“Një kontrollë sot, një jetë më shumë nesër” me këtë moto, kuvendi studentor i Universitetit të Tetovës ka organizuar panel diskutimi për ndërgjegësimin e gjinisë femërore ndaj kancerit të gjirit. Gjinekolog, hirurgë, psikolog dhe radiolog u mblodhën në amfiteatrin e UT-së për të dhënë shpjegime dhe këshilla të ndryshme. Gent Kurtishi thotë se qëllimi është dhënia e mbështetjes ndaj atyre grave që janë të prekura nga kjo sëmundje, duke u treguar kështu se nuk janë vetëm.

Onkologu Argjend Imeri tha se kanceri i gjirit është një nga sëmundjet më të shpeshta malinje te gratë, andaj kontrollet dhe detektimi i hershëm është mëse i nevojshëm.

Diagnostifikimi i hershëm mund të shërojë sëmundjen 100%, ndërsa te faza e vonshme të detektimit mjekimi është më i vështirë.

Në Maqedoni të Veriut çdo vit diagnotifikohen rreth 1000 gra me kancer të gjirit ndërsa rreth 470 në vit humbin jetën si pasojë e detektimit shumë të vonshëm të sëmundjes.

Edhe pas 48 orësh, festa e organizuar nga aktivistët dhe mbështetësit e BDI-së me rastin e lirimit të Artan Grubit nga paraburgimi shtëpiak vazhdon të ngjallë reagime në skenën politike.

Për këtë ngjarje ka folur edhe kryeministri Hristijan Mickoski, i cili theksoi se thelbësore është distancimi i familjes Grubi dhe i palës mbrojtëse nga organizimi i festës.

Sipas Mickoskit, aktivistët dhe mbështetësit, duke organizuar festime të tilla, mund t’u shkaktojnë më shumë dëm personave për të cilët pretendojnë se po i mbështesin.

“Sa i përket atmosferës që u krijua, unë lexova mbrëmë një tekst në të cilin i akuzuari Artan Grubi dhe familja e tij u kërkojnë falje qytetarëve të cilët mund të jenë shqetësuar nga mënyra e festimeve. Ata as nuk janë organizatorë, e as nuk kanë qëllim të jenë organizatorë të ngjarjeve të tilla. Mendoj se kjo është pjesë e mentalitetit të personave që mendojnë se me organizime të tilla u ndihmojnë bashkëpartiakëve të tyre. Megjithatë, mendoj se gabojnë.”

Ndryshe, më 13 tetor, qindra aktivistë dhe mbështetës të BDI-së organizuan pritje me fishekzjarrë dhe flakadanë për të shënuar lirimin e Grubit nga paraburgimi shtëpiak, pas më shumë se tetë muajsh të kaluar nën këtë masë.

Advertisement

Kujtojmë se Artan Grubi është i akuzuari i dytë në rastin “Llotaria” dhe, sipas masave të përcaktuara ka detyrimin të paraqitet në gjykatë. Ndërkohë, gjykata ka refuzuar kërkesën për kthimin e dokumenteve të udhëtimit kundrejt një garancioni prej më shumë se 300 mijë eurosh.

Në Tetovë i përuruan semaforët e rinj me sinjalizim zanor, gjë që është mëse e nevojshme për personat e verbër.
Megjithatë, lëvizja për personat e verbër nëpër Tetovë mbetet ende një sfidë shumë e rëndë. REALITETI në terren mbetet tejet i vështirë. Infrastruktura rrugore dhe trotuaret nuk janë të përshtatura, ndërsa automjetet e parkuara pa kriter u vështirësojnë jashtëzakonisht shumë lëvizjen.

JETMIR SELMANI – I verbër “Apeli im për qytetarët, ka edhe njerëz që më shohin se lëviz me shkopin e bardhë, ama rrugën nuk ma lërojnë. Edhe veturat mos t’i parkojnë kudo, ku s’duhet.  Edhe institucionet të punojnë pak më shumë, që t’i plotësojnë këto kushtet tona. Te semaforët e rinj ka sinjalizim me zë. Infrastruktura trotuareve duhet të përmirësohet, allan! Veturat na pengojnë shumë, parkimet janë vende pa vend, lëvizja na vështirësohet. Për shembull, në stacion të autobusëve kemi parkime veturash… Edhe në këtë aspekt duhet të punohet pak më shumë.”

Për momentin, qyteti nuk ofron shtigje të posaçme për lëvizjen e këtyre personave, duke kërkuar angazhim më të madh institucional. Situata në Tetovë rreth infrastrukturës është tejet specifike.

HAMDI XHEMAILI – Kryetar i Shoqatës së të Verbërve – TETOVË   Mk ” “Puna është kështu sa i përket Tetovës: infrastruktura këtu është mjaft specifike për ne, personat e verbër, ku lëvizja është shumë e vështirë që personat të lëvizin vetëm. Ne patëm kërkesa te kryetari i komunës edhe për personat me shikim të dëmtuar që kemi, që të na ndihmojë rreth trotuareve ku parkohen shumë vetura. Ata njerëz që parkohen janë të papërgjegjshëm dhe nuk mendojnë se ka edhe persona me aftësi të kufizuara — jo vetëm ne të verbërit, por ka edhe persona me karrocë — ku ne nuk mund të kalojmë ashtu siç duhet të ecim. Detyrohemi të zbresim në rrugë, e pastaj, mos e dhashtë Zoti, mund të na godasë ndonjë makinë. Po ashtu, kërkuam nga kryetari i komunës edhe shtigje të posaçme për personat e verbër. Nuk mundet në të gjithë qytetin, por aty ku frekuentojmë më shumë, ku ka institucione publike apo te shoqata ku vijnë vetë anëtarët, që aty të ketë shtigje të dedikuara vetëm për personat e verbër.”

Nga ana e institucioneve kompetente paralajmërohet se ky është vetëm hapi i parë, dhe se në të ardhmen do të punohet në zgjerimin e projekteve për lehtësimin e lëvizjes në qytet.

Advertisement

BILALL KASAMI – Kryetar i Komunës Tetovës ”  Do iasha thënë ësht një projekt të cilin jemi në realizim e sipër, kjo ishte faza e parë, çështja e kalimit të rrugës dhe instalimi i semaforëve me sinjalizim zanor dhe ulja e barrierave apo trotuareve të rrugës që ato të mund të kalojnë. Fazën tjetër do të vazhdojë ashtu siç u përmend, edhe zgjerimi i kryqëzimeve me semafor zanor, por po ashtu edhe shtigjet e veçanta që këta persona të mund të lëvizin më lirshëm, veçanërisht në rrugët qendrore të qytetit. Pra, në fazën tjetër do të vazhdohet menjëherë edhe me përcaktimin e shtigjeve të tillë.”

Përtej semaforëve me zhurmues dhe premtimeve për investime, pavarësia e një qyteti nuk matet vetëm me teknologjinë në letër, por me ndërgjegjen e secilit prej nesh.  Inkluziviteti nuk është vetëm detyrim institucional, por provë e njerëzisë sonë. Tetova ka nevojë për infrastrukturë, por mbi të gjitha, ka nevojë për kujdes dhe solidaritet në çdo metër të rrugës.   TV KOHA