Gjevreku 32 denarë, byreku prej 80 deri 120 denarë, buka prej 450 gram e cila shitej për 35 denarë, tani shitet për 40 denarë.

Një pjesë e bukëpjekësve në Shtip, Koçanë, por edhe në Prilep dhe Manastir, kanë paralajmëruar se nga sot do të rrisin çmimin e bukës.

Nga Industria e furrave të bukës pranë Odës Ekonomike thonë se nuk kanë ndikim në rritjen e cmimeve dhe se vendimi është në duart e bukëpjekësve, por thonë se janë rritur harxhimet e prodhimit të bukës dhe se çmimet duhet të rriten për 10%.

Jo, nuk është shaka e 1 Prillit. Paralajmërohet shtrenjtimi i cmimit të bukës. Në disa rajone të vendit tashmë buka shitet me çmim të ri. Kohëve të fundit janë shtrenjtuar vezët, vaji dhe produkte të mishit, kurse cmimet e produkteve bujqësore nëpër tregje shënojnë rekorde. Si ka për t`u reflektuar kjo në buxhetet familjare? A janë pagat të mjaftueshme për të përballuar presionin e rritjes së çmimeve?

“Le të rritet, buka kam boll, shyqyr Allahut”

Advertisement

“Për buxhetin familjar është prish krejt.

-A mund t`ia dilni me një rrogë?

Jo hiç. A në doktor, a ku? Çdo çmim është rritur, edhe të shkosh ta punosh tokën, nafta ka hip”

“Nuk është në rregull. Sipas standardit tonë, kjo nuk është në rregull. Rritja nuk është vetëm tek buka, çdo artikull tashmë e ka kaluar kufirin”

“Rritja e çmimit të bukës do të thotë krizë, katastrofë.

Advertisement

Me një rrogë, me cilën rrogë, të Maqedonisë? Një javë nuk del, për një familje flas. Individët mund t`ia dalin”

Nga ana tjetër Qeveria zotohet se do ta analizojë cmimin e bukës dhe do të ndërmarrë masa nëse ka nevojë për rritje reale, në të kundërtën do të dënohen bukëpjekësit që në mënyrë joreale kanë rritur cmimin e bukës.

“Në terren është Inspektorati i Tregut, 30 ekipe po ndjekin situatën. Gjatë ditës do të kem takim për këtë temë. Do t`i shohim pasojat dhe nëse ka nevojë për këtë rritje të cmimeve. Nëse ka nevojë do të ndërmarrim masa, kurse nëse s`ka nevojë atëherë kundër atyre që sillen në mënyrë devijuese do të shqiptohen gjoba”

Më herët janë rritur edhe çmimet e vajit dhe vezëve, ndërsa sipas reagimeve të qytetarëve, në rritje janë edhe çmimet e perimeve në tregje, veçanërisht të specave dhe domateve.

Ky trend i rritjes së çmimeve po ushtron presion shtesë mbi buxhetet familjare.

Advertisement

Sipas të dhënave të fundit të Sindikatës, shporta minimale e konsumit është rritur për më shumë se 2.000 denarë në tre muaj.

Ndërkohë, paga minimale është rritur për 1.600 denarë, por mbetet e paqartë nëse kjo do të jetë e mjaftueshme për të përballuar rritjen e vazhdueshme të kostos së jetesës.

Është hera e 7 me rradhë që po protestojnë por zëri i tyre nuk po dëgjohet. Andaj këtë të mërkurë qytetarët e prekur nga ligji për tatim retroaktiv marshuan nga qendra e qytetit të Tetovës drejt Gjykatës themelore, nga ku përcollën disa porosi me rëndësi.

Ata thonë se shteti duhet të merr parasysh kërkesat e tyre dhe të ndalojë menjëherë tatimin retroaktiv që sipas tyre është i paligjshëm meqë thonë se i kanë kaluar më shumë se 183 ditë jashtë shtetit, gjë që i liron nga pagesa e tatimit.

Sipas tyre, çdo qytetarë që ka punuar në shtetet e lindjes por edhe të tjerë, duhet të paguajnë së paku nga 50 mijë euro tatim, para që më nuk i kanë meqë i kanë investuar në shkollim dhe mbajtje të familjeve.

Së fundmi, përveç të hyrave shteti ka filluar që të tatimoj edhe dëmshpërblimet që disa kanë marr, gjë që sipas tyre është e ndaluar edhe me ligje ndërkombëtare. Protestuesit gjithashtu u bënë thirrje edhe studentëve që kanë punuar njëkohësisht që kanë studiuar, e që tani kanë filluar që shteti t’i tatimoj, të i bashkëngjiten protestës së tyre që thonë se nuk do të ndalet deri sa zëri i tyre të ndëgjohet dhe shteti të merr masa. Protesta të njëjta vazhdojnë të mbahen edhe në qytetin e Kumanovës ku qytetarët që punuan jashtë vendit përballen me të njëjtin proble.

Në Universitetit e Tetovës, Ambasadori i Paqes, përkatësisht Presidenti i Institutit për Bashkëpunim dhe Zhvillim – Francë dhe Gjenevë, Tahir Shabani mbajti ligjëratë me temë: “Përballja me sfidat sociale dhe kulturore të të rinjve – Si t’i përgatisim studentët për një shoqëri të larmishme”. 

Sfidat, perspektivat, bashkëpunimet universitare, integrimet, bashkëpunimet në kuadër të programit “Erasmus” ishin në fokus të ligjëratës së Tahir Shabanit – Ambasadorit të Paqës në Botë, para studentëve dhe stafit akademik të Universitetit të Tetovës.

Në ligjëratën e tij, Tahir Shabani foli për përballjen me sfidat sociale dhe kulturore, si pjesë thelbësore e formimit të të rinjve në ditët e sotme. Ne jetojmë në një shoqëri gjithnjë e më të larmishme, ku ndërveprimi me kultura, ide dhe perspektiva të ndryshme është i pashmangshëm. 

Tahir Shabani thotë se krahas në UT edhe në Universitetet tjera shqipfolëse pritet të koordinohetnjë agjendë në nivel rektorësh me BE-në që të shikohen programet e bashkëpunimit.

TAHIR SHABANI – Ambasador i Paqës në Botë

Advertisement

“Të gjitha ato programe që mund të kalojnë direkt pa kaluar përmes Qeverisë në Shkup, kalojmë drejtpërdrejtë programet arsimore për arsim të lartë. Kjo është një diplomaci që duhet ta vazhdojë diplomacia kulturore që është në favor të studentëve shqiptar, promovimit të tyre dhe mundësitë e programeve pedagogjike në kuadër të binjakëzimit dhe raportet bilateral”

Sipas Shabanit në qendër të vëmendjes do të jetë interesi studentor dhe shkëmbimet e studentëve krejt kjo në bashkëpunim me disa universitete evropiane.

TAHIR SHABANI – Ambasador i Paqës në Botë

“Do t`i diskutojmë mundësitë për shkollat verore dhe dimërore duke parë mundësitë edhe pranë universiteteve franceze dhe atyre helvetike, të krijohet mundësia të ketë një shkëmbim përmes tyre edhe organizatave ndërkombëtare. Në kuadër të organizatave ndërkombëtare do të jetë mundësia që të vijnë të bëjë praktikë dhe të harmonizohet me mision diplomatik edhe Ambasadat e RMV-së pranë organizatave ndërkombëtare në Gjenevë dhe Komisionit Evropian në Bruksel”

Gjatë ligjëratës u theksua nevoja për zhvillimin e aftësive si mendimi kritik, empatia, komunikimi ndërkulturor dhe bashkëpunimi, të cilat janë thelbësore për suksesin personal dhe profesional. Po ashtu, u diskutua roli i institucioneve arsimore në krijimin e hapësirave gjithëpërfshirëse si dhe në nxitjen e bashkëbisedimit dhe mirëkuptimit ndërmjet kulturave të ndryshme

Advertisement

.