Lajme nga vendi
Përmbyllet gjysmëvjetori i parë në shkolla
Nxënësit e arsimit fillor dhe të mesëm sot e përmbyllën gjysmëvjetorin e parë të shkollës. Në bankat shkollore do të rikthehen më 18 janar, më herët nga pushimi dimëror i zakonshëm. Nga Ministria e Arsimit arsyetohen se kjo ka të bëj me kalendarin për mësim gjatë vitit që po lëmë pas ku u humbën shumë ditë mësimi për shkak të festave. Sipas mësimdhënësve, këtë gjysmë-vjetor e karakterizoi mungesa e librave.
“Risi ka qenë koncepti mirëpo me ato trajnimet që i kemi bë ne mësimdhënësit që do të ligjërojmë në ato klasa ku ka koncept na ka ndihmuar trajnimi mjaft dhe nuk po shohim aq vështirësi. Çdo fillim është i vështirë mirëpo e kemi tejkaluar me kontributin e madh që japim ne mësuesit. Librat nuk i kemi pas, i kemi marr tash kohën e fundit. Për librat po, na kanë munguar por jemi gjind sepse kemi punu librat e vjetër që kanë punu gjeneratat e tjera”, tha Muzafere Shabani, sh.f “Kirili e Metodij”, fshati Straçincë.
Nxënësit shprehen të kënaqur që tashmë kishin mësuar alfabetin e gjuhës shqipe. Me rastin e festave të fund vitit fëmijët kishin realizuar edhe shumë punime.
“Në gjysmëvjetorin e parë i kemi mësuar të gjitha shkronjat. Prej A deri këtu…Cila është shkronja e fundit që e keni mësuar? ZH. Kemi bë shumë vizatime tash për dimrin. Në matematikë kemi mësuar plusin edhe minusin”, u shpreh një nxënëse
“Jemi kënaqur me shokët dhe shoqet. Kemi vizatu, kemi shkruar shkronjat e alfabetit të gjuhës shqipe. Kur të jemi në pushim do ti ushtrojmë shkronjat që mos ti harrojmë”, tha një nxënës.
“Përveç shkronjave I kemi mësuar numrat në matematikë. Deri në sa ke mësuar të numërosh? Deri 11. Klasa është shumë e bukur. Me mësueses kemi bë shumë vizatime për klasën”, u shpreh një nxënës.
Drejtuesit e shkollave dhe mësuesit njoftuan se kanë kompensuar orët mësimore të humbura për shkak të alarmeve të rreme për bomba.Gazetare: Melihate Rustemi
Nga 1 shtatori, një kuti cigaresh në Maqedoni do të shtrenjtoheg për 10 denarë. Rritja është rezultat i harmonizimit të parashikuar të akcizave me standardet evropiane, proces që do të zbatohet gradualisht deri në vitin 2030
Sipas Organizatës Botërore të Shëndetësisë, Maqedonia ka rreth 45% duhanpirës aktivë, duke e renditur ndër vendet me përqindjen më të lartë të varësisë nga duhani në Evropë.
Qëllimi i politikës së re të akcizave është reduktimi gradual i numrit të duhanpirësve dhe afrimi me mesataren evropiane, e cila deri në fund të këtij viti pritet të jetë rreth 15.4%.
Ndërkohë në Maqedoni, pasojat e pirjes së duhanit shkaktojnë rreth 4000 vdekje në vit, ndërsa me këtë masë pritet që një pjesë e qytetarëve të vendosin ta lënë duhanin.
Rritja e çmimeve është pjesë e një strategjie më të gjerë për përmirësimin e shëndetit publik dhe harmonizimin me rregullativat evropiane.
Lajme nga vendi
Tetova në “luftë” me deponitë ilegale/ Kamera për monitorimin e qytetarëve të pandërgjegjshëm
Në kuadër të projekti “Për një Tetovë më të pastër”, Komuna e Tetovës, sot bashkë me Ministrinë e Ekologjisë dhe operatorin Saubermacher, kanë shpërndarë kontejnerë për selektimin e mbeturinave për 205 familje të lagjes “Tetovarja”.
“Çdo familje do të ketë nga tre kosha të mbeturinave, njëra për selektim të plastikës, njëra për letrën dhe një për mbetjet komunale. Po ashtu me këtë projekt është bashkëngjitur edhe operatori privat, i cili ka shpërndarë kosha që janë për mbetjet komunale dhe po ashtu do bëj edhe menaxhimin e kësaj pjese”, tha Bilall Kasami, kryetar i komunës së Tetovës.
Kasami paralajmëroi vendosjen e kamerave të sigurisë, me qëllim ruajtjen e pastërtisë në qytet.
“Bëj thirrje deri tek qytetarët që të ruajnë hapësirën publike dhe të mos hedhin mbetje aty ku nuk e kanë vendin, sepse po sot ishim dëshmitarë të një situate të pakëndshme në rrugën e banjës, ku punëtorët e ndërmarrjes komunale dolën për të ndihmuar operativën për pastrimin e kësaj pjese të bukur të qytetit”, u shpreh Bilall Kasami, kryetar i Komunës së Tetovës.
Komuna e Tetovës ka nisur procedurën ligjore dhe po pret miratimin nga institucionet ligj-zbatuese për vendosjen e kamerave të sigurinë nëpër hapësirat ku dyshohet se qytetarët hedhin mbeturina. /Alsat.mk
Lajme nga vendi
Pesë kandidatë të pavarur për kryetar komune dhe tre lista të pavarura për këshilltarë në Strugë
Pesë kandidatë të pavarur për kryetar komune dhe tre lista të pavarura për këshilltarë janë parashtruar në njësinë rajonale të Komisionit shtetëror zgjedhor në Strugë, konfirmuan për MIA-n nga KSHZ-Strugë.
Afati për grumbullim të nënshkrimeve për kandidatura të pavarura për Zgjedhjet lokale 2025, të cilat janë caktuar për më 19 tetor skadon sonte.
Parashtrimi i kandidaturave për garën për kryetar komune dhe lista të këshilltarëve të mbështetur nga partitë politike është deri më 13 shtator. Pas skadimit, publikisht do të publikohen të gjitha listst e konfirmuara.
Rritje e re e çmimeve të cigareve, 10 denarë plus për secilën kuti
Tetova në “luftë” me deponitë ilegale/ Kamera për monitorimin e qytetarëve të pandërgjegjshëm
Vijojnë protestat antiqeveritare në Beograd
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve