Sport
FITORE E MADHE E ARSIMIT KUNDËR SHKËNDIJËS 3-0
Dy ndeshjet e zhvilluara dje në kuadër të javës së 14-të të sezonit vjeshtor në Ligën e parë përfunduan me fitore të sigurta të Arsimit dhe Tikveshit kundër Shkëndijës dhe Bashkimit me rezultat identik 3-0
Arsimi mundi Shkëndijën 3-0 në stadiumin e qytetit në Gostivar në kuadër të javës së 14-të të sezonit vjeshtor në Ligën e pare të futbollit vendor Pas pjesës pare e cila sa i përket lojës dhe rasteve ishte e barabartë por çdo gjë ndryshoi në fillim të pjesës së dytë kur Shefit Shefiti dhe Alban Taipi shënuan dy gola ku u pa qartë se fitues i këtij derbi do të jetë ekipi i Arsimit të Çegranit, ndërsa golin e tretë që e realizoi Xhemil Jahiji në minutën e 75-të vetëm vulosën këtë fitore të pa pritur për Arsimin.
“Për skuadrën nga Çegrani është kjo fitorja më e madhe në historinë e klubit, përballë kampionit në fuqi, ekipit që përfaqëson futbollin vendorë në Europë, Shkëndijës! Falënderojmë të gjithë të pranishmit në stadium, dhe tifozët për përkrahjen vëllazërore për të dy ekipet! “ thuhet në postimin e KF Arsimi në fejsbuk
Nga ana tjetër trajneri Jeton Beqiri i pa kënaqur me ketë paraqitje të ekipit të tij sidomos në pjesën e dytë pas ndeshjes ka deklaruar
“Ishte një paraqitje normale në pjesën e parë, kishim disa raste të pastërta për shënim. Ndërkohë ajo që ndodhi në pjesën e dytë, ishte shumë zhgënjyese, në momente të veçanta edhe e turpshme, mos të them edhe skandaloze nga ana jonë. Nuk mund ta shpjegoj për momentin humbjen, duhet të bëjmë analiza. Bëmë aq shumë gabime në mbrojtje, ishte një ditë e keqe dhe shumë e zezë, me një paraqitje shumë të dobët nga ana jonë.” Deklaroi trajneri Jeton Beqiri
Me tre pikët e fituara Arsimi tani me 18 pikë të grumbulluara mbanë pozitën e gjashtë në renditje, ndërsa Shkëndija mbetet në pozitën e tretë me 30 pikë . Fitore identike 3-0 dje ka shënuar edhe ekipi i Tikveshit në Kavadar kundër ekipit të Bashkimit të Kumanovës. Autor të golave për ekipin e Tikveshit ishin Ivanovski, Stojanovt dhe Jonus. Kujtojmë se të premten Makedonija gj.P humbi nga Sileksi 1-2, ndërsa dje AP Brera humbi nga Vardari 0-2. Java e 14-të mbyllet nesër me ndeshjen Rabotniçki – Struga Trim Lum që në program është nga ora 13:00.
Shabana Sinani – TV KOHA
Të shtunën në program janë ndeshjet e javës së gjashtë të sezonit vjeshtor në ligën e parë të volejbollit për meshkuj. Shkëndija të mërkurën në ndeshjen hapëse mundi Skopjen 3-0. Liria nesër nikoqire e UGD Shtipit
Kampionati i volejbollit në kategorinë e meshkujve vazhdon sipas orarit të paracaktuar me ndeshjet e xhiros së gjashtë të sezonit vjeshtor. Këtë javë ndeshje më interesante pritet të zhvillohen në Strumicë dhe Tetovë.
Liria e Zherovjanit në cilësinë e vendasit do të përballet me aktualisht liderin në renditjen e tabelës dhe pretendentin kryesor për titullin kampion UGD Shtipi. Ndeshja Liria – UGD Shtipi luhet nesër me fillim në ora 19:00, në sallën e shkollës fillore ‘‘Goce Dellçev’’ në Tetovë
Në Strumicë skuadra kampione e Maqedonisë do të përballet me ekipin Universiteti i Tetovës. Duke pasur para sysh se skuadra vendase këtë kampionat nuk është në formën e duhur ndaj edhe skuadra tetovare shpreson që ndoshta ta shfrytëzon këtë situatë dhe ndoshta mund të shpreson në sukses .
Në ndeshjet tjera të xhiros së gjashtë takohen: Janta Volej – Makedonija Xhio, Rabotniçki – Susheva , Boreci – Vesna Probishtip. Nërsa ndeshja Shkëndija – Skopje është zhvilluara të mërkurën dhe ka përfunduar 3-0 për ekipin tetovar ne sete 25-19, 25-19 dhe 25-10
Kampionati amerikan ka vazhduar edhe ditën e sotme me katër ndeshje mjaftë tërheqëse ku veçohet fitorja spektakolare e San Antonio ndaj Atalanës me rezultat 135-126
Dy fitore të ekipeve vendase dhe dy të atyre mysafire është epilogu i katër ndeshjeve të zhvilluara sot në kampionatin amerikan të basketbollit NBA
Fitorja e tretë radhazi për San Antonion, që mundi Atalantën me rezultatin 135-126, në një ndeshje spektakolare . Shënuesi më efikas ishte De’Aron Fox që realizoi 25 pikë, ndërsa te miqtë më efikas ishte Walker që realizoi 38 por nuk i ndihmuan ekipit.
Skuadra e Milwaukee pësoi disfatë para tifozëve vendas në përballen me ekipin e Filadelfias me rezultatin 114-123. Më efikas te në këtë ndeshje ishte basketbollisti mysafir Tyrese Macey autor i 54 pikëve.
Fitore të sigurt ka shënuar skuadra e Orlandos kundër Clippersit me rezultat të sigurt 129-101. Memfis, ishte më e mirë se Sacramento duke fituar me rezultatin e thellë 137-96, për ekipin fitues dyshja Aldama – Landale që realizuan 50 pikë
Me ndeshjen Makedonija Gj.P – Sileksi që zhvillohet sot hapet sipari i xhiros së 14-të në Ligën e parë të futbollit vendor. Ndeshjet tjera zhvillohen nesër, të dielën dhe të hënën me fillim në ora 13:00
Këtë fundjavë pas pauzës dy javore shkaku i obligimeve të reprezentacionit për ndeshjet kualifikuese të Botërorit, në program janë ndeshjet e xhiro s së 14-të sezonit vjeshtor në Ligën e parë të futbollit vendor. Dita e shtunë është rezervuar për dy ndeshje mjaft interesante duke u bazuar në renditjen e ekipeve në tabelën e klasifikimit. Kështu që në Strumicë, do të përballen AP Brera dhe lideri aktual në renditjen e tabelës Vardari i Shkupit. Ndeshja me s këtyre dy skuadrave në rrethin e parë të kampionatit që u zhvillua në Shkup përfundoi me barazim 2-2 prandaj edhe në Strumicë pritet një ndeshje e pa parashikueshme. Nesër në program është edhe ndeshja që do të zhvillohet në stadiumin e Strugës ajo mes FC Shkupi dhe Pelisteri i Manastirit. Në këtë ndeshje skuadra e Çairit do të tentoj të regjistroj fitoren e parë sezonale. Të dielën në program janë dy ndeshjet tjera dhe atë derbi i Pollogut në Gostivar mes Arsimit të Çegranit dhe Shkëndijës, ndërsa në Kavadar, Tikveshi do të përballet me Bashkimin e Kumanovës. Java e 14 do të kompletohet të hënën me ndeshjen Rabotniçki – Struga Trim Lum. Të gjitha ndeshjet e javës së 14-të fillojnë në ora 13:00
VOLEJBOLL: FERIZAJI NIKOQIRË E ‘’KUPA PAVARËSIA 2025’’
“KUPA PAVARËSIA 2025” PËR VETERANË MBAHET NË VLORË
Rasti “Besa Trans”/ Një ditë pas përvjetorit të aksidentit tragjik, filloi rigjykimi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi4 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 weeks agoUniversiteti i Tetovës shpreh ngushëllime për vdekjen e studentes Daorsa Spahija