë në qytet për cmime më të ulëta”

Shitësit thonë se cmimet janë të njëjta dhe se nuk ka rritje të tyre për Ramazan. Thonë se k shumë pak të interesuar për të blerë, por se do të vazhdojnë me ofertat e tyre.

“Çmimet janë të volitshme, të mesme, nuk janë të shtrenjta”

“Nuk kanë lëviz çmimet, janë si përpara dhe tash. Për ne s`ka interesim, shumë dobët shitja, s`kanë pare njerëzit”

Advertisement

“Njerëzve cfarë ju duhet marrin. Ndonjë hurma, ndonjë ullinj”

Nëse ndalen tek pemët e perimet, qytetarët sikurse anashkalojnë mishtoret. Mish shpatulle – 800 denarë, muskuj – 750, mish butke – 950 denarë, mbase janë cmime të papërballueshme për një kategori të madhe të qytetarëve.

Edhe Restoranet tashmë kanë publikuar të ashtuquajturat menytë e Iftarit. Çmimet lënë shumë për të dëshiruar, por sipas praktikës së vitit të kaluar, restoranet do të kenë shumë punë, mbase për shkak të një tradite të re në këtë nënqiell që iftaret e përbashkëta familjare të bëhen nëpër restorane e jo nëpër shtëpi.

Po hyjmë në Muajin e Bekuar të Ramazanit, në kohën kur fuqia blerëse e qytetarëve është në rënie të ndjeshme, në kohën kur një përqindje e madhe e familjeve kanë vështirësi me “idaren”.

Por, Rajoni I Tetovës cdoherë ka dëshmuar fuqinë e solidaritetit dhe humanitetit. Kjo padyshoim se nuk do të mungojë as edhe këtë muaj, madje me aktivitete të shtuara. TV KOHA

Advertisement