Lajme nga vendi
Aplikacioni “Waze”, arma më e fortë” kundër gjobave – Panik i shkupjanëve nga “SAFE CITY”
Një aplikacion po bëhët “arma më e fuqishme” kundër gjobave. Qytetarët përdorin aplikoacionin “Waze”, si mënyrën e vetme të besueshme për detektimin apo paralajmërimin për lokacionin e kamerave, përderisa “Safe City” është ende në fazë testimi, shkruan “plusifo’, kurse transmeton gazeta “Lajm”.
Banorët e Shkupit po kërkojnë intensivisht mënyra për të shmangur gjobat nga sistemi “Safe City”, prandaj numri i shkarkimeve të aplikacionit “Waze”, i disponueshëm për pajisjet me sistemin operativ “Android” dhe për “iOS”, i cili u ofron informacion rreth kamerave që monitorojnë trafikun, është bërë shumë i kërkuar.
Qytetarët thonë se kjo është zgjidhja më e shpejtë dhe më e sigurt për ta, ndërsa projekti “Safe City” është ende në fazën e testimit dhe deri më 1 janar dërgon vetëm paralajmërime, dhe më pas do të fillojë përpunimin e gjobave.
Ndërkohë, shoferët në të gjithë vendin po përdorin masivisht “Ëaze” për t’u përshtatur me rregullat e reja dhe për të shmangur shkeljet e paqëllimshme.
Përdoruesit tashmë kanë hartuar në mënyrë dixhitale pothuajse të gjithë rrjetin e kamerave nga “Safe City”, gjë që u mundëson atyre të marrin një paralajmërim qindra metra, para kamerës monitoruese.
Aplikacioni “Waze” ofron disa veçori, që e bëjnë atë jashtëzakonisht të popullarizuar në këtë moment:
– hartë e saktë e kamerave fikse, të lëvizshme dhe të instaluara rishtazi,
– paralajmërim me zë, kur t’i afroheni kamerës,
– informacion në lidhje me policinë, radarët, punimet rrugore dhe bllokimet e trafikut,
– llogaritja automatike e rrugës më të sigurt me të gjitha pikat kritike,
– mundësia që shoferët të raportojnë kamerat e reja.
Vetë komuniteti i përdoruesve po e përditëson vazhdimisht rrjetin, kështu që vetëm në 48 orë numri i kamerave të raportuara është rritur në mënyrë dramatike. Për shumë njerëz, aplikacioni “Waze” është bërë garancia e vetme se ata nuk do të “habiten” nga masat e reja të trafikut të “Safe City”.
Lajme nga vendi
Zjarri në modular drejt hetimit ndërkombëtar, Emshiu e paditi RMV-në për vrasje në Itali
Pasi fajtorët e zjarrit në Spitalin Modular të Tetovës nuk u sollën para drejtësisë dhe nuk pati proces gjyqësor për shkaqet e zjarrit, Ibin Emshi i cili humbi babain dhe vëllaun e tij, ka bërë denoncim për vrasje në Itali kundër RMV-së dhe pret që rasti të hetohet ndërkombtarisht dhe të arrijë në Gjykatën Evropiane për të Drejtat e Njeriut në Strasburg, shkruan Portalb.mk.
Më 1 dhjetor 2025, Emshi si shtetas i Italisë ka bërë denoncim për vrasje në Selinë e Policisë në Verbano Cusio Ossola për zjarrin në modular.
Në procesverbalin e denoncimit, Emshi ka sqaruar në detaje rastin se si ka ndodhur, ndërsa përmend edhe procesin gjyqësor i cili nuk ishte për shkaqet e zjarrit, dokumentarin e IRL-së i cili nxori në pah korrupsionin, si dhe një sërë dëshmish të tjera.
Në raportin e dorëzuar në Polici, ai thotë se pas dokumentarit të IRL-së dhe provave, u bind që të bëjë denoncim për vrasjen e babait dhe vëllait të tij.
Ai thekson si përgjegjës ministrin e atëhershëm të shëndetësisë Venko Filipçe dhe Koço Angjushevin si pronar i firmës BRAKO që ndërtoi objektin e spitalit modular.
Përveç denoncimit në Polici, Emshi ka paraqitur kërkesë që ky rast të trajtohet edhe nga Avokati i Popullit – Këshilli Rajonal i Piemontes në Itali.
Lajme nga vendi
Për shkaqe shëndetësore, anulohet fjalimi i kryeministrit Mickoski në Forumin Afaristë Maqedoni-Serbi
Shërbimi qeveritar sot në mëngjes informoi se për shkaqe shëndetësore, anulohet fjalimi i sotëm i kryeministrit Hristijan Mickoski në Forumin Afaristë të Maqedonisë së Veriut dhe Serbisë.
Në Forum pritet të marrin pjesë mbi 200 kompani dhe së paku 300 pjesëmarrës, që ka për qëllim intensifikim të bashkëpunimit ekonomik.
Para mbajtjes së forumit, në Qeverinë e RMV-së, zëvendëskryetari i Qeverisë dhe ministër i Marrëdhënieve mes Bashkësive, Ivan Stoillkoviq dhe zëvendëskryetarja e Qeverisë e Republikës së Serbisë dhe ministre e Ekonomisë, Adrijana Mesaroviq do të nënshkruajnë Memorandum bashkëpunimi.
Stoillkoviq dhe Mesaroviq dje i vizituan dy kompani, ndërsa në deklaratë për mediumet vlerësuan se potenciali për bashkëpunim mes dy shteteve është i madh, posaçërisht në pjesën e industrisë ushqimore. tendenca, siç theksuan, është të rritet këmbimi.
LSDM-ja njofton se kryesia e partisë ka dhënë dorëheqje kolektive. Siç bëjnë të ditur, dorëheqjet janë dorëzuar te Këshilli Qendror dhe te kryetari i partisë, Venko Filipçe, i cili udhëheq procesin e reformave brenda partiake.
Ringjallet shpresa, 54 çifte martohen në një ceremoni masive në Gazë
Zjarri në modular drejt hetimit ndërkombëtar, Emshiu e paditi RMV-në për vrasje në Itali
Për shkaqe shëndetësore, anulohet fjalimi i kryeministrit Mickoski në Forumin Afaristë Maqedoni-Serbi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi4 weeks agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga vendi2 months agoNdahet nga jeta veterani i arsimit, Mahi Halili nga fshati Poroj i Tetovës, vëllai i Nevzat Halilit