Një 42-vjeçar, i cili u kap në flagrancë gjatë transportimit të mallrave që kishte kontrabanduar nga Maqedonia e Veriut, është arrestuar nga policia shqiptare në Dibër. Në pranga ka rënë edhe një doganier i degës Bllatë, pasi dyshohet se nëpërmjet korrupsionit, ka lejuar kryerjen e kësaj veprimtarie kriminale, përcjell TV21. Një doganier tjetër është vënë nën hetim, i dyshuar për shpërdorim të detyrës.

“Në kuadër të operacionit “Skaneri” u vu në pranga shtetasi A. C., 42 vjeç, banues në fshatin Maqellarë, për veprat penale “Korrupsioni aktiv i personave që ushtrojnë funksione publike”, “Kontrabanda me mallra të tjera”, “Kontrabanda me mallra të ndaluara ose të kufizuara”, “Tregtimi dhe transportimi i mallrave që janë kontrabandë” dhe “Fshehja të ardhurave”; -u vu në pranga shtetasi A. L., 51 vjeç, banues në Tiranë, me detyrë doganier në Degën Doganore Bllatë, për veprat penale “Korrupsioni pasiv i personave që ushtrojnë funksione publike” dhe “Shpërdorimi i detyrës” dhe nisi procedimi në gjendje të lirë për shtetasin E. M., 50 vjeç, banues në Korçë, me detyrë doganier në Degën Doganore Bllatë, për veprën penale “Shpërdorimi i detyrës”. Në territorin e njësisë administrative Maqellarë, u ndalua automjeti tip “Opel” që drejtonte 42-vjeçari. Nga kontrolli në automjet u gjetën mallra (kuti me detergjente dhe materiale për paketim) të dyshuara të kontrabanduara, pasi nuk ishin të pajisura me fatura blerjeje. Nga hetimet e mëtejshme për këtë rast, dyshohet se 2 doganierët kanë shpërdoruar detyrën, duke favorizuar 42-vjeçarin, për kryerjen e kësaj veprimtarie kriminale”, thuhet në njoftimin e Policisë së Shqipërisë.

Për herë të parë në historinë e Index Passport Henley, lista e pasaportave më të fuqishme në botë nuk përfshin më Shtetet e Bashkuara në dhjetëshen më të mirë. SHBA-të ranë në vendin e 12-të, të barabarta me Malajzinë, në raportin e fundit tremujor.

Lista e pasaportave më të fuqishme në vitin 2025:
– Singapori (193 destinacione)

– Koreja e Jugut (190)- Japonia (189)

– Gjermania, Italia, Luksemburgu, Spanja, Zvicra (188)

– Austria, Belgjika, Danimarka, Finlanda, Franca, Irlanda, Holanda (187)

Advertisement

– Greqia, Hungaria, Zelanda e Re, Norvegjia, Portugalia, Suedia (186)

ChatGPT së shpejti do të lejojë përmbajtje erotike për të rriturit e verifikuar, thotë shefi i OpenAI
AI
ChatGPT së shpejti do të lejojë përmbajtje erotike për të rriturit e verifikuar, thotë shefi i OpenAI
– Australia, Republika Çeke, Malta, Polonia (185)

– Kroacia, Estonia, Sllovakia, Sllovenia, Emiratet e Bashkuara Arabe, Mbretëria e Bashkuar (184)

– Kanada (183)

– Letonia, Lihtenshtajni (182)

Advertisement

– Islanda, Lituania (181)

– SHBA, Malajzia (180)

Maqedonia renditet e 42-ta me qasje pa viza në 129 vende.

Vendi më mirë i renditur në rajon është Greqia, pasaporta e së cilës renditet e 6-ta me qasje pa viza në 186 vende.
Serbia është në vendin e 36-të, me qasje pa viza në 137 vende, Shqipëria është e barabartë në vendin e 47-të me Bosnjën dhe Hercegovinën, me qasje pa viza në 122 destinacione. Pasaporta bullgare renditet e 14-ta me qasje pa viza në 178 vende. Mali i Zi renditet i 43-ti me akses pa viza në 128 vende, ndërsa Kroacia dhe Sllovenia janë të barabarta në vendin e 8-të me akses pa viza në 184 vende.

Në fund të listës, në vendin e 106-të, Afganistani mbetet pasaporta më e dobët me akses pa viza në vetëm 24 destinacione, dy më pak se në fillim të vitit. Siria renditet e 105-ta (26 destinacione) dhe Iraku renditet i 104-ti (29 destinacione). Hendeku në lëvizshmëri midis pasaportave më të mira dhe më të këqija është 169 destinacione.

Advertisement

Çfarë e bën një pasaportë “të fuqishme”? Një tregues i qartë është hapja ndaj udhëtimit – mundësia për të hyrë në destinacione anembanë botës thjesht duke treguar pasaportën tuaj, pa pasur nevojë për vizë.

Indeksi i Pasaportave Henley është një nga disa që matin “fuqinë” e një pasaporte të tillë dhe për herë të parë në historinë e tij 20-vjeçare, pasaporta amerikane ka rënë nga dhjetë të parat. Tre pasaporta aziatike tani mbajnë vendin e parë: Singapori me qasje pa viza në 193 destinacione, Koreja e Jugut me qasje në 190 destinacione dhe Japonia me 189 destinacione.

Kandidati i koalicionit VLEN për kryetar të Komunës së Çairit dhe njëri nga liderët e koalicionit, Izet Mexhiti mori pjesë në takimin e organizuar nga Oda Ekonomike e Maqedonisë Veri-Perëndimore (OEMVP) me liderët e koalicionit VLEN dhe kandidatët e këtij koalicioni për kryetarë komunash.

Në fjalën e tij, Mexhiti theksoi rëndësinë e bashkëpunimit të ngushtë midis komunave, Qeverisë dhe sektorit të biznesit, si parakusht për zhvillim të qëndrueshëm ekonomik në komunat shqiptare. Ai rikujtoi se ditët e fundit është mbajtur edhe një takim i veçantë për zonën e Vizbegut, e cila sipas tij meriton vëmendje të shtuar institucionale për shkak të kontributit të madh ekonomik që jep.

“Vizbegu është zonë që jep më së shumti dhe e mbush arkën e shtetit përmes tatimeve të kompanive dhe mijëra punëtorëve që punojnë aty. Kjo zonë ka nevojë për infrastrukturë të denjë, për rrugë të rekonstruuara si ‘Hasan Prishtina’ e ‘rruga e Kaçanikut’, që të jenë në funksion të ndërmarrjeve ekonomike. Këtu duhet bashkëpunim mes komunave përreth, Qeverisë dhe një kryetari të ri të Qytetit të Shkupit që e kupton rëndësinë e zhvillimit ekonomik vendor”, theksoi Mexhiti.

Ai shtoi se takimi me Odën Ekonomike Veri-Perëndimore shërben për të harmonizuar qëndrimet dhe për të krijuar një partneritet afatgjatë midis institucioneve lokale dhe komunitetit të biznesit.

“Si koalicion VLEN kemi ardhur në formë respekti, të gjithë liderët dhe kandidatët me idetë dhe programet e tyre. Ramë dakord që pas zgjedhjeve të mbahet një takim i dytë me kandidatët e zgjedhur për të harmonizuar qëndrimet, edhe pse në fakt kemi shumë pak për të harmonizuar sepse Oda e përkrah decentralizimin dhe idenë që mjetet buxhetore të përdoren për projekte ekonomike dhe jo për përmendore”, u shpreh Mexhiti.

Advertisement

Në përfundim, Mexhiti nënvizoi se ky bashkëpunim është edhe një “infuzion” për kompanitë vendore të vogla dhe të mesme që veprojnë në komunat përkatëse, si dhe një mundësi për të avancuar digjitalizimin, turizmin dhe zhvillimin e zonave ekonomike në Saraj, Tetovë, Strugë e më gjerë.

“Platforma e VLEN-it është në një vijë me atë të Odës Ekonomike Veri-Perëndimore. Ideja është që edhe pas zgjedhjeve të vazhdojmë ta thellojmë këtë bashkëpunim, sepse është në interes të përbashkët të komunave dhe bizneseve”, përfundoi Mexhiti.

Video

https://drive.google.com/file/d/1-EqazBYt3JgVoyks-hCEp0gVvuRybqB7/view?usp=sharing

Advertisement