Sport
LIGA E PARË: ÇAIRI NIKOQIR I DERBIT SHKËNDIJA (H) – ARSIMI
Të shtunën zhvillohen dy ndeshje e javës së katërt të rrethit të parë të sezonit vjeshtor. Në stadiumin në Çair, me fillim në ora 16:30, takohen Shkëndija e Haraçinës – Arsimi ndërsa në orën 17:00 në terrenin e FFM-së takohen Skopje – Tikveshi.
Ndeshja mes Shkëndijës së Haraçinës dhe Arsimit të Çegranit konsiderohet një mini derbi i javës së katër të kampionatit meqë për herë të parë luajnë njëra kundra tjetrës si anëtare të elitës së futbollit vendor.
Haraçinasit në tre xhirot e para kanë një disfatë në javën e pare, barazim me Sileksin javën e dytë në Çair dhe fitore në transfertë kundër Tikveshit në Kavadar në javën e tretë.
Pas fitores në Kavadar skuadra e Berat Imerit është motivuar të vazhdon rrugëtimin e sukseseve edhe kundër Arsimit , kësaj radhe para tifozëve të vet në Çair.
Trajneri Berat Imeri për TV Koha deklaroi se sfida me Arsimin do të jetë shumë e vështirë.
‘’ Na pret një ndeshje shumë e vështirë . Ne kemi shumë respekt për ekipin e Arsimit , Duhet të jemi shumë serioz . Gjatë tërë javës do të punojmë që të japim maksimumin dhe shpresoj për rezultat pozitiv. Por e rëndësishme është që futbollistët duhet ta kuptojnë se nuk ka ndeshje të lehta në kategorinë e parë. Jam optimist, presim fitore por nuk do të jetë lehtë‘’deklaroi Berat Imeri trajneri i Shkëndijës së Haraçinës
Futbollisti i Arsimit, Fatjon Jusufi, tha se pas dy dështimeve në dy xhirot e para, fitorja kundër Bashkimit, sadopak ktheu vetëbesimin dhe se kundër Shkëndijës së Haraçinës do të mundohen të nxjerrim rezultat pozitiv, me angazhimin maksimal të të gjithë ekipit.
“ Realisht mendoj se do të jetë një ndeshje shumë e vështirë edhe nga ana jonë edhe nga ana e Shkëndijës së Haraçinës. Mendoj se do të jetë një ndeshje mjaftë e luftuar fizikisht. Ekipi i cili do të bëjë më pak gabime besoj se edhe do ta fitoje ndeshjen. Ne kemi analizuar kundërshtarin edhe po punojmë në at aspekt. Mendoj se ndeshjet e para ne që i kemi luajt janë një shembull që nuk duhet marrë pasi është fillimi i kampionatit dhe shumica e lojtarëve ende nuk ishin kompozuar me ne. Më shumë jemi të hendikepuar nga viti i kaluar sepse shumicën e lojtarëve kanë ndruar ekipe edhe shumë të tjerë kanë ardhur tani. Por besoj se dalëngadalë do ta kapim edhe forcën fizike edhe po kthehemi bashkërisht si ekip dhe besoj se pas ndeshjes me Bashkimin dal nga dal ne do e kapim ritmin dhe në secilën ndeshje pa pa marr para sysh jashtë apo brenda për rezultate pozitive “ deklaroi futbollist Fatjon Jusufi.
Në terrenin FFM-së me fillim nga ora 17:00 do të përballen Skopje me Tikveshin e Kavadarit.
Dy ndeshjet e fundit të javës së katërt, Vardari – Sileksi dhe Shkëndija – Struga Trim Lum, zhvillohen të hënën.
Ekipe mund të formojnë të gjithë qytetarët e interesuar. Pjesëmarrja është plotësisht falas dhe e lirë për të gjithë!
Paraqitja e ekipeve (6+2):Me SMS në numrin: 070 251 279& 071595556
Eventi do të përmbyllet me një ngjarje festive dhe argëtuese të shoqëruar me katering. Shihemi atje!
Nesër me fillim në orën 20:00 në sallën e UT-së zhvillohet ndeshja e dytë e para xhiros në Ligën e parë të volejbollit për meshkuj mes KV Universiteti i Tetovës dhe KV Shkëndija
Nesër në Tetovë do të zhvillohet ndeshja kthyese e paraxhiros së Ligës së Parë të volejbollit vendor mes KV Universiteti i Tetovës dhe Shkëndija,
Në ndeshjen e parë e cila u zhvillua të shtunën skuadra e UT-së shënoi fitore 3-0 në cilësinë e mysafirit dhe tani ndeshja e nesërme përfundimisht do të vendos se cila nga këto dy skuadrat do të kualifikohet në Ligën A dhe cila do të mbetet në Ligën B.
Nëse eventualisht ekipi i Shkëndijës do të shënonte fitore atëherë do të luhet se ti i Artë për të nxjerrë fituesin nga ky takim.
Durim Luma trajneri i kuqezinjve tha se përkundër disfatës shpresojnë në përmbysje të rezultatit.
‘’Gjithmonë ka gjasa për një gjë të tillë pasi volejbolli mundëson një gjë të tillë. Ende nuk është kryer asgjë . Por pas dështimit në ndeshjen e parë ku ne luajtëm shumë dobët , pra shumë dobët kurse Universiteti dha maksimumin . Ne jemi përdatur që këtë gabim tonin ta përmirësojmë në ndeshjen e dytë. Kemi kapacitet për të bërë një gjë të tillë dhe besoj se lojtarët e mi do të japin maksimumin që ne këtë rezultat ta përmbysimi dhe të dalim në fund fitim tar’’ deklaroi trajneri Durim Luma
Nga ana tjetër ekipi i veteranëve të Shkëndijës mbrëmë ka regjistruar fitoren e radhës në Ligën e veteranëve dhe siguruan pozitën e parë në renditjen e tabelës pa asnjë disfatë , vetëm me dy sete të humbura kështu që tani si nikoqir më 1 nëntor do të luftojnë për titullin kampion.
‘’Kjo pozitë na mundëson që në turnirin final që do të mbahet me katër ekipet e para gjysmëfinalja që luhet i pari me të katërtin ne do ta organizojmë këtu në Tetovë , pra ne do të jemi nikoqir dhe për kundërshtarë në gjysmëfinale do ta kemi ekipin me veteranët e Tetovës. Besoj se edhe këtë ndeshje do ta kalojmë dhe në finale sipas të gjitha gjasave do të ndeshemi përsëri me Borecin. Besoj se kësaj radhe do të jemi fitimtar dhe kampion i Maqedonisë’’ tha trajneri Durim Luma
Ndeshja Universiteti i Tetovës – Shkëndija zhvillohet nesër me fillim në ora 20:00 në sallën e sportit të UT-së.
SHABAN SINANI – TV KOHA
40 gola në 9-të sfida të zhvilluara mbrëmë në kuadër të raundit të tretë të fazës së ligës të uefa liga e kamionëve. Supersfida PSZH -Barcelona si dhe duelet Liverpool – Villarreal, Mançester City – AEK dhe Napoli – Bodo/Glimt prodhuan spektakël .
Liga e Kampioneve ka hyrë në një fazë interesante, teksa mbrëmë u luajtën 9-të duele të vlefshme për raundin e tretë, ku nuk munguan surprizat.
Pas ndeshjeve të zhvilluara mbrëmë, vetëm dy skuadra kanë arritur të sigurojnë pikë të plota në 3 përballje. Bëhet fjalë për PSG-në dhe Liverpulin, që kryesojnë bindshëm.
Kampionët aktual të Evropës PSZH deklasuan Barcelonën duke e mundur me rezultatin 4-2, që rezultoi tepër emocionues. Por fitorja i kushtoi shtrenjtë skuadrës së Luis Enriques, e cila pësoi tri lëndime gjatë ndeshjes. Dembélé, Marquinhos dhe Kvaracehlija u detyruan të largoheshin nga fusha për shkak të problemeve fizike.
Mançester City ishte një nga skuadrat që spikati më shumë, duke mposhtur AEK me rezultatin 5-1.
Edhe Roma festoi një fitore bindëse, duke mposhtur Slovan Bratislavën me rezultatin 4-0.
Në ndeshjet e tjera, PSV mori një fitore të rëndësishme në transfertë ndaj Portos, ndërsa Napoli iu imponua Bodo/Glimt në një sfidë me shumë gola. Stuttgart dhe Atletico Madrid u ndanë në barazim.
Një përballje dramatike u zhvillua mes Liverpulit dhe Villarrealit, që përfundoi fitoi 4-3 në një ndeshje me shumë gola dhe emocione..
Rezultatet:
PSG – Barcelona 4-2
Roma – Slovan Bratislava 4-0
Porto – PSV 0-1
Liverpulli – Villarreal 4-3
Manchester City – AEK 5-1
Napoli – Bodo/Glimt 4-3
Stuttgart – Atletico Madrid 1-1
Sabah Baku – Borusia Dortmund 1-2
Gjokoviq dënohet me 10 vjet burg për krime lufte në Kosovë
Bedri Hamza dorëhiqet nga kreu i PDK-së
Kërkohet një person i zhdukur, kërkim intensiv përgjatë Vardarit në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës