Lajme nga vendi
Peticioni i studentëve për provimin e jurisprudencës në shqip, Denion Meidani: E kemi adresuar shqetësimin në disa instanca
Shqetësimet e studentëve shqiptarë që provimi i jurisprudencës të mbahet edhe në gjuhën shqipe krahas asaj maqedonase kanë arritur edhe në Ambasadën e Shqipërisë në Shkup. Ambasadori Denion Meidani për Portalb.mk tha se e kanë adresuar këtë çështje në instancat relevante.
Ambasada e Republikës së Shqipërisë në Shkup thekson se është në dijeni të kësaj çështjeje dhe po e ndjek me vëmendje zhvillimin e saj.
“Kërkesat e studentëve për qasje të barabartë në arsim dhe në proceset profesionale janë pjesë e një debati më të gjerë mbi zbatimin praktik të të drejtave të garantuara me ligj dhe funksionimin efektiv të institucioneve”, tha Denion Meidani.
Ambasadori thotë se këtë shqetësim e kanë adresuar në disa instanca relevante, duke theksuar rëndësinë e respektimit të të drejtave gjuhësore, në përputhje me legjislacionin në fuqi dhe me parimet e barazisë qytetare.
“Ambasada mbetet e angazhuar ta ndjekë këtë çështje në frymën e dialogut institucional dhe bashkëpunimit konstruktiv, me bindjen se përmes komunikimit të hapur dhe vullnetit të ndërsjellë mund të gjenden zgjidhje që kontribuojnë në forcimin e shtetit të së drejtës dhe në avancimin e standardeve demokratike”, tha Denion Meidani.
Së fundmi 385 studentë shqiptarë nga tre fakultete të juridikut (UT, UEJL, UNT) në Maqedoninë e Veriut përmes një peticioni kërkojnë nga institucionet që provimi i jurisprudencës të jepet edhe në gjuhën shqipe, në gjuhën në të cilën i kryejnë studimet, pasi siç thonë, u takon me ligj. Peticioni është dorëzuar te Ministra e Drejtësisë, Agjencinë për Zbatimin e Gjuhëve, Inspektorati për Përdorimin e Gjuhëve, kryetari i Kuvendit dhe zëvendëskryeministri i parë.
Nga Qeveria për Portalb.mk kanë njoftuar se e kanë pranuar këtë kërkesë dhe do të shqyrtojnë të njëjtën, por pa dhënë detaje konkrete. Ndërkaq, edhe kryetari i Kuvendit e ka pranuar të njëjtën dhe e ka përcjellë te Ministria e Drejtësisë.
Nga Ministria e Drejtësisë për Portalb.mk e kanë konfirmuar se e kanë pranuar peticionin, ndërsa për detaje më të hollësishme pritet të njoftojnë më tej.
Propozim-ligj i cili do të mundësonte dhënien e provimit të jurisprudencës në gjuhën shqipe ishte gati në vitin 2024, por me ndryshimin e përbërjes parlamentare dhe qeverisë së re, e njëjta u hoq nga agjenda e kuvendit dhe s’u përmend fare nga qeveria aktuale.
Në Ligjin për Provimin e Jurisprudencës nuk ekziston dispozitë ligjore në të cilin thuhet se ky provim mund të mbahet vetëm në gjuhë maqedonase.
Ndërkaq, neni 2 i Ligjit për Përdorimin e Gjuhëve thotë se “institucionet e qeverisjes shtetërore duhet të mundësojnë përdorim të gjuhëve tjera zyrtare të cilat fliten nga më së paku 20% e qytetarëve”, që është gjuha shqipe.
Neni 2 dhe neni 5 i këtij ligji thotë se “institucionet janë të obliguara të mundësojnë përdorim të gjuhës shqipe në të gjitha procedurat para gjykatave dhe organeve tjera shtetërore”. Kjo do të thotë se në qoftë se ligji për provimin e jurisprudencës nuk e kufizon dhënien e këtij provimi vetëm në gjuhën maqedone, duhet të mundësohet edhe në gjuhën shqipe.
Ligji për Zbatimin e Gjuhëve ka hyrë në fuqi në vitin 2019, nga atëherë janë ndërruar katër ministra të drejtësisë, edhe atë Bojan Mariçiq, Nikolla Tupançevski, Krenar Lloga dhe aktualisht është Igor Filkov. Në vitet paraprake edhe kur s’ka pasur ministër shqiptar, zëvendësi ka qenë i përkatësisë shqiptare.
Në disa qytete të vendur dje janë mbajtur protesta për shkak të pakënaqësisë së qytetarëve nga ndryshimet e Ligjit për Trafik respektivisht dispozitat e reja që lidhen me lejet e vozitjes dhe marrjen e automjeteve.
Protesta janë shënuar në lagjen e romëve në Manastir, në Koçanë, Shtip dhe Strumicë. Janë shënuar bllokime të rrugëve, djegie të gjësendeve në rrugë dhe revoltë e qytetarëve.
Banorët e disa lagjeve rome që kishin bllokuar rrugët kanë drejtuar akuza se janë të diskriminuar, duke pohuar se shumica prej tyre nuk kanë kryer shkollimin dhe për këtë shkak nuk kanë kushte për të dhënë provimin për patent shoferi.
Lidhur me incidentet në fjalë është prononcuar edhe Kryeministri Mickoski. Ai ka kërkuar reagim të ashpër të policisë, që, sic tha, të mos përsëriten veprimet e këtilla.
HRISTIJAN MICKOSKI – KRYEMINISTËR
“Bisedova në mëngjes me Ministrin e Brendshëm Toshkovski dhe nga ai kërkova që ndaj secilit që ka shkelur ligjin, është kërcënuar, ka cënuar paqën dhe sigurinë të ketë reagim të ashpër, që të mos përsëriten skenat e mbrëmshme të dhunshme”
Derisa dënimet e “Safe City” nuk ndalen, ku sipas autoriteteve, brenda 24 orëve janë shënuar 650 shkelje ku dominon tejkalimi i shpejtësisë me plot 590 raste, në kuadër të ndryshimeve të reja në Kodin Penal (Neni 297-a dhe 300-b), automjeti tashmë klasifikohet si mjet për kryerjen e veprës penale, duke i dhënë shtetit fuqinë ligjore për ta sekuestruar atë në favor të Agjencisë për Menaxhimin e Pronës së Sekuestruar.
Sipas ligjit në fuqi, në cilat raste merret vetura?
Sipas një postimi në Facebook të avokates Lejla Kadriu, automjeti konfiskohet nëse kryeni këto vepra penale:Drejtimi në gjendje të dehur ose nën drogë,Shpejtësia ekstreme, Në zonë të banuar: Mbi 50 km/h mbi shpejtësinë e lejuar,Jashtë zonës së banuar: Mbi 70 km/h mbi shpejtësinë e lejuar,Drejtimi në drejtim të kundërt: Nëse lëvizni në korsi të kundërt në autostradë ose rrugë me shirita të ndarë fizikë, Tejkalimi i kolonës në vende ku dukshmëria është e kufizuar,Gara të paligjshme: Organizimi ose pjesëmarrja në gara të paautorizuara me mjete motorike, Drejtimi pa patentë shofer.
VMRO-ja e ka ftuar LSDM-në nëse ka dëshmi t’i paraqesë (deponoj) tek Prokuroria Publike.
“A ka bërë kontroll LSDM-ja tek fabrika për marihuanë e Zaevit? Pse në fabrikë kishte një kamionë pa tabela? Përse Zaevi personalisht kishte thirrë me telefon në Drejtorinë e Doganave, me ç’rast ishte interesuar për rastin “Mariuhana”? Cili është roli i Vice Zaevit (vëllait të Zaevit) në këtë rast?”, janë këto pyetje të cilat i parashtron publikisht VMRO-DPMNE-ja.
Nëse LSDM-ja ka dëshmi për përfshirjen e disa individëve nga qeveria, në rastin e 5 tonelatave drogë në Serbi, le t’i deponojë ato tek Prokuroria Publike”, thonë përfaqësuesit e lartë të VMRO-DPMNE-së.
“I ftojmë, nëse kanë dëshmi për përfshirjen e individëve nga pushteti në rastin e skandalit me 5 ton drogë, le t’i dorëzojnë tek Prokuroria Publike, në të kundërtën do të përballen me aktpadi”, thonë nga VMRO-DPMNE-ja.
Paraprakisht, përfaqësuesit e opozitares LSDM, reaguan duke pyetur se pse qeveria tanimë 3 ditë me radhë po heshtë, sic thanë, “lidhur me skandalin 5 tonësh me drogë në Serbi, që ishte me origjinë nga Maqedonia e Veriut”.(plusinfo)
Kryeministri Hristijan Mickoski tha se pret nga kryeprokurori i ri që të merret me rastet që janë në sirtar dhe në ata raste ku ka dëshmi, të procedoje raste të reja deri te gjykata, ndërsa aty ku nuk ka dëshmi, të njëjtat raste të mbyllen.
“E para që duhet të bëjë është që të gjitha ata dokumente dhe raste që janë mbajtur në sirtar t’i nxjerrë dhe t’i hetojë. Aty ku nuk ka mjaftueshëm dëshmi, t’i mbyllë, aty ku ka dëshmi, të formojë raste dhe t’i dorëzojë në gjykatë, pastaj gjykata duhet të vendosë nëse do të nisë ose jo proces gjyqësor. Pres të jetë mbrojtës i së drejtës, gjenerues i drejtësisë dhe kjo është ajo që pres nga kryeprokurori i ri”, tha mes tjerash Mickoski.
“SAFE CITY”: KONFISKIMI I VETURAVE – TENSIONE NË DISA QYTETE!
Përse Zaevi ishte paraqitur në Doganë dhe ishte interesuar për rastin “Marihuana”?
Mickoski pret nga kryeprokurori i ri të merret me rastet që janë në sirtar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
