Lajme nga vendi
TOSHKOVSKI: DROGA E KONFISKUAR – HETIME KUNDËR 10 PERSONAVE!
Ministri i Brendshëm, Pançe Toshkovski, njoftoi gjatë një paraqitje televizive se Ministria e Brendshme ka ngritur kallëzime penale në Prokurorinë Publike për ndjekjen e krimit të organizuar dhe korrupsionit të nivelit të lartë kundër 10 personave, për të cilët ka dyshime të arsyeshme se janë të implikuar me prodhimin dhe shpërndarjen e paligjshme të drogave narkotike sipas nenit 215 të Kodit Penal.
Dy nga të dyshuarit janë tashmë në paraburgim 48-orësh, dhe hetimi i kryer nga Ministria e Brendshme në koordinim me Prokurorinë lidhet edhe me drogat e gjetura në Serbinë fqinje, për të cilat ka indikacione se ato burojnë nga objektet e prodhimit për të ashtuquajturin kanabis mjekësor në vend.
Në kuadër të kontrolleve të kryera në mjediset e prodhimit në të gjithë vendin, u sekuestruan rreth 40 ton marihuanë, për të cilën një komision kompetent arriti në përfundimin se nuk ishte trajtuar në përputhje me rregulloret ligjore.
Ministri Toshkovski theksoi se kontrollet treguan se disa nga kompanitë punonin plotësisht ligjërisht dhe profesionalisht, por në disa u përcaktuan paligjshmëri serioze, prandaj marihuana është sekuestruar.
Lajme nga vendi
Alarmi për bombë në gjimnazin e Tetovës “Kiril Pejçinoviq”, nxënësit largohen nga objekti i shkollës policia konstaton se ishte i rremë
Paraditen e sotme është raportuar sërish alarm për bombë në gjimnazin “Kiril Pejçinoviq” në Tetovë, duke vazhduar serinë e kërcënimeve të njëpasnjëshme që janë regjistruar në këtë institucion vetëm gjatë kësaj periudhe informon Tetovasot.
Sipas informacioneve fillestare, menjëherë pas pranimit të njoftimit, janë ndërmarrë procedurat standarde të sigurisë, ndërsa nxënësit dhe stafi janë evakuuar përkohësisht nga objekti.
Nga autoritetet kompetente pritet të konfirmohet nëse bëhet fjalë për alarm të rremë, ashtu si në rastet e mëparshme, ndërkohë që hetimet për identifikimin e autorëve të këtyre kërcënimeve vazhdojnë.
Lajme nga vendi
Gjermania i dhuron Policisë së Maqedonisë automjete dhe pajisje në vlerë të 600,000€
Ministri i Punëve të Brendshme, Pançe Toshkovski sot në ambientet e Ministrisë së Punëve të Brendshme mori pjesë në ceremoninë e dorëzimit të një donacioni nga Republika Federale e Gjermanisë, ku ishte e pranishme edhe ambasadorja Petra Dreksler. Donacioni, me vlerë totale prej rreth 600,000 euro, i realizuar gjatë periudhës së kaluar, përfshin automjete, kamera termovizive, pajisje dhe softuer kompjuterik, pajisje të specializuara për kontrollin e dokumenteve, si dhe automjete speciale për njësinë ajrore.
Nga Ministria e Punëve të Brendshme thonë se këto pajisje janë të destinuara për përmirësimin e kapaciteteve të Ministrisë në fushën e menaxhimit të kufijve, luftës kundër trafikimit të njerëzve dhe kontrabandës së emigrantëve, analizës kriminale dhe inteligjencës, si dhe ekzaminimeve forenzike.
Një punëtor ka ndërruar jetë në rajonin e Petrovecit në Shkup, pasi mbi të ka rënë një konstrukt metali. Policia njofton se bëhet fjalë për një 23-vjeçar nga Velesi.
“Më 19.02.2026, në orën 15:00, në SPB-Shkup u raportua se në zonën industriale në komunën e Petrovecit, gjatë kryerjes së punëve në një objekt në ndërtim të një fabrike, një profil metalik ra nga lartësia mbi E.A. (23) nga Velesi, i cili vdiq në vendngjarje si pasojë e lëndimeve të marra. Mjeku i Ndihmës së Shpejtë konstatoi vdekjen, dhe sipas udhëzimeve të prokurorit publik, trupi i të ndjerit u dërgua për obduksion. Rasti është raportuar tek inspektori i punës, dhe një ekip hetues nga SPB-Shkup ka kryer inspektimin në vendngjarje”, thonë nga MPB.
Alarmi për bombë në gjimnazin e Tetovës “Kiril Pejçinoviq”, nxënësit largohen nga objekti i shkollës policia konstaton se ishte i rremë
Gjermania i dhuron Policisë së Maqedonisë automjete dhe pajisje në vlerë të 600,000€
Goditet nga konstrukti i metaltë, humb jetën i riu në Shkup
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
