Lajme nga vendi
RAMAZANI: OFERTË SOLIDE – FUQIA BLERËSE NË RËNIE TË NDJESHME!
Iftarë e syfyr do të jenë vaktet ku amviset e shtëpive duhet të përgatitin ushqimet për familjet e tyre. Ramazani vjen me begati, por edhe me sofra që duhet të jenë më të mbushura.
Në Tregun e Tetovës mund të gjesh gjithcka, varësisht xhepit. Ofertat tashmë janë shtuar në prag të Ramazanit dhe kështu pritet të jetë gjatë gjithë këtij muaji të bekuar.
Nuk mungojnë pemët e perimet, por nuk mungojnë edhe hurmat e ullinjtë pjesa e pandashme e sofrës së iftarit apo syfyrit.
Jemi në prag të Muajit të Bekuar të Ramazanit, kurse tregtarët tashmë kanë shtuar ofertat e tyre për konsumatorët. Por, fuqia blerëse e qytetarëve është në rënie ndaj çmimeve që ofrohen. Por, c`thonë qytetarët, si ju duken ofertat dhe çmimet në prag të nisjes së Ramazanit?
“Si gjithmonë, çmimet janë çmime, kanë hip pak, kanë zbrit pak, da ta kalojmë edhe këtë”
“Cmimet shumë të bukura. Pak me peshë më të madhe, por mirë janë. Unë nuk kam dalë për çmimet, port a humbi kohën se s`kemi pare për këto. 500 denarë një kg groshë”
“Unë vij ng fshati. Në fshat janë katastrofë cmimet, për atë shkak vijmë në qytet për cmime më të ulëta”
Shitësit thonë se cmimet janë të njëjta dhe se nuk ka rritje të tyre për Ramazan. Thonë se k shumë pak të interesuar për të blerë, por se do të vazhdojnë me ofertat e tyre.
“Çmimet janë të volitshme, të mesme, nuk janë të shtrenjta”
“Nuk kanë lëviz çmimet, janë si përpara dhe tash. Për ne s`ka interesim, shumë dobët shitja, s`kanë pare njerëzit”
“Njerëzve cfarë ju duhet marrin. Ndonjë hurma, ndonjë ullinj”
Nëse ndalen tek pemët e perimet, qytetarët sikurse anashkalojnë mishtoret. Mish shpatulle – 800 denarë, muskuj – 750, mish butke – 950 denarë, mbase janë cmime të papërballueshme për një kategori të madhe të qytetarëve.
Edhe Restoranet tashmë kanë publikuar të ashtuquajturat menytë e Iftarit. Çmimet lënë shumë për të dëshiruar, por sipas praktikës së vitit të kaluar, restoranet do të kenë shumë punë, mbase për shkak të një tradite të re në këtë nënqiell që iftaret e përbashkëta familjare të bëhen nëpër restorane e jo nëpër shtëpi.
Po hyjmë në Muajin e Bekuar të Ramazanit, në kohën kur fuqia blerëse e qytetarëve është në rënie të ndjeshme, në kohën kur një përqindje e madhe e familjeve kanë vështirësi me “idaren”.
Por, Rajoni I Tetovës cdoherë ka dëshmuar fuqinë e solidaritetit dhe humanitetit. Kjo padyshoim se nuk do të mungojë as edhe këtë muaj, madje me aktivitete të shtuara. TV KOHA
Lajme nga vendi
Shuhet në moshën 89-vjeçare akademiku i shquar shqiptar Rexhep Qosja, familja zbaton amanetin e tij të fundit që të varroset në ceremoni private, pa pritje e organizime institucionale
Ka ndërruar jetë akademiku dhe studiuesi i njohur Rexhep Qosja, një nga figurat më të rëndësishme të letërsisë, kulturës dhe mendimit kritik shqiptar. Sipas njoftimit të familjes, varrimi është zhvilluar në praninë e anëtarëve të ngushtë të familjes, në një ceremoni private. Me dëshirën e të ndjerit, nuk është organizuar asnjë ceremoni pritjeje, ndërsa familja nuk do të marrë pjesë në organizime institucionale.
Familja ka kërkuar që privatësia e tyre të respektohet në këtë periudhë zie dhe të mundësohet një lamtumirë e qetë dhe e dinjitetshme. Rexhep Qosja ishte një nga emrat më të shquar të albanologjisë, i njohur për kontributin e tij të gjerë në letërsi, kritikë letrare dhe studime historike, duke lënë pas një trashëgimi të rëndësishme intelektuale.
https://www.facebook.com/share/p/1GsLLMzzA3/
“Njoftojmë se sot, më datë 23.4.2026 është ndarë nga jeta dhe është varrosur Rexhep Qosja. Varrimi u zhvillua në praninë e anëtarëve të ngushtë të familjes. Me dëshirë të të ndjerit, nuk do të organizohet ceremoni pritjeje nga familja. Familja nuk do të marrë pjesë në organizime institucionale. Lusim që privatësia jonë të respektohet dhe të na mundësohet të mbajmë zi në qetësi!”, ka shkruar Valjet Rexhepi, nipi i akademikut tashmë të ndjerë.
Rexhep Qosja lindi më 25 qershor 1936 në Vuthaj të Gucisë, ndërsa njihet si shkrimtar me një penë të vyer, kritik letrar dhe historian.Si shkrimtar, ai njihet kryesisht për romanin e tij të vitit 1974 “Vdekja më vjen nga sy të tillë”, i përkthyer në shumë gjuhë, Një Dashuri dhe Shtatë Mëkate (2003), Nata është dita jonë (2007) Bijtë e askujt (2010), Sekretet e Zbuluara (2020) e shumë të tjerë.
Ai ishte Doktori i parë i Shkencave Filologjike në Kosovë, autor i antologjive dhe monografive të ndryshme shkencore, duke përfshirë një histori trevëllimëshe të letërsisë shqipe në periudhën Romantike.
Qosja ka shkruar libra që përshkruajnë historinë e popullit shqiptar në Ballkan dhe ka spikatur si figurë në bisedimet e paqes për t’i dhënë fund Luftës së Kosovës të vitit 1999.
Lajme nga vendi
Miratohet ndërtimi i pikës së re kufitare mes Maqedonisë së Veriut dhe Bullgarisë, ja kur pritet të hapet
Ndërtimi i pikës së re kufitare midis Bullgarisë dhe Maqedonisë së Veriut, Strumjani – Berovë, mund të fillojë pasi të përfundojnë procedurat e nevojshme ekologjike në Ministrinë e Mjedisit dhe Burimeve Ujore, raporton BNR.
“Rruga më e vështirë me miratimin e raporteve për ndikimin në mjedis tashmë është përfunduar, dhe kjo në një afat më të shkurtër se sa pritej. Ndërkohë, po koordinohen kërkesat për infrastrukturën e vetë pikës kufitare në lidhje me doganën dhe kontrollin kufitar”, deklaroi kryetari i komunës së Strumjanit, Emil Iliev.
Paralelisht me këto procedura, Iliev thotë se janë ndërmarrë aktivitete për koordinimin e institucioneve të lidhura me miratimin e këtij projekti, për shkak të së cilës ai beson se punimet mund të përshpejtohen.
Rruga prej 8 kilometrash deri në kufi është gjithashtu tashmë e miratuar, dhe është zgjedhur opsioni më i shkurtër dhe më ekologjik. Zbatues i projektit janë vetëqeverisja lokale e rajonit të Bllagoevgradit dhe Agjencia e Infrastrukturës Rrugore, ndërsa kostoja e realizimit të tij arrin në 5,5 milionë euro.
Kryetari i komunës së Strumjanit shprehu bindjen se pika e re kufitare midis Bullgarisë dhe Maqedonisë së Veriut do të jetë funksionale deri në fund të vitit 2029.
“Po ashtu ekziston shqetësim nga udhëheqja e programit “Bullgaria – Maqedonia” se ai nuk do ta arrijë fundin e periudhës programore, por ne do të bëjmë gjithçka si vetëqeverisje lokale dhe, sigurisht, me administratën lokale, që është përfituese, që e gjithë kjo të realizohet brenda periudhës programore 2027–2029”, tha Iliev.
Administrata Doganore e Maqedonisë në tetor 2024 filloi aktivitetet për projektin e krijimit të pikës së re kufitare Strumjani – Berovë (Klepalo) me Bullgarinë, me një investim prej 3,7 milionë eurosh. Për këtë projekt janë siguruar 3,1 milionë euro grant nga programi IPA 3 i BE-së për bashkëpunim ndërkufitar me Bullgarinë, ndërsa 551.548 euro janë bashkëfinancim kombëtar. Hapja e pikës kufitare Klepalo pritet të forcojë lidhjen rajonale, duke lehtësuar qarkullimin e njerëzve dhe mallrave dhe duke krijuar kushte për zhvillim ekonomik dhe turizëm në rajonin e Maleshevisë.
Lideri i LSDM, Venko Filipçe, vendosi sot një kusht të qartë – qeveria e Përzhinës duhet të mbetet, përndryshe grupi parlamentar i LSDM-së do të tërhiqet nga grupi punues për Kodin Zgjedhor. Në një konferencë për media në Kuvend, Filipçe theksoi se qeveria teknike mbetet mekanizmi i vetëm kontrollues që garanton zgjedhje të lira dhe të ndershme.
Kreu socialdemokrat, Venko Filipçe, është shprehur i bindur se pushteti po përgatitet për zgjedhje të parakohshme, ndaj sipas tij, po shpejton me ndryshimet ligjore.
Ai kërkoi sërish që të hiqet dorë nga shfuqizimi i qeverisë teknike, duke theksuar se ky model u vendos për zgjedhjet e vitit 2016 dhe më pas, me kërkesë të VMRO-DPMNE, u përdor edhe në ciklin zgjedhor të vitit 2020.
Sipas Filipçes, LSDM-ja do të tërhiqen nga Grupi I Punës për Kodin Zgjedhor, nëse hiqet Qeveria teknike.
VENKO FILIPÇE – Kryetar i LSDM-së
“Ky stil autokratik i qeverisjes që po shohim sot është i njëjtë me periudhën e Nikola Gruevski. Nëse Ligji për Qeverinë në këtë formë kalon në Komision, grupi ynë parlamentar do të tërhiqet nga grupi punues për Kodin Zgjedhor. Qeveria e Përzhinës, në formën aktuale, është garantuesi i vetëm për zgjedhje të lira dhe demokratike. Nëse ligji nuk tërhiqet, ne tërhiqemi nga puna për Kodin Zgjedhor”
Dje, Kuvendi me 67 vota “pro”, 13 “kundër” dhe asnjë të përmbajtur, miratoi nevojën për miratimin me procedurë të shkurtuar të ndryshimeve në Ligjin për Qeverinë, duke kaluar kështu fazën e parë të procedurës parlamentare.
Me këtë ligj propozohet që qeveria teknike të hiqet, por pas zgjedhjeve të ardhshme.
LSDM dhe BDI mbeten kundër këtij zgjidhjeje, duke vlerësuar se kushtet për shfuqizimin e qeverisë së Përzhinës ende nuk janë pjekur.
Ky model i qeverisë teknike buron nga Marrëveshja e Përzhinës e qershorit 2015, e arritur për tejkalimin e krizës politike në vend.
Sipas marrëveshjes, 100 ditë para zgjedhjeve formohet një qeveri teknike me kryeministër teknik, ku opozita merr drejtimin e Ministrisë së Brendshme dhe të Punës dhe Politikës Sociale, si dhe zëvendësministra në disa resore kyçe. /Tv Koha/
Shuhet në moshën 89-vjeçare akademiku i shquar shqiptar Rexhep Qosja, familja zbaton amanetin e tij të fundit që të varroset në ceremoni private, pa pritje e organizime institucionale
Miratohet ndërtimi i pikës së re kufitare mes Maqedonisë së Veriut dhe Bullgarisë, ja kur pritet të hapet
LSDM ME KUSHT: “PËRZHINA” TË MBETET OSE TËRHIQEMI NGA KODI ZGJEDHOR!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota4 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni4 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport4 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!