Lajme nga vendi
LSDM: Mickoski e çon vendin drejt izolimit me fushatë anti-BE
Qeveria aktuale e Kryeministrit Mickoski, në vend të integrimit, po e çon vendin drejt izolimit, akuzojnë sot nga LSDM.
“Një bashkëpunëtor i ngushtë i Mickoskit dhe zv. kryeministrit në qeverinë e tij është Ivan Stoilkoviq, qëndrimet e hapura pro-ruse dhe lidhjet e drejtpërdrejta të të cilit me Moskën përbëjnë një kërcënim serioz për orientimin euroatlantik të vendit.
Vetëm pak ditë më parë, zëvendëskryeministri Ivan Stoilkovic mori pjesë në festimin e Ditës së Republikës Serbe së bashku me grupin “Ujqërit e Natës”, të njohur për mbështetjen e Putinit dhe përhapjen e narrativave anti-perëndimore.
Edhe më keq se kjo është se vetë kryeministri Mickoski, pavarësisht deklaratave publike për bashkëpunim strategjik me SHBA-në dhe integrimin në BE, me veprimet e tij dhe lidhjet e ngushta me Vuçiqin dhe SNS-në, po bën gjithçka të kundërtën, duke e çuar Maqedoninë drejt izolimit.
Reformat e BE-së shmangen qëllimisht, konfliktet me fqinjët krijohen qëllimisht, arsyet shpiken për të bllokuar negociatat. E gjitha është një skenar i sajuar, pjesë e një fushate anti-BE që qeveria të vazhdojë të plaçkitë vendin.
Sipas hulumtimit të fundit nga viti 2025, deri në 70% e qytetarëve të Maqedonisë së Veriut mbështesin anëtarësimin në BE, dhe 77% e shohin anëtarësimin në NATO si pozitiv”, thonë nga LSDM.
Një 70-vjeçar nga një fshat i Tetovës ka raportuar më 12.01.2026 në SPB Tetovë se ai dhe vëllai i tij janë mashtruar për një shumë prej 15.000 eurosh nga një person me inicialet L. nga Tetova.
Siç raporton Tetovasot, gjatë vitit 2024 i dyshuari u kishte ofruar ndihmë për realizimin e pensionit nga një shtet i huaj, duke u kërkuar para si “depozitë” dhe duke i detyruar të nënshkruanin dokumente blanko. Pasi procedura nuk u realizua, ata kuptuan se ishin mashtruar. Policia po ndërmerr masa për zbardhjen e rastit.
Lajme nga vendi
Kasami dhe Qoku do të përfaqësojnë VLEN-in në takimin e liderëve të thirrur nga Mickoski:
Koordinatori i grupit parlamentar të VLEN-it, Bekim Qoku tha se në takimin e liderëve të thirrur nga kryeministri Hristijan Mikcoski, VLEN do të përfaqësohet nga Bilall Kasami dhe ai si koordinator i grupit parlamentar. Qoku tha se VLEN mbështet idenë për shfuqizimin e qeverisë teknike, ndërsa theksoi se ende nuk dihen temat që do të diskutohen në takimin e liderëve.
https://www.facebook.com/watch/?v=907994741740561
“Zyrtarisht është ftesa, nuk ka tema konkrete, është e përgjithshme. Pra do të flitet për gjendjen aktuale politike dhe ekonomike në vend…Diskutohet kjo temë, diskutohet një njësi zgjedhore, listat e hapura, format e ndryshme të ndarjes së njësive, të formës, si të ndahet në njësi zgjedhore. Është një njësi, përmenden tetë njësi, përmenden tre njësi. VLEN-i ende nuk kemi zyrtarisht një vendim se cila formë, cili model do të ishte i përshtatshëm”, tha Qoku duke theksuar se në takim mund të flitet edhe për ndryshimet e Kodit Zgjedhor.
Për shkak të gjendjes së përkeqësuar të sigurisë në Republikën Islamike të Iranit, Ministria e Punëve të Jashtme dhe Tregtisë së Jashtme të Republikës së Maqedonisë së Veriut u bën thirrje qytetarëve të saj që ndodhen në territorin e këtij shteti, ta braktisin vendin në kushtet e mundshme të para dhe të sigurta. Njëkohësisht bën thirrje që të anulohen të gjitha udhëtimet në Iran, që janë të panevojshme.
Siç njoftojnë nga Ministria, tashmë janë vendosur në dispozicion kapacitetet e saj për asistencë të shtetasve të Republikës së Maqedonisë së Veriut përmes SOS telefonit kujdestar 24-orësh +389 75 268 736, adresës elektronike globalsos@mfa.gov.mk , si dhe numri kujdestar i telefonit të përfaqësisë diplomatiko-konsullare të Republikës së Maqedonisë së Veriut në Ankara: +90 539 456 97 10.
Mashtrim prej 15 mijë eurosh: 70-vjeçari nga Tetova denoncon rast në polici
Kasami dhe Qoku do të përfaqësojnë VLEN-in në takimin e liderëve të thirrur nga Mickoski:
MPJ thirrje qytetarëve të RMV-së: Largohuni sa më shpejt nga Irani
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
