Në një postim të fundit, zëvendëskryeministri Arben Fetai theksoi se “dallgët e VLEN-it po zhurmojnë në çdo komunë të këtij vendi” dhe përshkroi frymën e protestës dhe angazhimit si një vetëdije që ka lindur pas 19 tetorit. Ai përmendi emrat e disa komunave dhe drejtuesve vendorë si shembuj të përhapjes së mbështetjes për koalicionin.

“Kjo frymë që nuk ndalet, tanimë është kthyer në vetëdije. Është zgjimi i një populli që më 19 tetor i tha mjaft zullumit dhe vendosi të jetë protagonist i ndryshimit. Tetova e Bilallit, Bogovina e Fetiut, Bërvenica e Haqimit, Struga e Mendiut, Dibra e Fisnikut, Studeniçani i Azemit e Dollneni i Blerimit do të jenë vula e politikës së re, e politikës që matet me punë e përgjegjësi. Ne nuk kërkojmë votën tuaj për të shpëtuar vetën tonë, por për t’i pastruar komunat tona nga katrahura që e lanë pas ata që e trajtuan pushtetin si pronë të babës. Andaj, të dielën, të dalim masovikisht, që në mëngjesin e së hënës t’ia japim goditjen e fundit regjimit të vjetër dhe politikës pa krye të Ahmetit, Taravarit e Selës. Kjo është epoka jonë, epoka e të rinjve e të rejave që nuk e pranojnë nënshtrimin. VLEN me Një zë për numrin 7, numrin 133 dhe numrin 36”, shkroi Fetai.

Nga fundi i muajit të ardhshëm, Kleksani do të mund të merret me recetë, njoftuan nga Fondi për Sigurim Shëndetësor. Përveç Kleksanit, edhe një medikament tjetër kundër mpiksjes së gjakut – Nadoparina, gjithashtu do të përfshihet në listën pozitive. Shuma e pjesëmarrjes për këto barna do të përcaktohet më vonë.

“Këto medikamente deri më tani ishin në listën pozitive B dhe për trajtim në shtëpi qytetarët duheshin të përdornin rimbursim. Deri në fund të nëntorit, këto dy barna do të jenë të disponueshme në farmaci me recetë. Këtu kemi një fitim të dyfishtë: qytetarët, pacientët, nuk do të kenë nevojë të shkojnë te sportelet për të marrë rimbursimin për këto medikamente dhe do të kenë akses më të lehtë tek barnat. Së dyti, ne do të kemi më pak presion pune dhe do të mund të përqendrohemi tek çështje të tjera”, tha Sasho Klekovski, drejtor i Fondit për Sigurim Shëndetësor.

Përveç kësaj, Fondi ka njoftuar se në periudhën e ardhshme do të rishikohen kriteret për sigurimin shëndetësor. Kjo do të thotë se, në bashkëpunim me Drejtorinë për të Ardhura Publike dhe Ministrinë e Brendshme  do të vlerësohen rreziqet e abuzimeve, ndërsa në fokus do të jenë personat që punojnë në ekonomi të zezë ose ata që kanë të ardhura jashtë vendit dhe nuk kanë regjistruar asnjë të ardhur në vend.

“Qëllimi nuk është të hiqet sigurimi shëndetësor, por të vendoset një marrëdhënie e drejtë dhe e barabartë – kujdes shëndetësor falas të ketë për njerëzit që me të vërtetë nuk kanë të ardhura, ndërsa për ata që kanë të ardhura në ekonomi të zezë ose jashtë Maqedonisë të gjendet një mënyrë për të kufizuar hapësirën për këto abuzime”, u shpreh Sasho Klekovski, drejtor i Fondit për Sigurim Shëndetësor.

Aktualisht, në sistemin e Fondit janë të regjistruar 1.845.007 të siguruar./ Alsat.mk

Advertisement

Kryeministri i vendit, Hristijan Mickoski tha se rruga e Maqedonisë drejtë BE-së nuk do të jetë poshtëruese dhe ofenduese, por dinjitoze dhe shtoi se nuk do të lejojnë që të kushtëzohet identiteti maqedonas. Mickoski shtoi se dëshiron dialog me fqinjët, por jo diktat. Ndërkohë shtoi se, dialogu duhet të jetë bazuar në respekt dhe vlera evropiane.

E për këtë, kryeministri Mickoski bëri thirrje për unitet të të gjitha partive, që të ketë strategji të përbashkët.

“Dhe kur do të ulemi tryezë me Brukselin, nuk do të ulemi në gjunjë dhe të gjunjëzohemi, por do të qëndrojmë të drejtë me fakte, me argumente dhe me respekt. Maqedonia do të jetë pjesë e Bashkimit Evropian, por me kurriz të drejtë dhe me shenjë të qartë se çfarë do të thotë identiteti maqedonas dhe aftësi. Për këtë, duhet bashkimi i të gjithë, në baza partiake dhe në linjë etnike. Të mos ketë dallime, por të ketë strategji të përbashkët”, tha Hristijan Mickoski.