Sport
NESËR NË SHKUP ZHVILLOHET SUPER DERBI VARDARI – STRUGA TRIM LUM
Në ndeshjen e parë të xhiros së 9-të të sezonit vjeshtor Makedonija Gj.P mundi Arsimin 4-1. Nesër me fillim në ora 15:00, në Shkup luhet super derbi mes Vardarit dhe Struga Trim Lum, ndërsa java e 9-të kompletohet të hënën me ndeshjen Pelisteri – Shkëndija që fillon në ora 18:00
Jave e 9-të e sezonit vjeshtor në Ligën e parë të futbollit vendor filloi me ndeshjen Makedonija Gj.P – Arsimi e cila përfundoi me fitoren e vendasve 4-1. Me këto tre pikë skuadra e Gjorçe Petrovit ngjitet në pozitën 6-të tani me 12 pikë të grumbulluara, ndërsa Arsimi mbetet me kuotën e 8 pikëve. Autor të golave për vendasit ishin Stoillov, Talakov, Guerrero dhe Markovski, ndërsa golin e nderit për Arsimin e shënoi Shefit Shefiti .
Java e 9-të ka vazhduar edhe sot me ndeshjet AP Brera – Bashkimi dhe Shkupi – Rabotniçki, ndërsa nesër në arenë ‘’Todor Proeski’’ në Shkup zhvillohet super derbi mes dy ekipeve që aktualisht mbajnë dy vendet e para në renditjen e tabelës Vardari kundër Struga Trim Lum, dy ekipe të cilat deri më tani nuk kanë pësuar humbje. Nga Struga Trim Lum njoftojnë se enkas për këtë ndeshje gjatë javës kanë punuar maksimalisht në aspektin taktike teknik dhe kanë analizuar ekipin e Vardarit. Kjo do të thotë se struganët janë të bindur për të vazhduar rrugëtimin e sukseseve .
Ndeshja tjetër që zhvillohet nesër është dueli Shkupi – Rabotniçki e cila do të zhvillohet në stadiumin e qytetit në Strugë. Ndeshja e fundit e kësaj jave me çka edhe do të kompletohet java e tetë zhvillohet të hënën në manastir mes Pelisterit dhe Shkëndijës. Kuqezinjtë tetovar pas kthimit nga Spanja kanë punuar për ndeshjen e radhës të kampionatit vendor për të mbajtur ritmin e sukseseve dhe pozitën në kreun e tabelës.
Të gjitha ndeshjet e xhiros së 9-të fillojnë në ora 15:00, pos takimit në Manastir mes Pelisterit dhe Shkëndijës që fillon në ora 18:00
SHABAN SINANI – TV KOHA
Ekipi i Shkëndijës nesër në Lubjanë zhvillon ndeshjen e parë të xhiros së dytë në UEFA Konferencë Liga. Kundërshtar i “kuqezinjve” është skuadra sllovene NK Bravo. Ndeshja fillon në në ora 20:45.
Shkëndija nga dita e djeshme ka udhëtuar në Slloveni , ku mbrëmë ka zhvilluar një seancë të lehtë stërvitore, ndërkaq sonte në stadiumin Stozhice ku nesër do të zhvillohet ndeshja, do ta realizojë seancën zyrtare stërvitore.
Me ekipin e Shkëndijës në Lubjanë kanë udhëtuar edhe dy prurjet më të reja Marko Gjorgjievski dhe Jovan Manev të cilët presin miratimin e organeve të UEFA-s dhe janë në pikëpyetje nëse do të aktivizohen në këtë ndeshje.
Futbollisti Aleksandar Trumçi, në prag të ndeshjes, thotë se kanë kundërshtarë serioz andaj edhe qasja në terren duhet të jetë serioze.
‘’Mendoj që atmosfera është shumë e mirë. Kemi një atmosferë pozitive në ekip pasi e kemi kaluar raundin e parë . Por ne nuk do të merremi më me të kaluarën, shohim përpara. Ne kemi ardhur në Slloveni jemi akomudu më herët dhe kemi studiuar ekipin . Ekipi është shumë serioz dhe ne duhet ta marrim shumë seriozisht , të bëjmë maksimumin’’ deklaroi Trumçi
Për të përkrahur Shkëndinë, në Slloveni kanë udhëtuar edhe një numër i konsiderueshëm i tifo grupit “Ballistët” nga të cilët priteT të jenë dinjitoz ashtu siç i ka hije një tifo grupi me përvojë të madhe.
Ndeshja NK Bravo – Shkëndija zhvillohet nesër mbrëma me fillim në ora 20:45.
Xhide e Arabisë Saudite të shtunën është nikoqire e spektaklit të madh të boksit, ku në ring do të ketë 13 lufta me boksier të njohur, ndërsa dueli kryesor i mbrëmjes do të jetë përballja mes Anthony Joshua dhe shqiptarit Kristian Prenga.
Të shtunën më 25 korrik në Xhide të Arabisë Saudite zhvillohet një spektakël i madh i boksit profesionale mes 36 vjeçarit Anthony Joshuas dhe boksierit shqiptar, 25 vjeçarit Kristian Prenga.
Anthony Joshua ish-kampioni i botës në peshat e rënda do të zhvillojë ndeshjen e tij të parë pas rikthimit në stërvitje, pas aksidentit tragjik automobilistik në dhjetor, ku humbën jetën dy miq të tij të ngushtë.
Boksieri shqiptar Prenga ka një bilanc të fortë prej 20 fitoreve dhe vetëm 1 humbjeje.
Interesant është fakti se të gjitha fitoret e tij kanë ardhur me nokaut. Joshua deri më tani në boksin profesional ka 33 luftëra prej të cila 29 fitore dhe 4 humbje. Para kësaj ngjarjeje, Joshua kishte mposhtur me nokaut Jake Paul në një duel që tërhoqi vëmendjen e madhe të publikut. Nëse fiton ndaj Prengës, britaniku pritet të finalizojë duelin e madh me Tyson Furyn, për të cilin mediat britanike raportojnë se marrëveshja tashmë është arritur.
Përballja mes Anthony Joshuas dhe Kristian Prengës do të zhvillohet të shtunën, më 25 korrik, në Jeddah Superdome, në Arabinë Saudite me fillim në ora 22;00. Në program janë plot 13 duele, ndërsa ndeshja kryesore e mbrëmjes do të jetë ajo mes Joshuas dhe Prengës.
Shaban Sinani – TV Koha
FIFA ka nisur një hetim disiplinor ndaj incidenteve që ndodhën pas finales së Kupës së Botës 2026, ku Spanja mposhti Argjentinën me rezultat 1:0, ndërsa disa futbollistë argjentinas rrezikojnë pezullime të gjata.
Pamjet pas përfundimit të ndeshjes në stadiumin “MetLife” në Nju Jersey shfaqën përplasje mes lojtarëve të të dyja kombëtareve. Sipas raportimeve, Leandro Paredes dhe Nahuel Molina ishin ndër protagonistët kryesorë të incidenteve. Paredes dhe Thiago Almada rrëzuan në tokë mesfushorin spanjoll Gavi, ndërsa Paredes u pa gjithashtu duke e kapur për fyti mbrojtësin Eric Garcia. Nga ana tjetër, Molina dyshohet se goditi me grusht Rodrin, ndërsa Nicolas Otamendi pati një përplasje të ashpër verbale me mesfushorin spanjoll.
Gjatë ndeshjes, Enzo Fernandez u përjashtua me karton të kuq pas dy kartonëve të verdhë, ndërsa fillimisht u raportua se edhe Paredes ishte ndëshkuar pas fishkëllimës përfundimtare. Megjithatë, FIFA sqaroi se kartoni i kuq për Paredes nuk figuron në raportin zyrtar të arbitrit Slavko Vinçiç, duke e hequr atë nga evidencat disiplinore.
Pavarësisht kësaj, organi qeverisës i futbollit botëror ka konfirmuar hapjen e një procedure disiplinore. Në një deklaratë zyrtare, FIFA bëri të ditur se, pas shqyrtimit të raporteve të ndeshjes dhe në përputhje me nenin 36 të Kodit Disiplinor, është emëruar një prokuror disiplinor dhe etik për të hetuar shkeljet e mundshme që lidhen me incidentet pas finales. Vendimi përfundimtar do të merret pasi të përfundojë raporti i hetimit.
Bilall Kasami: Tetova në mbështetje të Gostivarit, koordinim institucional për tejkalimin e krizës me ujin
RIBALANCI I BUXHETIT: 46 MILIARDË DENARË PËR INVESTIME KAPITALE!
TRUMÇI: NK BRAVO KUNDËRSHTAR SERIOZ – TA JAPIM MAKSIMUMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
