Ministria e Arsimit dhe Shkencës ka shpallur konkursеt për bursa për nxënësit dhe
studentët për vitin shkollor dhe akademik 2025/2026. Numri më i madh i bursave
është i dedikuar për mbështetjen e nxënësve të regjistruar në drejtimet duale në
arsimin e mesëm profesional – 1570 bursa. Për nxënësit në shkollat profesionale që
ndjekin programe me kohëzgjatje trevjeçare janë parashikuar 150 bursa.
Ministria e Arsimit dhe Shkencës do të ndajë edhe 300 bursa për nxënës të
shkollave të mesme të regjistruar në programe mësimore nga fushat: hotelieri dhe
turizëm, pylltari dhe përpunim i drurit, ndërtimtari dhe gjeodezi, bujqësi–peshkatari
dhe veterineri, makineri, tekstil dhe lëkurë, ndërsa 180 bursa do të jenë mbështetje
për nxënës me nevoja të veçanta ndërsa 50 për nxënës – fëmijë pa prindër.
Për nxënësit e talentuar janë dedikuar 150 bursa, po aq edhe për nxënësit e
talentuar – sportistë, ndërsa nxënësit e talentuar të arsimit të mesëm nga fusha e
arteve mund të aplikojnë për 50 bursa.
Ministria e Arsimit dhe Shkencës do të ndajë gjithashtu 900 bursa për mbështetje
sociale për nxënësit e shkollave të mesme publike, si dhe 1200 bursa për nxënësit
romë të regjistruar në shkollat e mesme publike dhe private.
Edhe studentët mund të aplikojnë për kategori të ndryshme të bursave.
Për studentët nga kategoria sociale janë parashikuar 1.470 bursa. Për studentët që
kanë arritur sukses të lartë gjatë studimeve, nga fushat shkencore të shkencave
matematiko-natyrore, tekniko-teknologjike, bioteknike, mjekësore, shoqërore dhe
humanitare, janë parashikuar 770 bursa, ndërsa për studentët e informatikës janë
parashikuar veçmas 85 bursa.

Nga 15 bursa u ndahen studentëve të regjistruar në programe studimore për gjuhë
maqedonase, letërsi maqedonase dhe letërsi sllave të jugut, studentëve të
programeve studimore për histori të artit, arkeologjisë, artit figurativ dhe etnologjisë e
antropologjisë, si dhe studentëve të programit studimor për përkthim dhe interpretim
nga gjuha maqedonase në gjuhën shqipe dhe anasjelltas.

Për studentët e regjistruar në programet studimore nga fushat shkencore të
shkencave matematiko-natyrore, tekniko-teknologjike, bioteknike dhe/ose shkencave
mjekësore, të cilët kanë arritur sukses mesatar nga viti i parë deri tek viti vijues i
studimeve të regjistruara më së paku 7.50 janë paraparë gjithsej 500 bursa. Gjithsej
130 bursa do t’i shfryëzojnë studentët të cilët kanë arritur sukses mesatar nga viti i
parë deri tek viti vijues i studimeve të regjistruara prej së paku 7.00 sukses mesatar,
ndërsa janë të regjistruar në programet studimore për kimi, fizikë dhe matematikë,
përkatësisht sukses 8.00 për studentët e regjistruar në programet studimore nga
fusha e shkencave bujqësore, veterinere dhe të pylltarisë.
Për studentët e programeve studimore për kuadër mësimor në edukimin
parashkollor, arsimin fillor dhe të mesëm janë të dedikuar 30 bursa për studentët të
cilat janë të regjistruar në vitin e parë.
Ministria e Arsimit dhe Shkencës do të ndajë gjithsej 150 bursa për studentët e
rregullt rom. Të gjitha konkurset janë të publikuara në ueb-faqen e Ministrisë së
Arsimit dhe Shkencës.

Zëvëndëskryeministri, Arben Fetai, në intervistë për TV News tha se për fat të keq shqiptarët kanë pak politikanë të cilët kanë menduar dhe punuar për trashëgimin që do të lënë pas tyre. Fetai thotë se Albin Kurti e ka model Arbën Xhaferin pasi që të dy kanë vizion afatgjatë për të ardhmen.

“Unë nuk ndjeki ndonjë shembull të politikani për ta imituar por sigurisht që kam mendime pozitive e afirmative për Bill Clinton e shumë të tjera që kanë bërë veprime historike. Por, kur zbresim në rajonin tonë janë të pakët ata politikanë që kanë menduar për atë që trashëgojnë pas tyre. Pra, brenga më e madhe e shumices ka qenë fati i tyre politik e zgjedhjet e ardhshme”, tha zëvëndëskryeministri, Arben Fetai.

Ai shtoi se në mesin e politikanëve që nuk janë brengosur për fatin e tyre politik ka qenë Arben Xhaferi. Fetai thotë se Kurti e ka po të njëjtin vizion sikurse të Xhaferit.

“Nuk do mend që Arben Xhaferi ishte politikan i një kalibri të veçantë që nuk brengosej për fatin e tij politik e as për zgjedhjet e ardhshme, ai ka pasur vizion afatgjatë politik për shqiptarët jo vetëm brenda vendit por edhe në rajon. Madje, mendoj që edhe Albin Kurti e ka model veprimi politik Arbën Xhaferin”, përfundoi Fetai.

Gjendja shëndetësore e të mbijetuarit të vetëm të aksidentit një dite më parë ku humbën jetën 3 persona, është stabile. Nga Spitali Klinik i Tetovës thonë se i riu është lëshuar për kurim shtëpiak. Ndërkohë vazhdon obduksioni i trupave të pajetë.

“Nga mjekët kujdestar iu bënë gjitha ekzaminimet e duhura mjekësore dhe kirurgjikale dhe pacienti është në gjendje normale dhe është në kurim shtëpiak. Kufomat janë dërguar në mjekësinë ligjore dhe mjeku ligjor është duke kryer ekzaminimet bashkë me policinë dhe me përfundimin e ekzaminimit, kufomat do iu dorëzohen familjarëve”, deklaroi Erzen Elezi, Drejtor i Spitalit Klinik të Tetovës.

Ndërkohë Sektori i Punëve të Brendshme presin nga rezultatin e mjekësisë ligjore dhe hetimin e Prokurorisë për të mësuar shkaqet që çuan në aksidentin e rëndë. Ndërkohë nga ajo që është parë në videon nga kamerat e sigurisë, jozyrtarisht dyshohet që vozitësi të ketë pësuar sulm në zemër përpara se të humbte kontrollin.

“Presim çka do tregoj autopsia e shoferit të automjetit, por në vend ngjarje ka qenë edhe prokurori publik në aksidentin e djeshëm ku humbën jetët tre persona dhe një u lëndua, dhe detajet më të hollësishme do nxirën nga ana e prokurorisë. Unë shfrytëzoj rastin të apeloj qytetarët, vozitësit, këmbësorët, motoçiklistët që të kenë kujdes dhe të respektojnë rregullat dhe përkufizimet në komunikacion që që zvogëlojmë këtë numër të viktimave dhe të lënduarve në rrugët tona”, tha Fatmir Rexhepi, zëdhënës i SPB Tetovë.

Një aksident tjetër me pasoja fatale, ndodhi një javë më parë në autostradën Tetovë-Gostivar, ku humbi jetën një njëzet vjeçar nga Gostivari. Ai humbi kontrollin ndaj motoçikletës dhe doli nga korsia. Ndryshe për shtatë muaj, nga aksidentet në Pollog, jetët kanë humbur gjithsej tetë persona. /Alsat.mk

Advertisement