Lajme nga vendi
Rënie e lehtë e rasteve me grip stinor te fëmijët në Maqedoni, situata shkon drejt përmirësimit
Rënie e lehtë e rasteve me grip stinor te fëmijët. Mjekët thonë se dy ditët e fundit vërejnë një rënie krahasuar me javën e shkuar, ndërsa presin rënie më të theksuar gjatë javës që vjen. Drejtori i Spitalit të fëmijëve në Kozle Besnik Zeqiri thotë se komplikimet më të shpeshta nga gripi janë bronhiti akut dhe bronheoliti, ndërsa mosha më e prekur mbetet ajo nga 0-3 vjeç.
“Dy ditët e fundit dje dhe sot, sikur ka rënë numri i pacientëve të vegjël që vijnë në institucionin tonë. Numri është ndër 150 raste në ditë, do të thotë nga 120-150 raste në ditë sepse javën e kaluar numrat ishin nga 150-200 raste në ditë. Në Spitalin tonë për momentin kurohen 63 fëmijë të cilët fillimisht vijnë në ambulancat tona, me shqetësime kryesore si hundë të zëna apo rrjedhje nga hundët, dhimbje koke dhe kolla e cila është shumë e shprehur si dhe temperaturë shumë të lartë tek më të vegjlit ku vijnë të dehidruar”, tha Besnik Zeqiri, Drejtor i Spitalit në Kozle.
Prindërit ankohen për simptoma të zgjatura te fëmijët, sidomos kollitjes.
“Kemi ardhur nga Prilepi, me udhëzim të mjekut amë pasi djali ka pasur kollitje prej 1 javësh”.
“ Ka kollitje, vetëm koll nuk ka simptoma tjera, tanimë gati një javë”.
Nëse simptomat e gripit nuk tejkalohen në kushte shtëpiake për disa ditë me radhë, mjekët rekomandojnë që fëmijët të ju drejtohen institucioneve shëndetësore.
“Të gjitha ushqimet apo lëngjet e ngrohta në këtë periudhë janë të mirëseardhura për fëmijët, duhet të përgatiten çaje të ndryshëm sa më tepër lëngje të ketë në menynë ditore, dhe ushqime të përgatitura në shtëpi, mos jenë ushqime nga jashtë të përdoren gjithashtu dhe frutat e stinës së dimrit si portokajtë apo mandarinat që kanë vitamina natyral”, deklaroi Besnik Zeqiri, Drejtor i Spitalit në Kozle.
Raporti i fundit i Institutit të Shëndetit Publik vë në dukje se në sezonin e gripit numri i përgjithshëm i rasteve është 930. Krahasuar me të njëjtën periudhë gjatë sezonit të kaluar numri i rasteve të raportuara është për 45,7% më i ulët. Numri më i madh i të sëmurëve (199) është regjistruar në rajonin e Tetovës. Deri më tash me vaksina kundër gripit stinor janë imunizuar rreth 60,000 qytetarë.
Nisma qytetare “Iniciativa për fëmijëri të sigurtë” ka publikuar një peticion ku kërkohet ndalesa e përdorimit të rrjeteve sociale për fëmijë deri 12 vjec dhe rregullimin e qasjes për të miturit deri në 16 vjec në Maqdoninë e Veriut.
Nga kjo nismë thonë se janë një grup I prindërve të shqetësuar, mësimdhënës, ekspertë dhe qytetarë që duan të nxisin ndryshime ligjore për të mbrojtur sigurinë digjitale, shëndetin mendor dhe privatësinë e të miturve.
INICIATIVA PËR FËMIJËRI TË SIGURTË
-Të ndalohet përdorimi i rrjteve sociale për fëmijtë deri në 12 vjeç dhe rregullimin për fëmijtë deri 16 vjeç gjatë regjistrimit përmes verifikimit domosdoshëm.
-Mediat sociale dhe platformat të sigurojnë mekanizma teknike dhe huridike për pëlqim prindëror.
-Kufizimin e targetimit algoritmik dhe rekomandimit automatik për përmbajtje kreative për profilet që identifikohen si të fëmijëve;
-Program kombëtar për arsimim digjiatl dhe mbështetje për shëndetin mendort të fëmijëve dhe familjeve të tyre.
Nga kjo nismë thonë se dëmi tashmë po ndodh para syve tanë, duke përmendur efektet negative sikurse shëndeti i cënuar mendor, dhunë online, vetëlëndime, “sfida” të rrezikshme, koncentrim të ulët e të ngjashme.
Nisma rikujton se disa vende sikurse Australia, Franca, Spanja, Suedia, Sllovenia e të tjera kanë bërë tashmë hapin e parë duke ndaluar përdorimin e rrjeteve sociale për fëmijtë dhe rregullimin e të njëjtëve për adoleshentët.
Lajme nga vendi
Lëndohen dy të mitur pasi kanë rënë nga trotineti elektrik dergohen në Qendrën Emergjente në Gostivar
Më 04.02.2026 rreth orës 16:30, nga Qendra Emergjente në Gostivar është denoncuar se tek ata janë sjellë dy të mitur me lëndime. Pas masave të ndërmarra, është vërtetuar se të miturit i kanë marrë lëndimet pasi kanë rënë nga një trotinat elektrik, me të cilin po lëviznin përgjatë kejit të lumit Mazdraça. Njëri i mitur ka pësuar lëndime të rënda trupore, ndërsa tjetri lëndime trupore. Këqyrjen e vendit të ngjarjes e ka kryer ekipi i DPB Gostivar.
Lajme nga vendi
Flori Epiriani dërgon iniciativë në Gjykatën Kushtetuese për heqjen e shtesës 30%: kërkohet anulimi i ndryshimeve ligjore
Themeluesi i Sindikatës së Pavarur të Policisë (NSP), Flori Epiriani, ka dorëzuar iniciativë në Gjykatën Kushtetuese të Republikës së Maqedonisë së Veriut për vlerësimin e kushtetutshmërisë së ndryshimeve në Ligjin për Punë të Brendshme dhe Ligjin për Policinë, që kanë të bëjnë me pagat dhe shtesat mbi pagë të punonjësve të policisë .
Në nismën e tij, Epiriani konteston ndryshimet ligjore me të cilat shtesa fikse për rrezikshmëri dhe specifikën e punës ,e njohur si shtesa për autorizim prej 30 %, përkatësisht 20 % është hequr nga ligji dhe është lënë të rregullohet me akte nënligjore ose me marrëveshje kolektive.
Sipas tij, këto ndryshime cenojnë parimin e sundimit të së drejtës, të garantuar me nenin 8 të Kushtetutës, duke krijuar pasiguri juridike për statusin ekonomik të punonjësve të policisë.
“Profesioni i policit është profesion me rrezikshmëri të lartë dhe kërkon mbrojtje ligjore të veçantë. Zhvendosja e të drejtave nga ligji në akte nënligjore krijon mundësi që ato të zvogëlohen në mënyrë të njëanshme nga ana e pushtetit ekzekutiv, pa kontroll parlamentar”, thuhet në arsyetimin e iniciativës.
Në iniciativë theksohet gjithashtu se ndryshimet ligjore bien ndesh edhe me nenin 32 të Kushtetutës, i cili garanton të drejtën për fitim të rregullt dhe të përshtatshëm me peshën dhe rrezikshmërinë e punës.
Sipas parashtruesit, rreziku nga përdorimi i armëve të zjarrit dhe nga zbatimi i detyrave policore është objektiv dhe i përhershëm, ndërsa heqja e garancisë ligjore për shtesën për rrezikshmëri nënkupton se shteti nuk e trajton më këtë rrezik si pjesë të detyrueshme të pagës.
Një nga argumentet e ngritura para Gjykatës Kushtetuese është edhe cenimi i parimit të barazisë, pasi sipas iniciativës , punonjësit e policisë vihen në pozitë të pabarabartë në krahasim me kategori të tjera profesionale me detyra specifike, të cilave të drejtat nga marrëdhënia e punës u janë të garantuara drejtpërdrejt me ligj.
Në kërkesën drejtuar Gjykatës Kushtetuese, Flori Epiriani propozon:
fillimin e procedurës për vlerësimin e kushtetutshmërisë së dispozitave të kontestuara, dhe
shfuqizimin ose anulimin e tyre, me qëllim rikthimin e zgjidhjes së mëparshme ligjore që garantonte shtesë fikse për rrezikshmëri.
Në një deklaratë publike drejtuar opinionit dhe punonjësve të Ministrisë së Punëve të Brendshme, Epiriani thekson se shteti, përmes këtyre ndryshimeve, e ka shndërruar të drejtën për shtesë në pagë në çështje të negociatave dhe vullnetit politik.
Ai u bën thirrje të gjithë punonjësve të policisë për unitet, duke theksuar se kjo iniciativë para Gjykatës Kushtetuese është “fillimi i betejës juridike për ruajtjen e integritetit të profesionit të policit”.
NISMA: PETICION – TË NDALEN RRJETET SOCIALE PËR FËMIJTË!
Lëndohen dy të mitur pasi kanë rënë nga trotineti elektrik dergohen në Qendrën Emergjente në Gostivar
Flori Epiriani dërgon iniciativë në Gjykatën Kushtetuese për heqjen e shtesës 30%: kërkohet anulimi i ndryshimeve ligjore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
